२ कोरिन्‍थि 7:1 - बान्‍तावा राई

¹ खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

२ कोरिन्‍थि 7:1 ပူးပေါင်းရင်းမြစ်များ

मत्‍ति 12:33

अ़नुवाक स़ङ्‌ताङ्‌आ अ़नुवाक अ़सिवा सिसु, खोन्‍कि अ़अ़त्‍पा स़ङ्‌ताङ्‌आ अ़अ़त्‍पा अ़सिवा सिसु। मोसोओ अ़सिवादाङ्‌काङा स़ङ्‌ताङ दियाको ओ, मो य़ङ्‌मा त़ऱन।

मत्‍ति 5:48

खोन्‌ओसा निनाम्‍मादु कायुङ आम्‍नुओ पापा देत्‍नि अ़नुवाक म़मुयाङ, खानानिन्‌छाङ मोवात्‍निङा अ़नुवाक लिसानिन।”

मत्‍ति 5:8

सेङ्‌याङ्‌ओ अ़चुसाकोङ्‌वा याक्‌याङ्‌ओचि आसिखा कातोक्‌चि ओ, देकिनालो मोचिआ निनाम्‍हाङ अ़खाङ।

छाम्‍माय़ङ 9:31

खोन्‍किना झारा यहुदिया, गालिल खोन्‍कि सामरियादाओ साम्‍भुङ्‌दा सेवाङ्‌नि लिसा। साम्‍भुङ छोयाङ्‌सा खाराकि हाङ्‌पा सायामेत्‌याङ्‌सा म़युङाङाओसा सेङ्‌लावाआ सावा प़चिकिना अ़चुखिप्‍मा पोन्‌याङ्‌सा खारा।

रोमि 5:20

झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

१ कोरिन्‍थि 6:20

खानानिन निनाम्‍हाङ्‌ओ अ़चुलुङ अ़छोराकि ऩखिरिन्‌ओ। खोन्‌ओसा खानानिन्‌आ आम्‍नुओ पोक्‌दा निनाम्‍हाङ साया मेत्‍तानुम।

२ कोरिन्‍थि 1:20

देकिनालो निनाम्‍हाङ्‌ओ झारा अ़चुहिप्‍माय़ङ्‌चि खोक्‍कोएदा “अ़नुछ्‍या” म़मु। खोन्‌ओसा खोक्‍कोलाम्‍पा निनाम्‍हाङ्‌ओ अ़चुऩङ्‌लोङ्‌माओ निम्‍पाङ आन्‍कान “आमेन”नि य़ङिन।

एफिसि 2:3

अ़नुछ्‍या झारा आन्‍कान्‌छाङ मोचिओ अ़चुरादा अ़क्‍दु आन्‍पोक्‌ओ हेवामि च़माथाङ्‌मा च़क्‍ख़य़चिदा आन्‍ऩङानुवाङा, खोन्‍कि आप्‍पि आन्‍मित्‍माचि खोन्‍कि मिन्‍माचिवात्‍नि च़न्‌येन। नि म़नाचिवात्‍नि आन्‍कान च़माथाङ्‌माआ हेवामि लिसिन्‌ओसा आन्‍कान निनाम्‍हाङ्‌ओ अ़चुलोमा मान्‍काङ्‌दान्‌येन।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

हिब्रु 12:23

खानानिन बुया म़लिसाओचिओ निनाम्‍मादुओ अ़चुयायोक्‍खादा त़तान्‌युङ्‌सिन। मोचिओ अ़चुऩङ निनाम्‍मादु छाप्‍तायुङ्‌सा। मोचि अ़च़क़ल़क मुमाय़ङ साम्‌योक्‍मि म़नाचिओ अ़चुलावा ओ। खानानिन झारा म़नाचि छ़ङ्‌काछेन निनाम्‍हाङ्‌एदा त़तान्‌युङ्‌सिन।

हिब्रु 12:28

खोन्‌ओसा अ़ङाङ्‌निन्‌ओ हेन्‍कोप आन्‍कान तोक्‍तुम्‌ओदा आन्‍कान आलाङ्‌मिओ लिसिन्‍ने, खोन्‍किना कित्‌याङ्‌सा खोन्‍कि सायामेत्‌याङ्‌सा निनाम्‍हाङ्‌ओ अ़चुऩङानुलो ब़क्‍तुम्‍ने।

हिब्रु 4:1

निनाम्‍हाङ्‌ओ अ़चुसावातोम्‍खादा वाङ्‌माओ हिप्‍माय़ङ हान्‍छाङ युङ्‌याङ। खोन्‌ओसा आन्‍कान चाप्‍चेत्‍मान्‍चिन्‍दोत खोन्‍कि खानानिन्‌एदाङ्‌का साङ्‌छाङ मो हिप्‍माय़ङ सावातोम्‍खादा मान्‍तालामादामादा त़छुक्‍तिमिन्‍ने।

हिब्रु 6:9

सोमातुक्‍निङ्‌निओ यावाचि ओ, आन्‍कान्‍का ओवात्‍नि आम्‍नुओ तुक्‌वादा य़ङिन्‍कानुछाङ आम्‍नुओ लेन्‍माएनान च़लोक अ़नुवाक य़ङ्‌चि खानानिन्‌एदा म़तानि आन्‍कान्‍का सोम्‍कुवा मुन्‍का।

याकुब 4:8

निनाम्‍हाङ्‌ओ अ़चुच़क्‌दा तानिन, खोन्‍कि खोक्‍को आम्‍नुओ च़क्‌दा म़ता। खानानिन हेवामिचि ओ! आम्‍नुओ छुक वासुवानुम। कोङ्‌क़त्‌वा म़नाचि ओ! आम्‍नुओ साकोङ्‌वा सेङ्‌सानुम।

१ पत्रुस 1:15

मेन खानानिन काबुत सेङ्‌लो म़मुयाङ्‌वा खानानिन्‌छाङ झारा आम्‍नुओ च़माथाङ्‌मादा सेङानिन।

१ पत्रुस 1:17

साङ्‌लिप्‍पाछाङ मान्‌वाङ्‌माङ झारासोओ काचिदा छ़ङ्‌काछेन निनाम्‍हाङ खानानिन्‌आ “आपो”नि य़ङ्‌सा त़ब़क्‍तुम्‌नालो ओ हेन्‍खामादा निहेन्‍कोप्‌दाओवा त़युङिन्‌येन्‌हिदा आम्‍नुओ च़माथाङ्‌मादा खोक्‍को साया मेत्‍तानुम।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:11

ओ हेन्‍खामादा निहेन्‍कोप्‌दाओचि खोन्‍कि तावाङ्‌चिवात्‍नि त़मुन्‌येन्‌ओ सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का खानानिन यायोक प़नाङ्‌नानिन, आम्‍नुओ लावाओ अ़देङ्‌सालाप्‍पादा ङेन कामु पोक मित्‍माचिदाङ्‌का अ़थाया युङानिन।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 1:9

आन्‍कान आन्‍हेवाचि निनाम्‍हाङ्‌ओ अ़चुबुदा लोउम्‍च़म्‌नालो खोक्‍कोसाआ आन्‍हेवाचि आन्‍कान म़लेत प़, खोन्‍कि झारा मान्‍साम्‌योक्‍मिचिदाङ्‌का म़सेङ, देकिनालो खोक्‍को साकोङ्‌छ़ङ मुमा खान्‍तुओ खोन्‍कि साम्‌योक्‍मि म़मुयाङ।

१ युहन्‍ना 3:3

खोन्‍कि खोक्‍को म़सेङ्‌याङ्‌वात्‍निङा खोक्‍कोएदा सोम्‍कुवा कामुचि झारा आप्‍पि म़सेङ्‌नान्‍चिन।