२ कोरिन्‍थि 9:8 - बान्‍तावा राई

⁸ निनाम्‍हाङ्‌आ खानानिन झारा आसिखा च़लोक प़मा ऩऱन। खोन्‌ओसा खानानिन्‌एदा अ़धुन झारा य़ङ च़लोक युङ्‌ने, खोन्‍कि झारा अ़नुवाक काचिओ निम्‍पाङ च़लोक प़मा रुवानिन।

२ कोरिन्‍थि 9:8 ပူးပေါင်းရင်းမြစ်များ

छाम्‍माय़ङ 9:36

योप्‍पा सहरादा तबिता अ़ऩङ मुवाङाओ अ़क्‍छा काखेङ्‌मा युङाङा। मोसोओ ग्रिक अ़ऩङ दोरकास ओ, अ़तुप्‍माय़ङ “ख़स्‍सामा”। मो अ़धुन निचिओ निकि अ़नुवाक काचि मुवाङा, खोन्‍कि मान्‍तोक्‍कादाचि फासुङुचि।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

२ कोरिन्‍थि 13:3

मोन्‍ग़रि ओ य़ङ्‌आ अ़ङ्‌का ख्रिस्‍तओ अ़चुपाङ्‌लाम्‍पा चेप्‍ङाङाओ सालुम्‍स़ङ खानानिन ऩप़न। आम्‍नुओ च़माथाङ्‌मादा ख्रिस्‍त मान्‍ऱकादा ऩमुनिनिन, मेन खोक्‍को आम्‍नुओ रादा सावापोरिओ म़मुयाङ।

२ कोरिन्‍थि 8:19

मोन ओन्‍ङा माआङ, खो ना कोप्‍माय़ङ छुक्‍दाम यरुसलेम्‌दा आन्‍कान्‍काएनान छोङ्‌सि काखात साम्‍भुङ्‌आ छेन्‍माय़ङ म़ना ओ। ओ काचि हाङ्‌पाओ अ़चुओ ऩङ्‌लोङ्‌माओ निम्‍पाङ खोन्‍कि आन्‍कान्‍काएदा म़नाचि फामा मिन्‍मा याक्‌याङ्‌निओ खाङ्‌मुमाओ निकिना मुम्‍काओ।

२ कोरिन्‍थि 8:2

मोचि अ़चाअ़त्‍माओ तोक्‍पो चिन्‍माखाङ्‌मादाछाङ च़लोक सेवाङ्‌नि म़मुवाङा, खोन्‍कि अ़न्‍नुनु मान्‍तोक्‍कादा म़मुवाङानुछाङ मोचि प़मा मिन्‍मादा अ़न्‍नुनु अ़चुमिन्‍मा सेङाङा।

२ कोरिन्‍थि 8:7

हान देत्‍नि खानानिन सोम्‍कुवादा, चेप्‍मादा, तायादा, राक्‌दा खोन्‍कि आन्‍कान्‍काएदाओ आम्‍नुओ सोम्‍तुक्‍मादा देत्‍नि नुलोक त़च़न्‌येन, मोवात्‍निङा प़मा काचिदाछाङ च़लोक पोन्‌याङ्‌सा खारानिन।

२ कोरिन्‍थि 9:11

आम्‍नुओ तोक्‍पो सोमातुक्‍माओ निम्‍पाङ झारा य़ङ्‌दा खानानिन कातोक ऩमुन, मो सोमातुक्‍माआ आन्‍कान्‍कालाम्‍पा यरुसलेम्‌दाओ मान्‍तोक्‍कादा म़नाचिआ निनाम्‍हाङ आलाङ अ़प़।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 3:20

हान खोक्‍कोसोओ निम्‍पाङ आन्‍कान्‌एदा काचि मुमा खोक्‍कोसोओ अ़चुसावाओ काचिवा आन्‍कान दोरुम्‌ओ माङ्‌लो मित्‍तुम्‌ओदाङ्‌का अ़न्‍नुनु च़लोक मुमा अ़ऱ।

फिलिप्‍पि 4:11

दोराङाओदा हाप्‍ताङ निकिना अ़ङ्‌का हिदुक मुङाङाओ माआङ, देकिनालो दियाको ग़रिदानुछाङ मोदा अ़ङ्‌सोम्‍सेत्‍मान्‍चिन अ़ङ्‌का चिन्‍ताङ्‌युङ्‌साङ्‌च़ङ।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

२ थेसलोनिकि 2:17

आम्‍नुओ साकोङ्‌वादा राक ऩप़न्‍ने। खोन्‍कि खोक्‍कोएदाङ्‌काओ झारा अ़नुवाक काचि खोन्‍कि य़ङ्‌चिदा खानानिन्‌आ राक खोन्‍कि सावा तोक्‍तानुम।

२ तिमोथि 2:21

खाक्‍को साऩङ्‌वा मान्‍मेत्‌दामायु मुयाङ, साङ मोदाङ्‌का आप्‍पि सेङ्‌नान्‍चिन्‌नालो खो साऩङ्‌वा मित्‍चिऩङ्‌ओ निम्‍पाङ अ़क्‍छा खाम्‍मा लि, खोन्‍कि खिम्‌दाओ खिम्‍हाङ्‌पाओ निम्‍पाङ सेङ्‌साओ, याङ्‌मा खान्‍तुओ लि, खोन्‍कि खाक्‍कोछाङ अ़नुवाक काचिओ निम्‍पाङ चुम्‌युङ।

२ तिमोथि 3:17

ओसाआ निनाम्‍हाङ्‌ओ अ़चुम़नाचि झारा अ़नुवाक काचिदा नुलोक मुमाओ निम्‍पाङ म़चुम्‍सुचि।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 3:14

आन्‍म़नाचिआ अ़नुवाक काचि मुमादा अ़चुमिन्‍मा अ़पाक्‍ने, खोन्‍किना अ़न्‍नुनु दोत्‌याङ्‌ओ सामाचि कोप्‍मा अ़ऱने। मोवात्‍नि म़च़नालो आन्‍म़नाचिआ सोज्‍जेओ ह़ङ्‌म़ङ ऩखाइसुन।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

१ पत्रुस 4:10

झारासा दियाको सावा त़तोक्‍तुम्‌युङ्‌सुम, अ़नुवाक कातोङ्‌पावा निनाम्‍हाङ्‌ओ अ़चुसोमातुक्‍माओ अ़खाला-अ़खालाओ अ़चुआसिखा अ़क्‍छा निएदा मो नुलोक याङानुम।