२ कोरिन्‍थि 6:1 - बान्‍तावा राई

¹ निनाम्‍हाङ्‌एनान अ़क्‍नि काचि कामुओसा आन्‍कान्‍का खानानिन लोनिङ्‌नि, निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम, हान निनाम्‍हाङ काचि मुमा खानानिन्‌एदा पुवानुम।

२ कोरिन्‍थि 6:1 ပူးပေါင်းရင်းမြစ်များ

मत्‍ति 23:37

यरुसलेम, यरुसलेम, खाना निनाम्‍हाङ्‌य़ङ खाकालुचि त़सेरुचि खोन्‍कि खानाएदा छुत्‍तुङ्‌च़ङ्‌ओचि लुङ्‌ताक्‌आ त़कोउचि! देत्‍नि वामामाआ वाइछेत्‌चि अ़लाप्‌हुत्‌दा कोउचि, मोवात्‍निङा देम्‍कादु अ़ङ्‌का आम्‍छाचि कोप्‍माचिनि मिनाङ, मेन खाना त़छुन्‍ता।

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 14:3

खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

२ कोरिन्‍थि 10:1

खा-खाक्‍को म़नाचि म़य़ङ, अ़ङ्‌का पावल, आम्‍नुओ बुदा खोन्‍कि सिम्‍ङान्‍च़ङ, मेन अ़थाया लिङाहिदा खानानिन्‌एदा छाक्‍लो लिङा! ख्रिस्‍तओ अ़चुसिम्‍मान्‍चिन खोन्‍कि अ़चुसोम्‍तुक्‍मालाम्‍पा अ़ङ्‌का खानानिन लोनाङ्‌नानिन।

गलाति 2:21

निनाम्‍हाङ्‌ओ अ़चुसोम्‍तुक्‍मा अ़ङ्‌का सोज्‍जेनि अ़मित्‍ऩङ, देकिनालो य़ङ्‌हुप्‌लाम्‍पा साम्‌योक्‍मि कान्‌ओदेना ख्रिस्‍त सोज्‍जेङा म़सुवा।

गलाति 3:4

दि खानानिन्‌आ ओन ब़द्‍धे दुखा सोज्‍जेङा त़आङ्‌तुम? ओवात्‍नि ना देम्‍खाछाङ माआङ!

१ थेसलोनिकि 3:5

खोन्‌ओसा, अ़ङ्‌का च़लोक आङ्‌मा मान्‍ऱङाकिना आम्‍नुओ साकोङ्‌छ़ङ्‌ओ अ़तुक्‌वादा सिन्‍मा निकिना अ़ङ्‌का तिमोथि छुत्‍तुङ। सैतानाआ खानानिन चिन्‍माखाङ्‌मादा ऩधान्‍तिन्‌कि आन्‍कान्‍का मुम्‍काओ काचि सोज्‍जे लिसा हे निकिना अ़ङ्‌क़माकारा।

तितस 2:11

देकिनालो निनाम्‍हाङ्‌आ झारा म़नाचि लेन्‍मा खोक्‍कोसोओ अ़चुसोम्‍तुक्‍मा खाङ्‌अ़मुसा।

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

हिब्रु 12:25

चाप्‍चेत्‍तानिन्‍चिन! साङ म़चेप्‌याङ, खोक्‍को खानानिन्‌आ ऩङामान्‍छित्‌दानुम। निनाम्‍हाङ्‌आ हेन्‍खामादा चाप्‍म़चेत्‍तुचिओ अ़चुय़ङ आम्‍नुओ सुन्‍तुम्‌चिआ एन्‍मा ऩङाअ़छिराहिदा निनाम्‍हाङ्‌ओ अ़चुमाइसुङ्‌दाङ्‌का फुङ्‌मा मान्‍ऱचि। मोवात्‍नि साङ्‌आ निनाम्‍मादुङ्‌का चाप्‍म़चेत्‌याङ, आन्‍कान खोक्‍कोसोओ अ़चुय़ङ ऩङाछिरुम्‌नालो आन्‍कान्‌छाङ अ़नुछ्‍याङा फुङ्‌मा अ़ऱन्‍मिन।

हिब्रु 4:1

निनाम्‍हाङ्‌ओ अ़चुसावातोम्‍खादा वाङ्‌माओ हिप्‍माय़ङ हान्‍छाङ युङ्‌याङ। खोन्‌ओसा आन्‍कान चाप्‍चेत्‍मान्‍चिन्‍दोत खोन्‍कि खानानिन्‌एदाङ्‌का साङ्‌छाङ मो हिप्‍माय़ङ सावातोम्‍खादा मान्‍तालामादामादा त़छुक्‍तिमिन्‍ने।

१ पत्रुस 4:10

झारासा दियाको सावा त़तोक्‍तुम्‌युङ्‌सुम, अ़नुवाक कातोङ्‌पावा निनाम्‍हाङ्‌ओ अ़चुसोमातुक्‍माओ अ़खाला-अ़खालाओ अ़चुआसिखा अ़क्‍छा निएदा मो नुलोक याङानुम।