२ कोरिन्‍थि 8:18 - बान्‍तावा राई

¹⁸ खोन्‍कि आन्‍कान्‍का खोएनान अ़क्‍छा निछा बाइसुम्‌योम्‍का, खो नुय़ङ्‌खान खालुमादा झारा साम्‍भुङ्‌चिदा अ़ऩङ ऱङाओ ओ।

२ कोरिन्‍थि 8:18 ပူးပေါင်းရင်းမြစ်များ

रोमि 16:4

मोचिआ अ़चुह़ङ्‌म़ङ अ़ङ्‌को निम्‍पाङ क़माकात्‍तुओदा अ़पाआचु। मोचि अ़ङ्‌का ओन्‍ङा आलाङ अ़प़न्‌ङ्‍च़ङ, मेन झारा निरावा साम्‍भुङ्‌चिआछाङ आलाङ म़प़चि।

१ कोरिन्‍थि 16:3

खोन्‍किना अ़ङ्‌का बान्‍ङाकि खानानिन अ़छ़ङ त़मुम्‍च़म्‌ओ म़नाचि सिन्‍खा छाप्‍लावा अ़ङ्‌का प़ङ्‌च़ङ, खोन्‍कि आम्‍नुओ छुक्‍तुप्‍मा यरुसलेम खुन्‍मेत्‍तुङ्‌खाइसुङ्‌च़ङ।

१ कोरिन्‍थि 4:17

खोवात्‍निओसा अ़ङ्‌का सोमातुक्‍तुङ्‌योङ्‌ओ अ़ङ्‌छा तिमोथि खानानिन्‌एदा बाइसुङ्‌योङ, खो हाङ्‌पाएदा सोम्‍कुवा कामु मुयाङ। अ़ङ्‌का झारादात्‍नि झारा साम्‍भुङ्‌दा दि चिन्‍तुङ्‌च़ङ, ख्रिस्‍त येसुएदा अ़ङ्‌ह़ङ्‌म़ङ देत्‍नि मुयाङ निकिना तिमोथिआ खानानिन खाऩएत्‍तिन।

१ कोरिन्‍थि 7:17

देत्‍नि त़युङिन्‌येन्‌हिदा हाङ्‌पा येसुआ खानानिन ऩछेन्‍तिन खोन्‍कि अ़चुओ म़ना लिमा निनाम्‍हाङ्‌आ ऩबुत्‍तिन, मोवात्‍निङा युङानिन। झारा साम्‍भुङ्‌चिओ निम्‍पाङ अ़ङ्‌य़ङ्‌हुप ओङा ओ।

२ कोरिन्‍थि 12:18

तितस खानानिन्‌एदा खारानि अ़ङ्‌का लोङ, खोन्‍कि आन्‍निछा खोएनान अ़क्‍नि बाइसुङ। तितस्‌आ खानानिन्‌एदाङ्‌का दि तोक्‍माओ निम्‍पाङ त़म़प्‍तिन म़ल़क? दि आन्‍कान्‍का अ़क लावादा मान्‍तुङ्‌दान्‍का? दि आन्‍कान्‍का अ़क याङ्‌युप्‌दा मान्‍कोन्‍दान्‍का?

२ कोरिन्‍थि 2:12

ख्रिस्‍तओ अ़चुनुय़ङ्‌खान खालुसि त्रोआस्‌दा खाराङ्‌हिदा हाङ्‌पाएदा अ़ङ्‌को निम्‍पाङ अ़क्‌तात लाम ऩहोत्‍ताङ्‌पुवाङ्‌युङ्‌साङ।

२ कोरिन्‍थि 8:19

मोन ओन्‍ङा माआङ, खो ना कोप्‍माय़ङ छुक्‍दाम यरुसलेम्‌दा आन्‍कान्‍काएनान छोङ्‌सि काखात साम्‍भुङ्‌आ छेन्‍माय़ङ म़ना ओ। ओ काचि हाङ्‌पाओ अ़चुओ ऩङ्‌लोङ्‌माओ निम्‍पाङ खोन्‍कि आन्‍कान्‍काएदा म़नाचि फामा मिन्‍मा याक्‌याङ्‌निओ खाङ्‌मुमाओ निकिना मुम्‍काओ।