२ कोरिन्‍थि 9:12 - बान्‍तावा राई

¹² ओ काचिआ निनाम्‍हाङ्‌ओ अ़चुम़नाचिओ मान्‍तोक्‍दामा तेम्‍तु ओन्‍ङा माआङ, मेन च़लोक निनाम्‍हाङ आलाङ प़मायु चोङ्‌माङ्‌छाङ लोइसु।

२ कोरिन्‍थि 9:12 ပူးပေါင်းရင်းမြစ်များ

२ कोरिन्‍थि 1:11

खानानिन्‌आछाङ आन्‍कान्‍का यामात्‍मालाम्‍पा फामादोत। खोन्‍कि ब़द्‍धे यामात्‍माओ अ़लामाय़ङ्‌दा आन्‍कान्‍का तोक्‍तुम्‍काओ आसिखाओ निम्‍पाङ ब़द्‍धे म़नाचिआ आन्‍लिप्‍पादा आलाङ अ़प़।

२ कोरिन्‍थि 1:5

देत्‍नि आन्‍कान ख्रिस्‍तओ अ़चुदुखादा च़लोक वाङिन, मोवात्‍निङा ख्रिस्‍तलाम्‍पा सोम्‍सेत्‍मादाछाङ च़लोक्‌ङा आन्‍कान वाङिन।

२ कोरिन्‍थि 8:4

मोचिआ निनाम्‍हाङ्‌ओ अ़चुम़नाचि ब़त्‍मा निम्‍पाङ लोक्‌ओ अ़वाखाम तोक्‍तुम्‍काने निकिना आन्‍कान्‍का अ़दु-अ़दु ऩलोन्‌युङ्‌सिन्‍का।

२ कोरिन्‍थि 9:1

निनाम्‍हाङ्‌ओ अ़चुम़नाचि छुक्‍दाम प़माय़ङ्‌ओ अ़तुक्‌वादा अ़ङ्‌का खानानिन छाप्‍मा अ़दोत्‍निन।

फिलिप्‍पि 2:25

इपाफ्रोदितस, खो अ़ङ्‌निछा, अ़ङ्‌काएनान अ़क्‍नि नुय़ङ्‌खान खालुमा काचि कामु खोन्‍कि नुय़ङ्‌खान कारात अ़क्‍निओ रात्‍खामि खोन्‍कि खानानिन्‌आ त़बाइसुम्‌ओ य़ङ्‌काखुन खोन्‍कि अ़ङ्‌का हाप्‍ङाहिदा काफा ओ, खो खानानिन्‌एदा लामाबान्‍मानि मिन्‍ङाङा।

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?