२ कोरिन्‍थि 5:15 - बान्‍तावा राई

¹⁵ ओवात्‍नि, ख्रिस्‍त आन्‍कान झारासोओ निम्‍पाङ म़सुवा। खोन्‌ओसा साङ आप्‍पिओ निम्‍पाङ ह़ङ, मो हान्‌दाङ्‌का आप्‍पिओ निम्‍पाङ माआङ, मेन आन्‍कान झारासोओ निकिना कास़ खोन्‍कि म़सुवाओदाङ्‌का म़लासाखोन्‍तालोन्‍ताओसो निम्‍पाङ आन्‍कान ह़ङ्‌मादोत।

२ कोरिन्‍थि 5:15 ပူးပေါင်းရင်းမြစ်များ

लुका 1:74

खोक्‍कोसाआ आन्‍कान आन्‍ङेङ्‌चिओ अ़चुछुक्‌दाङ्‌का म़फोङ्‌लोन,

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

युहन्‍ना 6:57

देत्‍नि अ़ह़ङ पापा निनाम्‍हाङ्‌आ अ़ङ्‌का ऩछुत्‍ताङ खोन्‍कि पापा निनाम्‍हाङ्‌आ अ़ङ्‌का ह़ङ्‌म़ङ ऩपुवाङ्‌ओसाआ मोवात्‍निङा साङ्‌आ अ़ङ्‌का अ़चाङा, अ़ङ्‌का मो ह़ङ्‌म़ङ प़ङ।

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 4:25

येसु आन्‍हेवाचिओ निम्‍पाङ म़सुवा खोन्‍कि आन्‍कान साम्‌योक्‍मि कान्‍माओ निम्‍पाङ म़सुवादाओदाङ्‌का निनाम्‍हाङ्‌आ अ़लासाखोन्‍तालोइसा।

रोमि 6:2

देम्‍खाछाङ माआङ! आन्‍कान्‌एदा हेवाओ अ़सावा मात्‍द़ङ, देत्‍नि आन्‍कान हान्‍छाङ मोदाङा ह़ङ्‌मा?

रोमि 6:6

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।

रोमि 8:10

ख्रिस्‍त खानानिन्‌एदा म़युङ्‌याङ्‌नालो हेवाओ अ़तुक्‌वाआ खानानिन आम्‍नुओ पोक्‌दा त़स़न्‌नुछाङ आम्‍नुओ लावा साम्‌योक्‍मिओ अ़तुक्‌वाआ ह़ङ।

रोमि 8:2

देकिनालो ख्रिस्‍त येसुदाङ्‌का ताओ ह़ङ्‌म़ङ काप़ सेङ्‌लावाओ अ़य़ङ्‌हुप्‌आ हेवा खोन्‍कि स़माओ अ़सावादाङ्‌का खानानिन ऩफोङ्‌सिन।

रोमि 8:6

हेवामि पोक मित्‍माचिदा मिन्‍मा पाक्‍मानिओ स़मा ओ, मेन सेङ्‌लावादा मिन्‍मा पाक्‍मानिओ ह़ङ्‌म़ङ खोन्‍कि सेवाङ्‌नि ओ।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

२ कोरिन्‍थि 3:6

अ़ऩङ्‌वा हिप्‍माय़ङ्‌दा खोक्‍कोसाआ आन्‍कान्‍का काचि मुमा काऱ काब़त्‌वा ऩमुन्‌युङ्‌सिन्‍का। छाप्‍माय़ङ य़ङ्‌हुप्‌आ माआङ, मेन सेङ्‌लावादा। देकिनालो छाप्‍माय़ङ य़ङ्‌हुप्‌आ ना म़सेत, मेन सेङ्‌लावाआ ह़ङ्‌म़ङ म़प़।

२ कोरिन्‍थि 5:16

खोन्‌ओसा हान्‌दाङ्‌का आन्‍कान्‍का साङ्‌आछाङ म़नाओ अ़मिन्‍मावा अ़खान्‍मिन्‍का। आन्‍कान्‍का ख्रिस्‍त अ़क्‍दु म़नाओ अ़मिन्‍माआ खाम्‍का ओ, हान्‌दाङ्‌का ओवात्‍नि अ़खान्‍मिन्‍का।

गलाति 5:25

आन्‍कान सेङ्‌लावालाम्‍पा ह़ङिन्‌नालो सेङ्‌लावाओ अ़चुतित्‍मावाङा कोलिन्‍ने।

एफिसि 4:17

हान अ़ङ्‌का हाङ्‌पाओ अ़चुओ ऩङ्‌दा क़न्‍नान्‍चिन्‍सा य़ङ्‌ङा, खोन्‍कि हाङ्‌पादा सालुम्‍स़ङ प़ङ, निरावाचि देत्‍नि मोचिओ अ़चुमित्‍माचिओ सोज्‍जेदा म़ह़ङ, मोवात्‍नि खानानिन हान्‌दाङ्‌का मोह्‍यात्‍नि मान्‍ह़ङ्‌दानिन।

एफिसि 5:14

खाक्‍को य़ङ नुलोक दात, मोङा साम ओ। खोन्‌ओसा साम्‍कालिन ओवात्‍नि य़ङ्‌याङ: “दुखुप्‌दा त़छुक्‍ता ओ, थिन्‍ता। खोन्‍कि त़सुवादाओदाङ्‌का पुवालोन्‍ता, खोन्‍कि ख्रिस्‍तआ खाना साम ऩप़।”

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

कलस्‍सि 3:1

खोन्‌ओसा खानानिन ख्रिस्‍तएनान त़खोन्‍तिन्‍लोन्‍तिन्‌ओसाआ, निनाम्‍मादुओ य़ङ्‌चि लामानुम। मोदा निनाम्‍हाङ्‌ओ अ़चुचुप्‍ताङ्‌छुक्‌लिप्‍पा ख्रिस्‍त म़युङ्‌याङ।

कलस्‍सि 3:17

दे-दे त़य़ङिन, दे-दे त़च़न, मो झारा हाङ्‌पा येसुओ अ़चुऩङ्‌दा खोक्‍कोलाम्‍पा निनाम्‍हाङ पापा आलाङ प़याङ्‌सा मुवानुम।

कलस्‍सि 3:23

खानानिन दे त़च़न, म़नाओ निम्‍पाङ मुयाङ्‌ओवा माआङ, मेन हाङ्‌पाओ अ़चुकाचि मुन्‌येन्‌वा आम्‍नुओ मिन्‍मा पाक्‍तानुम्‌कि मुवानिन।

१ थेसलोनिकि 5:10

खोक्‍को म़लाय़हिदा आन्‍कान स़न्‍दान्‌नुछाङ ह़ङिन्‌येन्‌नुछाङ खोक्‍को आन्‍कान्‌एनान अ़क्‍नि युङ्‌मा निकिना हाङ्‌पा येसु आन्‍को निम्‍पाङ म़सुवा।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

१ पत्रुस 4:6

खोन्‌ओसा पोक्‌दा मोचि म़नाचिवात्‍नि छ़ङ्‌छेन्‍मादा म़छुक्‍तानुछाङ लावादा मोचि निनाम्‍हाङ्‌वात्‍नि म़ह़ङ्‌ने निम्‍पाङ म़सुवादाओचिओ निकिछाङ नुय़ङ्‌खान खाअ़लुसाओ।

१ युहन्‍ना 4:9

ओवात्‍नि निनाम्‍हाङ्‌आ अ़चुसोमातुक्‍मा आन्‍रादा खाङ्‌अ़मुसा, आन्‍कान येसुलाम्‍पा ह़ङिन्‍ने निकिना खोक्‍कोसाआ अ़क्‍छा ओन्‍ङा ओ अ़चुछा हेन्‍खामादा अ़य़सा।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।