२ कोरिन्‍थि 5:17 - बान्‍तावा राई

¹⁷ देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

२ कोरिन्‍थि 5:17 ပူးပေါင်းရင်းမြစ်များ

मत्‍ति 12:33

अ़नुवाक स़ङ्‌ताङ्‌आ अ़नुवाक अ़सिवा सिसु, खोन्‍कि अ़अ़त्‍पा स़ङ्‌ताङ्‌आ अ़अ़त्‍पा अ़सिवा सिसु। मोसोओ अ़सिवादाङ्‌काङा स़ङ्‌ताङ दियाको ओ, मो य़ङ्‌मा त़ऱन।

मत्‍ति 24:35

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

लुका 5:38

खोन्‌ओसा अ़ऩङ्‌वा अङ्‌गुरा माङ्‌वा अ़ऩङ्‌वा साहोक्‌वाओ बेखादा युङ्‌मादोत।

युहन्‍ना 14:20

मो लेन खानानिन्‌आ त़सिन्‍तुम, अ़ङ्‌का अ़ङ्‌पापाएदा याक्‍ङाङा, खोन्‍कि खानानिन अ़ङ्‌काएदा, खोन्‍कि अ़ङ्‌का खानानिन्‌एदा याक्‍ङाङा ओ।

युहन्‍ना 15:2

अ़ङ्‌काएदा कायाक झारा सिवा मान्‍सिकादा खेक्‌चि खोक्‍कोसाआ म़खोक्‍तुखाइसुचि खोन्‍कि सिवाकासि झारा खेक्‌चि च़लोक सिवा म़सिने निकिना खोक्‍कोसाआ मान्‍सिकादाचि म़क़प्‍तुचि।

युहन्‍ना 15:5

अङ्‌गुरा ताङ अ़ङ्‌का ओ, खोन्‍कि अ़खेक्‌चि खानानिन ओ। साङ अ़ङ्‌काएदा याक, खोन्‍कि अ़ङ्‌का खोएदा याक्‍ङानालो मोसाआ ब़द्‍धे सिवा सिसु। अ़ङ्‌कादाङ्‌का अ़थाया त़युङिन्‌कि खानानिन्‌आ दित्‍छाङ मुमा त़ऱन्‍मिन।

युहन्‍ना 17:23

अ़ङ्‌का मोचिएदा खोन्‍किना खानानिन अ़ङ्‌काएदा, खोन्‍कि मोचि झारा अ़क्‌तात म़लिने, खोन्‍किना खानानिन्‌आ अ़ङ्‌का त़छुत्‍निओ, खोन्‍किना अ़ङ्‌का सोमा त़तुक्‍निओवा खानानिन्‌आ मोचिछाङ सोमात़तुक्‍तुम्‍च़म्‌ओ हेन्‍खामाआ मो सिन्‍तुने।

युहन्‍ना 3:3

येसुआ मो अ़लासालोवा, “अ़नुछ्‍याङा अ़ङ्‌का खाना लोना, म़ना अ़ऩङ्‌वा लिकि अ़लानिन्‍लिनिन्‌नालो मोसाआ निनाम्‍हाङ्‌ओ अ़चुहाङ्‌होन खाङ्‌मा अ़तोक्‍तुन।”

युहन्‍ना 3:5

येसुआ अ़लासालोवा, “अ़नुछ्‍याङा अ़ङ्‌का खाना लोना, म़ना चाक्‌वा खोन्‍कि लावाआ अ़लानिन्‍लिनिन्‌नालो निनाम्‍हाङ्‌ओ अ़चुहाङ्‌होन्‌दा वाङ्‌मा अ़ऱनिन।

रोमि 16:10

ख्रिस्‍तएदा सोम्‍कुवा मुमा खान्‍तुओ कान्‍माय़ङ अपेल्‍लेस सेवानि लोत्‍निप़नि। अरिस्‍तोबुलस्‌ओ अ़खिम्‍लुम्‍पादाओचि सेवानि लोत्‍निप़नि

रोमि 16:11

यहुदि अ़ङ्‌दाक्‍मित हेरोदियस सेवानि लोत्‍निप़नि। हाङ्‌पाएदा साकोङ्‌छ़ङ कामु नर्किसस्‌ओ अ़खिम्‍लुम्‍पादाओचि सेवानि लोत्‍निप़नि।

रोमि 16:3

प्रिस्‍का खोन्‍कि अकिलास ख्रिस्‍त येसुदा अ़क्‍नि काचि कामु अ़ङ्‌यावाचि सेवानि लोत्‍निप़नि।

रोमि 16:7

एन्‍द्रोनिकस खोन्‍कि युनियस यहुदि अ़ङ्‌दाक्‍मित्‌चि ओ, मोचि अ़ङ्‌काएनान अ़क्‍नि छेक्‍खादा याआङाचि, मोचि सेवानि लोत्‍निप़नि। मोचि छाम्‍माय़ङ्‌चिओ अ़चुरादा अ़चुऩङ्‌ऱङाओचि ओ खोन्‍कि अ़ङ्‌कादाङ्‌का बुया मोचि ख्रिस्‍तदा साकोङ्‌छ़ङ मुवाचिओ।

रोमि 16:9

ख्रिस्‍तदा आन्‌यावा अ़क्‍नि काचि कामु अ़ङ्‌यावा उर्बनास खोन्‍कि अ़ङ्‌का सोमातुक्‍तुङ्‌योङ्‌ओ स्‍ताखुस सेवानि लोत्‍निप़नि।

रोमि 7:6

मेन ओन्‍ग़रि आन्‍कान काक़म य़ङ्‌हुप्‌ओ अ़सावा आन्‍कान्‌एदा मात्‍द़ङ, देकिनालो मोदा स़न्‌कि आन्‍कान य़ङ्‌हुप्‌दाङ्‌का फोङ्‌सिन्‌युङ्‌सिन। खोन्‌ओसा हान बुया छाप्‍ताओ य़ङ्‌हुप्‌दा काङ्‌याङ्‌सा माआङ, मेन सेङ्‌लावाओ अ़ऩङ्‌वा ह़ङ्‌म़ङ्‌दा आन्‍कान निनाम्‍हाङ ब़क्‍तुम।

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

१ कोरिन्‍थि 1:30

निनाम्‍हाङ्‌आ खानानिन ख्रिस्‍त येसुएनान अ़क्‌तात ऩमुन्‌युङ्‌सिन। खोक्‍कोङा आन्‍को निम्‍पाङ निनाम्‍हाङ्‌एदाङ्‌काओ ताया माङ्‌लो आन्‍कान साम्‌योक्‍मि काकान, आन्‍कान कासेङ खोन्‍कि आन्‍कान कालेन्‍पा म़लिसायुङ्‌सा।

१ कोरिन्‍थि 13:11

अ़ङ्‌का छा युङाङ्‌याङ्‌हिदा छाआवात्‍निङा चेवाङ, छावात्‍निङा मिनाङ, छावात्‍निङा दुम तुसाङ, अ़ङ्‌का थाङाछा लिसाङ्‌किना छावात्‍नि च़मा छिरुङ।

२ कोरिन्‍थि 12:2

ख्रिस्‍त कात़ङ अ़ङ्‌का अ़क्‍छा म़ना सिन्‍तुङ्‌योङ, खो चौधकादोङ बुया सुम्‌कातात्‌ओतात निनाम्‍मादुतारि थेन्‍ताखात्‍ता। खो अ़पोक्‌दा खात्‍ता हे अ़पोक्‌दा माआङ, मो अ़ङ्‌का अ़सिन्‍ऩङ, निनाम्‍हाङ्‌आ अ़सिन्‌याङ।

२ कोरिन्‍थि 5:16

खोन्‌ओसा हान्‌दाङ्‌का आन्‍कान्‍का साङ्‌आछाङ म़नाओ अ़मिन्‍मावा अ़खान्‍मिन्‍का। आन्‍कान्‍का ख्रिस्‍त अ़क्‍दु म़नाओ अ़मिन्‍माआ खाम्‍का ओ, हान्‌दाङ्‌का ओवात्‍नि अ़खान्‍मिन्‍का।

२ कोरिन्‍थि 5:19

ओवात्‍नि, निनाम्‍हाङ ख्रिस्‍तएदा म़लिसाकि हेन्‍खामादाओ म़नाचि खोक्‍कोएदा म़लासुतोङ्‌सुतारुङुचि। मोचिओ अ़चुहेवाओ अ़फान मान्‍लात्‍माङ, लामातोङ्‌मा काचिओ य़ङ्‌खान खोक्‍कोसाआ आन्‍कान्‍का ऩप़न्‌युङ्‌सिन्‍का।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

गलाति 6:15

सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ, मेन अ़ऩङ्‌वा लावामि ह़ङ्‌म़ङ तोक्‍मा अ़च़वाङ ओ।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 2:15

खोन्‍कि खोक्‍कोसाआ यहुदि य़ङ्‌हुप, मोसोओ अ़लोमाय़ङ्‌चि खोन्‍कि साम्‌योक्‍मि य़ङ्‌हुप्‌चि अ़चुस़मालाम्‍पा अ़लुक्‍ता। खोक्‍कोसोओ अ़चुमित्‍चिऩङ आप्‍पि खोक्‍कोएदाङा ह्‍वा रुहुप म़नाचि अ़क रुहुप अ़ऩङ्‌वा म़ना मुमा दोराङा, ओवात्‍नि खोक्‍कोसाआ अ़चुरादा सेवाङ्‌नि म़मुचि।

फिलिप्‍पि 4:21

ख्रिस्‍त येसुदा झारा निनाम्‍हाङ्‌ओ अ़चुम़नाचि सेवा मेत्‍तानुम्‍च़म। अ़ङ्‌काएनान्‌ओ ब़ब़, नाना खोन्‍कि निछाचिआ सेवा अ़बान्‌याङ।