२ कोरिन्‍थि 5:18 - बान्‍तावा राई

¹⁸ ओ झारा निनाम्‍हाङ्‌एदाङ्‌का ओ। खोक्‍कोसाआ आन्‍कान ख्रिस्‍तलाम्‍पा खोक्‍कोएनान म़लासातोङ्‌सा, खोन्‍कि आन्‍कान्‍का नि म़नाचिएनान खोक्‍कोएदा लामातोङ्‌माओ काचि ऩप़न्‍का।

२ कोरिन्‍थि 5:18 ပူးပေါင်းရင်းမြစ်များ

लुका 10:5

खाक्‍को खिम्‌दा त़वाङिन, बुया ‘ओ खिम्‌दा निनाम्‍हाङ्‌ओ अ़चुसेवाङ्‌नि युङ्‌ने’नि लोवानुम्‍च़म।

लुका 24:47

खोन्‍कि ‘देत्‍नि हेवादाङ्‌का लामाकि हेवा लेत्‍माय़ङ तोक्‍तिन’निओ य़ङ यरुसलेम्‌दाङ्‌का पुङ्‌किना झाराकारावाचितारि ख्रिस्‍तओ अ़चुऩङ्‌दा खालुमादोत।

युहन्‍ना 3:16

निनाम्‍हाङ्‌आ हेन्‍खामा ओवात्‍नि सोमाअ़तुक्‍ता, खोक्‍कोसाआ आप्‍पिओ अ़क्‍छा ओन्‍ङा ओ अ़चुछा म़पुवा, खोन्‍कि खोक्‍कोएदा साकोङ्‌छ़ङ कामु साङ्‌छाङ अ़स़निन्‍ने, मेन मोसाआ अ़लुक्‍निन्‌ओ ह़ङ्‌म़ङ तोक्‍तुने।

युहन्‍ना 3:27

युहन्‍नाआ लासुलोचि, “निनाम्‍हाङ्‌आ मान्‍प़माङ्‌तारि साङ्‌आछाङ दित्‍छाङ मुमा अ़ऱन।

छाम्‍माय़ङ 10:36

निनाम्‍हाङ्‌आ इस्राएलि म़नाचि म़हान्‍तुचिओ नुय़ङ्‌खान खानानिन त़सिन्‍तुम्‌योम। खोसाआ येसु ख्रिस्‍तलाम्‍पा खानानिन सेवाङ्‌निओ नुय़ङ्‌खान खाऩएत्‍तिन्‌युङ्‌सिन। खोक्‍कोङा झारासोओ आन्‍हाङ्‌पा ओ।

रोमि 11:36

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 11:12

देकिनालो देत्‍नि दुवाछाएदाङ्‌का मेत्‍छामा मुवा, मोवात्‍निङा दुवाछा मेत्‍छामाएदाङ्‌का लि। मेन झारा य़ङ्‌चि निनाम्‍हाङ्‌दाङ्‌का ओ।

१ कोरिन्‍थि 12:6

काचिचि ब़द्‍धेकाखालाओ म़याक्‌याङ, मेन आन्‍कान झाराएदा काचि कामु निनाम्‍हाङ अ़क्‍छा ओन्‍ङा म़युङ्‌याङ।

१ कोरिन्‍थि 3:5

खोन्‍नालो अपोल्‍लोस साङ ओ? खोन्‍कि पावल साङ ओ? आन्‍कान्‍का झारा ना निनाम्‍हाङ्‌आ ऩप़न्‍काओ अ़चुकाचि कामुचि ओन्‍ङा ओ। आन्‍कान्‍कालाम्‍पा खानानिन साकोङ्‌छ़ङ त़मुम।

१ कोरिन्‍थि 8:6

मेन आन्‍को निम्‍पाङ अ़क्‍छा ओन्‍ङा निनाम्‍हाङ पापा म़युङ्‌याङ। खोक्‍कोङा झारासोओ कामुन्‍पा म़युङ्‌याङ खोन्‍कि खोक्‍कोसोओ निम्‍पाङ आन्‍कान ह़ङिन। अ़क्‍छा ओन्‍ङा आन्‍हाङ्‌पा, येसु ख्रिस्‍त म़युङ्‌याङ। खोक्‍कोलाम्‍पाङा झारा य़ङ्‌चि अ़मुया खोन्‍कि खोक्‍कोलाम्‍पाङा आन्‍कान ह़ङिन।

कलस्‍सि 1:22

मेन खोक्‍कोसोओ अ़चुछाओ अ़चुपोक्‌ओ हेन्‍खोक्‌वालाम्‍पा निनाम्‍हाङ्‌ओ अ़चुयावा ऩमुन्‌युङ्‌सिन। खोन्‌ओसा ख्रिस्‍तआ खानानिन निनाम्‍हाङ्‌ओ अ़चुबुदा ऩतारिन्‌हिदा सेङ्‌लो, थुपि मात्‍द़ङ्‌ओ खोन्‍कि मान्‍फिकादा त़लिसिन्‍ने।

हिब्रु 2:17

खोन्‌ओसा खोक्‍को सोमाकातुक खोन्‍कि सोम्‍कुवा मुमायु मुलो काब़क्‍पा म़लिसाकि निनाम्‍हाङ अ़ब़क्‍ने निकिना झारा य़ङ्‌चिदा अ़चुनिछाचिवात्‍नि लिमादोरा। मोवात्‍नि म़लिसाकिना खोक्‍को म़नाचिओ अ़चुहेवाचि लेत्‍मा हेन्‍खोक्‌वा काप़ म़लिसा।

याकुब 1:17

झारा अ़नुवाक प़मायु खोन्‍कि अ़छ़ङ आसिखा निनाम्‍मादुङ्‌काओ, मो आसिखा निनाम्‍मादुओ साम कामुन्‍पा निनाम्‍हाङ्‌आ म़प़। खोक्‍को सोत्‍नान्‍लुक्‍नान्‍चिन्‌ओ लावाछामित्‌वात्‍नि अ़फान्‍नान्‍चिमिन।

१ युहन्‍ना 2:2

खोक्‍को आन्‍हेवा लेत्‍मा निकिना हेन्‍खोक्‌वा म़लिसा, खोन्‍कि आन्‍को निम्‍पाङ ओन्‍ङा माआङ, मेन झारा हेन्‍खामादाओ म़नाचिओ निकिनाछाङ ओ।

१ युहन्‍ना 4:10

सोमातुक्‍मानिओ ओङा ओ, आन्‍कान निनाम्‍हाङ सोमातुक्‍तुम्‌ओ माआङ, मेन खोक्‍कोसाआ आन्‍कान सोमाम़तुक्‍ता ओ, खोन्‍कि आन्‍हेवा लेत्‍मा निम्‍पाङ हेन्‍खोक्‌वा लिसि अ़चुछा अ़य़सा।