२ कोरिन्‍थि 7:4 - बान्‍तावा राई

⁴ खानानिन्‌एदा अ़ङ्‌को अ़धिवा सोम्‍कुवा याक्‌याङ। खानानिन्‌एदा ब़द्‍धे अ़ङ्‌ऩङानुङाङान्‍च़ङ। अ़न्‍नुनु अ़ङ्‌सोम्‍सुवायुङ्‌सा। झारा आन्‍काओ दुखादा च़लोक अ़ङ्‌ऩङानुवायुङ्‌सा।

२ कोरिन्‍थि 7:4 ပူးပေါင်းရင်းမြစ်များ

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

रोमि 5:3

मोन ओन्‍ङा माआङ, मेन आन्‍कान आन्‍दुखाचिदाछाङ ऩङानुसिन्‍चिन, देकिनालो आन्‍कान सिन्‍तुम्‌योम दुखाआ आङ्‌मा सावा तारु।

१ कोरिन्‍थि 1:4

ख्रिस्‍त येसुदा निनाम्‍हाङ्‌आ खानानिन सोमा ऩतुक्‍तिन्‌ओसा आम्‍नुओ निकि अ़ङ्‌का अ़धुन निनाम्‍हाङ आलाङ प़ङ।

२ कोरिन्‍थि 1:4

खोक्‍कोसाआ आन्‍कान झारा आन्‍दुखाचिदा आन्‍सोम्‍म़सेत। खोन्‌ओसा आन्‍कान्‌छाङ निनाम्‍हाङ्‌एदाङ्‌का तोक्‍तुम्‌ओ मो सोम्‍सेत्‍मालाम्‍पा दियाकोछाङ दुखादा म़छुक्‍ताओचि अ़चुसोम्‍सेत्‍मा ऱम्‍च़म।

२ कोरिन्‍थि 10:8

आन्‍काओ पाङ्‍ओ अ़तुक्‌वादा अ़ङ्‌का अ़क्‍चित च़लोक ऱक्‍भाक मुवाङ्‌नुछाङ अ़ङ्‌का लेजोदा अ़छुक्‍ऩङ, देकिनालो खानानिन लुक्‍माओ निम्‍पाङ माआङ, मेन आम्‍नुओ नुलोक्‌ओ निम्‍पाङ हाङ्‌पाआ आन्‍कान्‍का ओ पाङ ऩप़न्‌युङ्‌सिन्‍का।

२ कोरिन्‍थि 11:21

अ़ङ्‌का लेजो कात्‌याङ्‌सा लोक्‍मादोत, आन्‍कान्‍काएदा मो य़ङ्‌चि मुमा राक मात्‍द़ङ्‌याङ! मेन साङ दिसु य़ङ्‌दा तोक्‍पो लिमा राक मुनालो अ़ङ्‌काछाङ मो य़ङ्‌दा तोक्‍पो लिमा राक मुङा। उवा, अ़ङ्‌का खामान्‍सिन्‌वा चेप्‍ङाङा!

२ कोरिन्‍थि 2:14

मेन निनाम्‍हाङ आलाङ्‌ने, खोक्‍कोसाआ आन्‍कान्‍का ख्रिस्‍तदा अ़धुन छोमादा म़तित, खोन्‍कि खोक्‍कोसोओ अ़चुताया आन्‍कान्‍कालाम्‍पा झारादात्‍नि अ़फे।

२ कोरिन्‍थि 3:12

खोन्‌ओसा, आन्‍काओ ओवाको सोम्‍कुवा मुयाङ्‌ओसा अ़न्‍नुनु आन्‍काओ राक याक्‌याङ।

२ कोरिन्‍थि 7:14

देकिनालो खोसोओ अ़बुदा आम्‍नुओ तुक्‌वादा तोक्‍पो लिसाङ्‌नुछाङ, अ़ङ्‌का खानानिन्‌आ लेजो मान्‍मेत्‍त़दाङ्‌ऩङ। मेन देत्‍नि आन्‍कान्‍का खानानिन लोनिओ झारा य़ङ्‌चि अ़छ़ङ म़मुवाङा, मोवात्‍निङा तितस्‌ओ अ़बुदा आम्‍नुओ तुक्‌वादा आन्‍कान्‍का तोक्‍पो लिसिन्‍काओ य़ङ्‌छाङ अ़छ़ङ लिसायुङ्‌सा।

२ कोरिन्‍थि 8:24

खोन्‌ओसा, आम्‍नुओ सोम्‍तुक्‍मा खोन्‍कि आम्‍नुओ तुक्‌वादा आन्‍काओ ऩङानुमाओ अ़सालुम्‍स़ङ साम्‍भुङ्‌चिओ अ़चुबुदा ओ म़नाचि खाङ्‌मेत्‍तानुम्‍च़म।

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

फिलिप्‍पि 1:26

खोन्‌ओसा अ़ङ्‌का खानानिन्‌एदा लाङाताङाहिदा अ़ङ्‌तुक्‌वाआ खानानिन्‌आ ख्रिस्‍त येसु चोन्‍माओ च़लोक अ़तुक्‌वा लि।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

कलस्‍सि 1:24

हान आम्‍नुओ निम्‍पाङ अ़ङ्‌का दुखा आङ्‌मादा अ़ङ्‌ऩङानुङान्‍च़ङ। खोन्‍कि ख्रिस्‍तओ अ़चुलिप्‍पादा म़युङ्‌याङ्‌ओ चाअ़त्‍माचि खोक्‍कोसोओ अ़चुपोक माङ्‌लो साम्‍भुङ्‌ओ निम्‍पाङ अ़ङ्‌का अ़ङ्‌पोक्‌दा तासुङ्‌लाङ।

१ थेसलोनिकि 2:19

आन्‍हाङ्‌पा येसु म़य़हिदा खोक्‍कोसोओ अ़चुबुदा आन्‍काओ सोम्‍कुवा खोन्‍कि आन्‍काओ ऩङानुमा माङ्‌लो सिरिफाओ तोक्‍पो लिमा खानानिन्‌ङा माआङ कि?

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

२ थेसलोनिकि 1:4

खोन्‌ओसा खानानिन्‌आ आङ्‌माय़ङ खोन्‍कि झारा दुखाचिदाओ सोम्‍कुवा मुमाय़ङ खोन्‍कि अ़चाअ़त्‍माचि खानानिन्‌आ त़आङ्‌तुम्‌योम्‌ओ अ़तुक्‌वादा तोक्‍पो लियाङ्‌सा निनाम्‍हाङ्‌ओ नि अ़चुसाम्‍भुङ्‌चि आन्‍कान्‍का खाएत्‍तुम्‍च़म्‍का।

फिलेमोन 1:7

निछा ओ, खानाआ सोमात़तुक्‍तुचिओसा ब़द्‍धे अ़ङ्‌ऩङानुवायुङ्‌सा खोन्‍कि ब़द्‍धे अ़ङ्‌सोम सुवायुङ्‌सा, देकिनालो खानाआ निनाम्‍हाङ्‌ओ अ़म़नाचिओ अ़चुसाकोङ्‌वा चानुलो त़मेत्‍तुप़युङ्‌सुचि।

याकुब 1:2

ब़ब़, नाना खोन्‍कि निछाचि ओ, खानानिन्‌एदा अ़पारा-अ़पाराओ चिन्‍माखाङ्‌माचि म़ताहिदा आम्‍नुओ अ़न्‍नुनु ऩङानुने।