२ कोरिन्‍थि 4:8 - बान्‍तावा राई

⁸ आन्‍कान्‍का झारादात्‍निङ्‌का चाअ़त्‍लो लिसिन्‍कानुछाङ मान्‍पेम्‍ऩयुक्‍तिन्‍का। हाक्‍हाक्‍किरा लिसिन्‍कानुछाङ, मेन आन्‍काओ राक मान्‍स़युक।

२ कोरिन्‍थि 4:8 ပူးပေါင်းရင်းမြစ်များ

युहन्‍ना 14:18

अ़ङ्‌का खानानिन हेत्‍छाकुवावा अ़छित्‍नादानानिमिन। अ़ङ्‌का खानानिन्‌एदा ताङा।

१ कोरिन्‍थि 10:13

म़नाएदा ताओ चिन्‍माखाङ्‌मादाङ्‌का खानानिन नि चिन्‍माखाङ्‌मादा मान्‍छुक्‍त़युक्‍तिन। निनाम्‍हाङ सोम्‍कुवा मुमा खान्‍तुओ म़मुयाङ खोन्‍कि आङ्‌मा त़ऱम्‌ओदाङ्‌का च़लोक चिन्‍माखाङ्‌मादा छुक्‍मा ऩप़न्‍मिन, मेन चिन्‍माखाङ्‌माएनान फुङ्‌खा लाम्‌छाङ ऩमेत्‍तिन्‍प़न खोन्‍कि मोवात्‍नि खानानिन मो आङ्‌मा त़ऱम।

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

२ कोरिन्‍थि 6:12

खानानिन्‌एदाओ आन्‍काओ सोम्‍तुक्‍मा मान्‍चुक्‍खात्‌युक, मेन आम्‍नुओ सोम्‍तुक्‍माए चुक्‍ताखारायुङ्‌सा।

२ कोरिन्‍थि 6:4

मेन निनाम्‍हाङ्‌ओ अ़चुकाब़त्‍पाचिओसा झाराकापाराआ आन्‍कान्‍का आप्‍पि निनाम्‍हाङ्‌ओ अ़नुवाक म़नाचि निकिना आन्‍कान्‍का च़लोक आङ्‌मादा, दुखाचिदा, मान्‍ऱदामाचिदा, छ़ङ्‌मादिमाचिदा खाङ्‌मुसिन्‍चिन्‍का।

२ कोरिन्‍थि 7:5

आन्‍कान्‍का माकेदोनियादा बानिन्‍काहिदा आन्‍कान्‍का सावातोम्‍मा मान्‍तोक्‍दोम्‍का। मेन झारादात्‍निङ्‌का आन्‍कान्‍काएदा दुखा तायुङ्‌सा, बुङ्‌खादा ङेन खोन्‍कि साकोङ्‌वाहुत्‌दा क़मा।

गलाति 4:20

ओन्‍ग़रि खानानिन्‌एनान अ़क्‍नि युङ्‌ङाकि खानानिन्‌एनान अ़ङ्‌चेप्‍मा फान्‍मा ऱङ्‌दे देम अ़नुवाक लिसाओ, देकिनालो आम्‍नुओ तुक्‌वादा अ़ङ्‌का हाक्‍हाक्‍किरा लिसाङ्‌युङ्‌साङ।