२ कोरिन्‍थि 8:17 - बान्‍तावा राई

¹⁷ देकिनालो खोसाआ आन्‍काओ यायोक काङ्‌साओ ओन्‍ङा माआङ, मेन खोछाङ अ़न्‍नुनु अ़राक्‌एनान खोन्‍कि खोसोओङा अ़मिन्‍माआ खानानिन्‌एदा बान्‌याङ।

२ कोरिन्‍थि 8:17 ပူးပေါင်းရင်းမြစ်များ

२ कोरिन्‍थि 12:18

तितस खानानिन्‌एदा खारानि अ़ङ्‌का लोङ, खोन्‍कि आन्‍निछा खोएनान अ़क्‍नि बाइसुङ। तितस्‌आ खानानिन्‌एदाङ्‌का दि तोक्‍माओ निम्‍पाङ त़म़प्‍तिन म़ल़क? दि आन्‍कान्‍का अ़क लावादा मान्‍तुङ्‌दान्‍का? दि आन्‍कान्‍का अ़क याङ्‌युप्‌दा मान्‍कोन्‍दान्‍का?

२ कोरिन्‍थि 8:10

ओ य़ङ्‌दा अ़ङ्‌का यायोक प़नानिन, खानानिन्‌आ दि अ़क दोङ बुया त़पुङ्‌सुम्‌ओ, ओन्‍ग़रिङा चिन्‍मा अ़नुवाक मु, प़मा ओन्‍ङा माआङ, मेन मुमामिन्‍माछाङ तासालानुम।

२ कोरिन्‍थि 8:6

खोन्‌ओसा तितस्‌आ खानानिन्‌एदा बुया मोवात्‍नि च़मा यायोक त़प़न्‌ओसा मो अ़नुवाक काचि मुमाचिन्‍मा त़फासिन्‍ने निकिना खो आन्‍कान्‍का लोम्‍का।

२ कोरिन्‍थि 8:8

अ़ङ्‌का खानानिन लोमाय़ङ्‌वा लोनाङ्‌नानिन्‌ओ माआङ, मेन निचिओ अ़चुराक्‌एनान तोङ्‌खाङ्‌याङ्‌सा आम्‍नुओ सोम्‍तुक्‍माछाङ अ़छ़ङ मुयाङ्‌नि खाङ्‌मुमाओ निम्‍पाङ अ़ङ्‌का लोनानिन्‌ओ।

हिब्रु 13:22

ब़ब़, नाना खोन्‍कि निछाचि ओ, अ़ङ्‌का खानानिन राक प़नाङ्‌नानिन, खानानिन अ़ङ्‌यायोक्‌चिदा मिन्‍मा पाक्‍तानुम। देकिनालो ओ छाप्‍लावादा खानानिन अ़ङ्‌का थुत्‍मेत्‍लो ओन्‍ङा छाप्‍तुङ्‌युङ्‌सुङ।