२ कोरिन्‍थि 5:20 - बान्‍तावा राई

²⁰ खोन्‌ओसा आन्‍कान्‍का ख्रिस्‍तओ अ़चुओ हाङ्‌कोङ्‌पिचि ओ, खोन्‍कि निनाम्‍हाङ आन्‍कान्‍कालाम्‍पा म़य़ङ्‌याङ। आन्‍कान्‍का ख्रिस्‍तओ अ़चुलिप्‍पालाम्‍पा खानानिन लोनिङ्‌नि, निनाम्‍हाङ्‌एनान लासातोङानिन।

२ कोरिन्‍थि 5:20 ပူးပေါင်းရင်းမြစ်များ

लुका 10:16

“साङ्‌आ आम्‍नुओ य़ङ एनु, मोसाआ अ़ङ्‌य़ङ एनु। साङ्‌आ खानानिन ऩङाऩछिरिन, खोसाआ अ़ङ्‌का ऩङाअ़छित्‍ङा, खोन्‍कि साङ्‌आ अ़ङ्‌का ऩङाअ़छित्‍ङा, खोसाआ अ़ङ्‌का काछुत्‍पा ऩङाछिरु।”

लुका 14:23

खोन्‍किना अ़हाङ्‌पाआ अ़हारुक लो, ‘सहरा बुङ्‌खालिप्‍पाओ मुलो लाम्‌चिदा खोन्‍कि अ़चुप्‍पो लाम्‌चिदा खाराकि म़नाचि राकाङ्‌थेत्‍नि तारुचिकि अ़ङ्‌खिम भेप्‍ने।

युहन्‍ना 20:21

खोन्‍कि येसुआ मोचि म़लासुलोचि, “खानानिन सेवाङ्‌नि लिसानिन! देत्‍नि पापा निनाम्‍हाङ्‌आ अ़ङ्‌का ऩछुत्‍ताङ, मोवात्‍निङा अ़ङ्‌काछाङ खानानिन छुत्‍नानिन।”

रोमि 5:10

आन्‍कान निनाम्‍हाङ्‌ओ अ़चुङेङ्‌चि मुन्‌येन्‌नुछाङ मेन खोक्‍कोसाआ अ़चुछाओ अ़चुस़मालाम्‍पा आन्‍कान खोक्‍कोसोओ अ़चुयावाचि म़मुवा। हान आन्‍कान निनाम्‍हाङ्‌ओ अ़चुयावाचि लिसिन्‌युङ्‌सिन्‌नालो अ़नुछ्‍याङा खोक्‍कोसोओ अ़चुछाओ अ़चुह़ङ्‌म़ङ्‌लाम्‍पा आन्‍कान म़ह़ङ।

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

२ कोरिन्‍थि 3:6

अ़ऩङ्‌वा हिप्‍माय़ङ्‌दा खोक्‍कोसाआ आन्‍कान्‍का काचि मुमा काऱ काब़त्‌वा ऩमुन्‌युङ्‌सिन्‍का। छाप्‍माय़ङ य़ङ्‌हुप्‌आ माआङ, मेन सेङ्‌लावादा। देकिनालो छाप्‍माय़ङ य़ङ्‌हुप्‌आ ना म़सेत, मेन सेङ्‌लावाआ ह़ङ्‌म़ङ म़प़।

२ कोरिन्‍थि 5:11

खोन्‌ओसा, निनाम्‍हाङ्‌एनान देत्‍नि क़मादोत्‌नि आन्‍कान्‍का सिन्‍तुम्‌काकिना आन्‍कान्‍का म़नाचि काङ्‌मेत्‍तुम्‍च़म्‍का। मेन आन्‍कान्‍का देत्‍नि मुन्‌येन्‍का निनाम्‍हाङ्‌आ अ़सिन्‌याङ, खोन्‍कि अ़ङ्‌का सोम्‍कुवा मुङा, मो आम्‍नुओ छेन्‍खातायाआछाङ नुलोक्‌ङा सिन्‍तुङु।

२ कोरिन्‍थि 6:1

निनाम्‍हाङ्‌एनान अ़क्‍नि काचि कामुओसा आन्‍कान्‍का खानानिन लोनिङ्‌नि, निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम, हान निनाम्‍हाङ काचि मुमा खानानिन्‌एदा पुवानुम।

एफिसि 6:20

देकिनालो ओसोओ निम्‍पाङ अ़ङ्‌का चोक्‍माय़आ छुम्‍माय़ङ अ़क्‍छा हाङ्‌य़ङ्‌काखुन ओ, खोन्‍कि अ़ङ्‌का देत्‍नि चेप्‍मादोत ओ, मोवात्‍नि अ़ङ्‌का मो राक्‌एनान चेप्‍मा ऱङाने।

कलस्‍सि 1:20

खोन्‍कि निनाम्‍हाङ्‌आ अ़चुछालाम्‍पा क्रुस्‌दाओ हेन्‍खोक्‌वाआ सेवाङ्‌नि अ़मुवाकि हेन्‍खामादाओने कि निनाम्‍मादुओङाने, खोक्‍कोलाम्‍पाङा झारा य़ङ्‌चि खोक्‍कोएदा तोङ्‌सि म़तारुचि।

१ थेसलोनिकि 4:8

खोन्‌ओसा साङ्‌आ ओ चिन्‍माय़ङ ऩङाछिरु, मोसाआ म़ना माआङ, मेन निनाम्‍हाङ ऩङाछिरु, खोक्‍कोसाआङा खानानिन अ़चुसेङ्‌लावा ऩप़न।