२ कोरिन्‍थि 8:6 - बान्‍तावा राई

⁶ खोन्‌ओसा तितस्‌आ खानानिन्‌एदा बुया मोवात्‍नि च़मा यायोक त़प़न्‌ओसा मो अ़नुवाक काचि मुमाचिन्‍मा त़फासिन्‍ने निकिना खो आन्‍कान्‍का लोम्‍का।

२ कोरिन्‍थि 8:6 ပူးပေါင်းရင်းမြစ်များ

छाम्‍माय़ङ 24:17

खोन्‍किना ब़द्‍धेकादोङ्‌कि अ़ङ्‌का मान्‍तोक्‍कादा अ़ङ्‌रावाचि फाखा छेन्‍बि छोक्‍सि खोन्‍कि निनाम्‍हाङ छुक्‍दाम प़सि निकिना यरुसलेम बानाङ्‌ओ।

रोमि 15:25

मेन हान, निनाम्‍हाङ्‌ओ अ़चुम़नाचि फामायु छोक्‍सि अ़ङ्‌का यरुसलेम खात्‍ङाङा।

२ कोरिन्‍थि 12:18

तितस खानानिन्‌एदा खारानि अ़ङ्‌का लोङ, खोन्‍कि आन्‍निछा खोएनान अ़क्‍नि बाइसुङ। तितस्‌आ खानानिन्‌एदाङ्‌का दि तोक्‍माओ निम्‍पाङ त़म़प्‍तिन म़ल़क? दि आन्‍कान्‍का अ़क लावादा मान्‍तुङ्‌दान्‍का? दि आन्‍कान्‍का अ़क याङ्‌युप्‌दा मान्‍कोन्‍दान्‍का?

२ कोरिन्‍थि 2:13

मेन अ़ङ्‌निछा तितस मोदा मान्‍धित्‌ङा, खोन्‌ओसा अ़ङ्‌मिन्‍मा चाअ़त्‍सा। खोन्‍किना मोचिदाङ्‌का हासाङ्‌च़ङ्‌कि अ़ङ्‌का माकेदोनियाह्‍यात्‍नि खाराङ।

२ कोरिन्‍थि 8:10

ओ य़ङ्‌दा अ़ङ्‌का यायोक प़नानिन, खानानिन्‌आ दि अ़क दोङ बुया त़पुङ्‌सुम्‌ओ, ओन्‍ग़रिङा चिन्‍मा अ़नुवाक मु, प़मा ओन्‍ङा माआङ, मेन मुमामिन्‍माछाङ तासालानुम।

२ कोरिन्‍थि 8:19

मोन ओन्‍ङा माआङ, खो ना कोप्‍माय़ङ छुक्‍दाम यरुसलेम्‌दा आन्‍कान्‍काएनान छोङ्‌सि काखात साम्‍भुङ्‌आ छेन्‍माय़ङ म़ना ओ। ओ काचि हाङ्‌पाओ अ़चुओ ऩङ्‌लोङ्‌माओ निम्‍पाङ खोन्‍कि आन्‍कान्‍काएदा म़नाचि फामा मिन्‍मा याक्‌याङ्‌निओ खाङ्‌मुमाओ निकिना मुम्‍काओ।

२ कोरिन्‍थि 8:23

तितस अ़ङ्‌काएनान काचि कामु, खोन्‍कि खानानिन फामा अ़ङ्‌काएनान काचि मु, खोन्‍कि आन्‍काओ नि निछाचि साम्‍भुङ्‌चिआ बान्‍माय़ङ खोन्‍कि ख्रिस्‍तओ अ़चुऩङ कालोङ्‌चिओ।

२ कोरिन्‍थि 8:4

मोचिआ निनाम्‍हाङ्‌ओ अ़चुम़नाचि ब़त्‍मा निम्‍पाङ लोक्‌ओ अ़वाखाम तोक्‍तुम्‍काने निकिना आन्‍कान्‍का अ़दु-अ़दु ऩलोन्‌युङ्‌सिन्‍का।

२ कोरिन्‍थि 9:5

खोन्‌ओसा खानानिन्‌आ त़हिप्‍तुम्‌ओ छुक्‍तुप्‍मा बुयाङा तोङ्‌मा निकिना अ़ङ्‌कादाङ्‌का बुया निछाचि खानानिन्‌एदा बान्‍माचि दोत्‌नि अ़ङ्‌का मिनाङ। खोन्‍किना ओ छुक्‍तुप्‍मा राकाङ्‌थेत्‍निआ अ़चुम्‍निन्‍ने, मेन मिन्‍मादाओ छुक्‍तुप्‍मावा लिने।

फिलिप्‍पि 4:18

अ़ङ्‌का तोक्‍मादोत्‌ओदाङ्‌का च़लोक्‌ङा तोक्‍तुङ्‌युङ्‌सुङ। इपाफ्रोदितस्‌लाम्‍पा त़छोक्‍निओ आम्‍नुओ छुक्‍तुप्‍मा अ़ङ्‌का तोक्‍तुङ्‌युङ्‌सुङ। मो निनाम्‍हाङ्‌ओ अ़चुऩङानुओ नाम्‍नुओ अ़सुङ अ़क्‌तात लोक्‍माखान्‍तुओ हेन्‍खोक्‌वा ओ।

१ पत्रुस 4:10

झारासा दियाको सावा त़तोक्‍तुम्‌युङ्‌सुम, अ़नुवाक कातोङ्‌पावा निनाम्‍हाङ्‌ओ अ़चुसोमातुक्‍माओ अ़खाला-अ़खालाओ अ़चुआसिखा अ़क्‍छा निएदा मो नुलोक याङानुम।