२ कोरिन्‍थि 9:13 - बान्‍तावा राई

¹³ खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

२ कोरिन्‍थि 9:13 ပူးပေါင်းရင်းမြစ်များ

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

मत्‍ति 9:8

म़ना मुक्‍लाचिआ ओ अ़खाकिना मोचि म़क़सा, खोन्‍कि म़नाचिआ ओवाको सावा काप़ निनाम्‍हाङ्‌ओ अ़चुओ ऩङ अ़चोन्‍ता।

लुका 6:46

अ़ङ्‌का लोनानिन्‌वात्‍नि त़च़न्‍मिन्‌नालो देकि खानानिन्‌आ अ़ङ्‌का ‘हाङ्‌पो, हाङ्‌पो’नि त़लोङाङाऩङ?

युहन्‍ना 15:8

खानानिन्‌आ ब़द्‍धे सिवा त़सिसुम्‌कि अ़ङ्‌काखेङ्‌पाचिओनि खाङ्‌त़मुसुम्‌नालो ओदाङ्‌काङा अ़ङ्‌पापाओ अ़चुऩङ लोङ।

छाम्‍माय़ङ 11:18

ओ य़ङ अ़एनाकि मोचि वाइवेत म़लिसा, खोन्‍कि निनाम्‍हाङ्‌ओ अ़चुऩङ लोङ्‌याङ्‌सा, “हान निरावाचिछाङ अ़चुहेवादाङ्‌का लामाकिना म़ह़ङ्‌ने निम्‍पाङ अ़वाखाम निनाम्‍हाङ्‌आ म़प़युङ्‌सुचि”नि म़य़ङा।

छाम्‍माय़ङ 4:21

खोन्‍किना यहुदि बुसुवाचिआ पत्रुस खोन्‍कि युहन्‍ना दन्‍दा प़खा लाम दित्‍छाङ मान्‍धित्‌अ़दाकि च़लोक म़दुङ्‌तुचिकि खोचि म़लेरुखाइसुचि, देकिनालो पेसोला म़ना नुवाओ अ़खाकि झारा म़नाचिआ निनाम्‍हाङ अ़चोन्‍ताङा।

रोमि 10:16

मेन झारा इस्राएलिचिआ नुय़ङ्‌खान मान्‍लोक्‌अ़दा, देकिनालो निनाम्‍हाङ्‌य़ङ खाकालु यसैया य़ङ्‌याङ, “हाङ्‌पो, आन्‍कान्‍काएदाङ्‌का अ़एनाओ य़ङ साङ्‌आ साकोङ्‌छ़ङ मुयुङ्‌सु कि?”

रोमि 12:8

यायोक प़मा ओनालो मोसाआ यायोक प़चिने। साङ्‌आ मोहा हासु, मोसाआ अ़नुवाक मिन्‍माआ हासुने, खो बुसुवा ओनालो खो चाअ़त्‍लो काचि मुने, सोमातुक्‍मा खाङ्‌मुमाओनालो अ़ऩङानुयाङ्‌सा खाङ्‌मुसुने।

रोमि 15:31

यामारानिन खोन्‌ओसा अ़ङ्‌का यहुदियादाओ साकोङ्‌छ़ङ मान्‍मुकादाचिएदाङ्‌का रात्‍मान्‍चिन ऱङाने, खोन्‍कि यरुसलेम्‌दाओ अ़ङ्‌फामायु काचि निनाम्‍हाङ्‌ओ अ़चुम़नाचिआ लोक्‍माखान्‍तुओ लिने।

रोमि 16:26

मेन हान अ़धुन युङ्‌युङ्‌ओ निनाम्‍हाङ्‌ओ अ़चुलोमाय़ङ्‌वा निनाम्‍हाङ्‌य़ङ खाकालुचिओ अ़चुछाप्‍माचिलाम्‍पा खाङ्‌म़मेत्‍तुयुङ्‌सुचि खोन्‍कि झारा रावाचि सिन्‍म़मेत्‍तुयुङ्‌सुचि, खोन्‌ओसा मोचि साकोङ्‌छ़ङ म़मुने, खोन्‍कि लोमावा च़मा म़ऱने।

२ कोरिन्‍थि 10:5

निनाम्‍हाङ्‌ओ अ़चुतायाओ अ़देङ्‌सालाप्‍पा म़लोन्‌ओ दुम्‍छ़न्‍माचि खोन्‍कि ऱक्‍भाक्‌एनान लाम्‍काछेक य़ङ्‌चि आन्‍कान्‍का लुक्‍तुम्‍च़म्‍का, खोन्‍कि आन्‍कान्‍का झारा मिन्‍मा क़म्‍तुम्‍का खोन्‍कि मो ख्रिस्‍तओ अ़चुलोमाय़ङ्‌वा मुमेत्‍तुम्‍च़म्‍का।

२ कोरिन्‍थि 2:12

ख्रिस्‍तओ अ़चुनुय़ङ्‌खान खालुसि त्रोआस्‌दा खाराङ्‌हिदा हाङ्‌पाएदा अ़ङ्‌को निम्‍पाङ अ़क्‌तात लाम ऩहोत्‍ताङ्‌पुवाङ्‌युङ्‌साङ।

२ कोरिन्‍थि 8:4

मोचिआ निनाम्‍हाङ्‌ओ अ़चुम़नाचि ब़त्‍मा निम्‍पाङ लोक्‌ओ अ़वाखाम तोक्‍तुम्‍काने निकिना आन्‍कान्‍का अ़दु-अ़दु ऩलोन्‌युङ्‌सिन्‍का।

२ कोरिन्‍थि 9:14

खोन्‍कि निनाम्‍हाङ्‌ओ च़लोक अ़चुसोमातुक्‍मा खानानिन्‌एदा याक्‌याङ्‌ओसा, मोचिआ खानानिन च़लोक सोम्‍ऩतुक्‍तिन खोन्‍कि आम्‍नुओ निकिना याऩमात्‍तिन्‍प़न।

गलाति 1:24

खोन्‍कि अ़ङ्‌का फान्‍ताङ्‍ओदा मोचिआ निनाम्‍हाङ अ़लोङ्‌सा।

१ तिमोथि 6:12

साकोङ्‌छ़ङ्‌ओ अ़नुवाक ङेन मुवा। अ़लुक्‍निन्‌ओ ह़ङ्‌म़ङ लाउयुङ्‌सु। ओ य़ङ्‌दाङा खाना निनाम्‍हाङ्‌आ ऩबुत्‍ताओ, खाना ब़द्‍धे सालुम्‍स़ङ्‌चिओ अ़चुबुदा साकोङ्‌छ़ङ्‌ओ अ़नुवाक सालुम्‍स़ङ त़प़चिओ।

१ तिमोथि 6:13

झारा ह़ङ्‌म़ङ काप़ निनाम्‍हाङ खोन्‍कि पन्‍तियस पिलातस्‌ओ अ़बुदा अ़नुवाक सालुम्‍स़ङ काप़ ख्रिस्‍त येसुओ अ़चुबुदा अ़ङ्‌का खाना लोनाङ्‌ना,

हिब्रु 10:23

आन्‍कान लोउम्‌ओ तोक्‍मामिन्‍मा ऱक़क्‍क़क्‌वा लाउम्‌युङ्‌सुम्‍ने, देकिनालो आन्‍कान काहिप सोम्‍कुवा मुमा खान्‍तुओ म़मुयाङ।

हिब्रु 13:16

नुलोक च़मा खोन्‍कि खानानिन्‌एदा युङ्‌याङ्‌ओ निचिएदा हामा मान्‍मान्‍केदानुम, देकिनालो ओवाको हेन्‍खोक्‌वाचिआ निनाम्‍हाङ्‌ओ अ़चुऩङानु।

हिब्रु 3:1

खोन्‌ओसा निनाम्‍हाङ्‌आ ऩबुत्‍तिन्‌ओ त़सेङियेन्‌ओ अ़ङ्‍ब़ब़, नाना, खोन्‍कि निछाचि ओ, निनाम्‍हाङ्‌आ अ़छाम्‍साओ खोन्‍कि मुलो काब़क्‍पानि आन्‍कान य़ङिन्‌ओ येसु मित्‍तानुम।

हिब्रु 4:14

मोवात्‍नि निनाम्‍मादु काखात निनाम्‍हाङ्‌ओ अ़चुछा येसु आन्‍को झारादाङ्‌का तोक्‍पो मुलो काब़क्‍पा म़युङ्‌याङ्‌ओसा आन्‍कान लोउम्‌ओ ओ साकोङ्‌छ़ङ नुलोक आन्‍कान क़क्‍तुम्‌युङ्‌सुम्‍ने।

हिब्रु 5:9

मो दुखा अ़आङ्‌ताचिआकि अ़चुलोमाय़ङ काकाङ्‌चि झारासोओ निम्‍पाङ खोक्‍को अ़धुन्‌ओ लेन्‍खालाम म़लिसा।

१ पत्रुस 2:9

मेन खानानिन छेन्‍माय़ङ रावा ओ, हाङ्‌ओ अ़चुकाब़क्‍पाचि, त़सेङिन्‌येन्‌ओ म़नाचि, निनाम्‍हाङ्‌ओ आप्‍पिओ अ़चुम़नाचि ओ। खोक्‍कोसाआ खानानिन कुन्‌यामादाङ्‌का म़दोम्‍दाओ साम्‌दा ऩबुत्‍तिन, खोन्‌ओसा खोक्‍कोसोओ म़दोम्‍दाओ अ़चुकाचिचि खानानिन्‌आ खात़लुसुम्‍ने।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!