२ कोरिन्‍थि 8:10 - बान्‍तावा राई

¹⁰ ओ य़ङ्‌दा अ़ङ्‌का यायोक प़नानिन, खानानिन्‌आ दि अ़क दोङ बुया त़पुङ्‌सुम्‌ओ, ओन्‍ग़रिङा चिन्‍मा अ़नुवाक मु, प़मा ओन्‍ङा माआङ, मेन मुमामिन्‍माछाङ तासालानुम।

२ कोरिन्‍थि 8:10 ပူးပေါင်းရင်းမြစ်များ

मत्‍ति 10:42

साङ्‌आ ओ अ़चुप्‍पोचिएदाओ अ़क्‍छा अ़ङ्‌काखेङ अ़क खुङ ओन्‍ङानुछाङ केङ्‌याङ्‌ओ चाक्‌वा दुङ्‌मा प़, अ़नुछ्‍या अ़ङ्‌का खानानिन लोनानिन, देम्‍खाछाङ खोसाआ अ़सिरिफा अ़मासुन।”

युहन्‍ना 11:50

दि झारा म़नाचि लुक्‍मादाङ्‌का रावाओ निम्‍पाङ अ़क्‍छा म़ना स़मा आम्‍नुओ निम्‍पाङ नुलोक लि निकिना खानानिन त़तुप्‍तिमिन्‌येन कि?”

युहन्‍ना 16:7

खोन्‍नुछाङ अ़ङ्‌का खानानिन अ़नुछ्‍या लोनानिन, अ़ङ्‌का खात्‍ङाकिना खानानिन नुलोक त़लिसिन। देकिनालो अ़ङ्‌का अ़खात्‍ऩङ्‌नालो यायोक काप़ खानानिन्‌एदा ऩय़निन। मेन अ़ङ्‌का खात्‍ङानालो अ़ङ्‌का खोक्‍को खानानिन्‌एदा छुत्‍तुङ।

युहन्‍ना 18:14

ओ मो कैयाफाङा ओ, खोसाआ “म़नाचिओ निम्‍पाङ अ़क्‍छा म़ना स़मा नुलोक लि”नि यहुदि बुसुवाचि यायोक प़चिओ।

१ कोरिन्‍थि 10:23

खाना त़य़ङ, “देनुछाङ च़मा नु।” मेन झारा य़ङ्‌आ नुलोक म़मुनिन। खाना त़य़ङ, “देनुछाङ च़मा नु।” मेन झारा य़ङ्‌आ म़फानिन।

१ कोरिन्‍थि 16:2

झाराका साताओ बुयाओ लेन खानानिन झारासाआ आ-आप्‍पि त़दुउम्‌ओ अ़चित छेन्‍बि फेआनुम्‌कि कोवायुङ्‌सानुम। खोन्‌ओसा अ़ङ्‌का बान्‍ङाओ ग़रि कोप्‍मा अ़दोत्‍निन्‍ने।

१ कोरिन्‍थि 6:12

खानानिन त़य़ङिन, “अ़ङ्‌का मिन्‍ङाओ झारा य़ङ मुमाछाङ तोक्‍तुङ”, मेन झारा य़ङ्‌आ खानानिन नुलोक ऩमुन्‍मिन। अ़ङ्‌का मिन्‍ङाओ झारा य़ङ मुमाछाङ तोक्‍तुङ, मेन अ़ङ्‌का दिसु य़ङ्‌ओछाङ हारुक अ़लिऩङ।

१ कोरिन्‍थि 7:25

हान वारिसाचिओ अ़चुतुक्‌वादा अ़ङ्‌का हाङ्‌पाएदाङ्‌का खाक्‍कोछाङ लोमाय़ङ मान्‍तोक्‌युक्‍तुङ। मेन हाङ्‌पाओ अ़चुसोम्‍तुक्‍मालाम्‍पा अ़क्‍छा सोम्‍कुवा मुमा खान्‍तुओ लिसाङ्‌ओसा अ़ङ्‌का खानानिन अ़ङ्‌यायोक प़नानिन।

१ कोरिन्‍थि 7:40

मेन मो मोन्‍तेकाङा युङ्‌नालो च़लोक अ़ऩङानुनि अ़ङ्‌का मिन्‍ङाङा। ओ ना अ़ङ्‌मिन्‍मा ओ, खोन्‍कि अ़ङ्‌का मिन्‍ङाङा अ़ङ्‌काएदाछाङ निनाम्‍हाङ्‌ओ अ़चुलावा म़याक्‌याङ।

२ कोरिन्‍थि 12:1

अ़ङ्‌का अ़ङ्‌चेप्‍मादा तोक्‍पो लिमायुङ्‌माङादोत। मेन ओदाङ्‌का दित्‍छाङ अ़तोक्‍तिमिन्‌नुछाङ, हाङ्‌पाआ तुप्‍मा ऩपुवाङ्‌ओ सेन्‍चिचि खोन्‍कि साम्‌चिओ अ़चुतुक्‌वादा अ़ङ्‌का य़ङ्‌ङा।

२ कोरिन्‍थि 8:6

खोन्‌ओसा तितस्‌आ खानानिन्‌एदा बुया मोवात्‍नि च़मा यायोक त़प़न्‌ओसा मो अ़नुवाक काचि मुमाचिन्‍मा त़फासिन्‍ने निकिना खो आन्‍कान्‍का लोम्‍का।

२ कोरिन्‍थि 8:8

अ़ङ्‌का खानानिन लोमाय़ङ्‌वा लोनाङ्‌नानिन्‌ओ माआङ, मेन निचिओ अ़चुराक्‌एनान तोङ्‌खाङ्‌याङ्‌सा आम्‍नुओ सोम्‍तुक्‍माछाङ अ़छ़ङ मुयाङ्‌नि खाङ्‌मुमाओ निम्‍पाङ अ़ङ्‌का लोनानिन्‌ओ।

२ कोरिन्‍थि 9:2

देकिनालो अ़ङ्‌का आम्‍नुओ मिन्‍मा सिन्‍तुङ्‌योङ। खोन्‍कि आनेम्‍ऩङ्‌दाङ्‌का अखैया धिखाहुप्‌दाओ म़नाचि छुक्‍दाम प़मा म़चुम्‍सान्‌यान्‍चिन निकिना आम्‍नुओ तुक्‌वादा माकेदोनियादाओ म़नाचि अ़ङ्‌ऩङानुयाङ्‌सा मोचि अ़ङ्‌का लोङ्‌च़ङ्‌ओ। आम्‍नुओ राक्‌आ मोचिएदाओ ब़द्‍धेकापाङ अ़चुचोङ्‌माङ काइसुयुङ्‌सुचि।

फिलिप्‍पि 4:17

अ़ङ्‌का छुक्‍तुप्‍मा लाम्‍ङाङाओ माआङ, मेन अ़ङ्‌का ना खानानिन्‌आ च़लोक आसिखा तोक्‍तानुम्‌नि मिन्‍ङाङा।

हिब्रु 13:16

नुलोक च़मा खोन्‍कि खानानिन्‌एदा युङ्‌याङ्‌ओ निचिएदा हामा मान्‍मान्‍केदानुम, देकिनालो ओवाको हेन्‍खोक्‌वाचिआ निनाम्‍हाङ्‌ओ अ़चुऩङानु।