२ कोरिन्‍थि 8:2 - बान्‍तावा राई

² मोचि अ़चाअ़त्‍माओ तोक्‍पो चिन्‍माखाङ्‌मादाछाङ च़लोक सेवाङ्‌नि म़मुवाङा, खोन्‍कि अ़न्‍नुनु मान्‍तोक्‍कादा म़मुवाङानुछाङ मोचि प़मा मिन्‍मादा अ़न्‍नुनु अ़चुमिन्‍मा सेङाङा।

२ कोरिन्‍थि 8:2 ပူးပေါင်းရင်းမြစ်များ

मत्‍ति 20:15

दि आप्‍पिओ अ़ङ्‌छेन्‍बिआ अ़ङ्‌का मिन्‍ङावात्‍नि मुमा अ़ङ्‌काएदा पाङ मात्‍द़ङ कि? अ़ङ्‌को अ़नुवाक काचिदा देकि आम्‍माइसुङ कात्‌याङ?’”

रोमि 12:8

यायोक प़मा ओनालो मोसाआ यायोक प़चिने। साङ्‌आ मोहा हासु, मोसाआ अ़नुवाक मिन्‍माआ हासुने, खो बुसुवा ओनालो खो चाअ़त्‍लो काचि मुने, सोमातुक्‍मा खाङ्‌मुमाओनालो अ़ऩङानुयाङ्‌सा खाङ्‌मुसुने।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 2:9

खानानिन चिन्‍माखाङ्‌मा खोन्‍कि झारा य़ङ्‌दा लोमाय़ङ्‌वा त़च़न्‌येन हे माआङ्‌नि सिन्‍मा निम्‍पाङ अ़ङ्‌का खानानिन छाप्‍नानिन्‌ओ।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

२ कोरिन्‍थि 9:11

आम्‍नुओ तोक्‍पो सोमातुक्‍माओ निम्‍पाङ झारा य़ङ्‌दा खानानिन कातोक ऩमुन, मो सोमातुक्‍माआ आन्‍कान्‍कालाम्‍पा यरुसलेम्‌दाओ मान्‍तोक्‍कादा म़नाचिआ निनाम्‍हाङ आलाङ अ़प़।

२ कोरिन्‍थि 9:13

खानानिन्‌आ त़मुम्‌ओ ओ काचि सिवाआ मोचिआ निनाम्‍हाङ अ़लोङ। देकिनालो मोचिआ अ़नुवाक मिन्‍माआ मोचि खोन्‍कि झारा साकोङ्‌छ़ङ कामुचि त़फासुम्‍च़म्‌ओ काचिआ ख्रिस्‍तओ अ़चुनुय़ङ्‌खान्‌दा साकोङ्‌छ़ङ त़मुम्‌ओ य़ङ खोन्‍कि निनाम्‍हाङ्‌ओ अ़चुलोमाय़ङ्‌वा त़च़न्‌ओ अ़छ़ङ मुयुङ्‌सुयुङ्‌सु।

१ थेसलोनिकि 1:6

खानानिन आन्‍कान्‍का खोन्‍कि हाङ्‌पा काखेङ त़लिसिन, देकिनालो ब़द्‍धे दुखा त़आङ्‌तुम्‌किछाङ सेङ्‌लावाआ ऩप़न्‌ओ ऩङानुयाङ्‌सा खानानिन्‌आ य़ङ्‌खान त़लोउम।

१ थेसलोनिकि 2:14

देकिनालो अ़ङ्‍ब़ब़, नाना खोन्‍कि निछाचि ओ, ख्रिस्‍त येसुदा साकोङ्‌छ़ङ कामु यहुदियादाओ निनाम्‍हाङ्‌ओ अ़चुसाम्‍भुङ्‌चि कात़ङ खानानिन त़लिसिन्‌युङ्‌सिन। देत्‍नि यहुदि साम्‍भुङ्‌चिआ अ़चुम़नाचिदाङ्‌का दुखा अ़आङ्‌ता, मोवात्‍निङा खानानिन्‌आ आम्‍नुओ हेन्‍कोप्‌दाओ म़नाचिलाम्‍पा दुखा त़आङ्‌तुम।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

खाङ्‌मुमा 2:9

अ़ङ्‌का आम्‍दुखाचि खोन्‍कि आम्‍मान्‍तोक्‍दामाचि सिन्‍तुङ्‌योङ्‌च़ङ। मेन खाना कातोक त़मुयाङ! साङ आप्‍पि यहुदिनि म़लोनानान्‍चिन, मोचिआ खानानिन ऩसुङ्‌तिन्‌येन्‌ओ अ़ङ्‌का सिन्‍तुङ्‌योङ। मोचि यहुदिचि माआङ, मेन सैतानाओ अ़रुहुप्‌चि ओ।