२ कोरिन्‍थि 4:7 - बान्‍तावा राई

⁷ झारादाङ्‌का तोक्‍पो सावा आन्‍कान्‍काएदाङ्‌का माआङ, मेन निनाम्‍हाङ्‌एदाङ्‌काओनि नुलोक खाङ्‌मुमाओ निम्‍पाङ ओ अ़लुङ छ़ओ छेन्‍बि आन्‍कान्‍का खाम्‍बाखावाको ब़चिदा याक्‌याङ।

२ कोरिन्‍थि 4:7 ပူးပေါင်းရင်းမြစ်များ

मत्‍ति 13:44

निनाम्‍हाङ्‌होन व़क्‌दा कुम्‍माय़ङ फेक्‌वावाको ओ। मो अ़क्‍छा म़नाआ धिरुकि मो लासुकुम्‍सु, खोन्‍कि अ़ऩङानुयाङ्‌सा खो खात्‌कि खोएदा युङ्‌याङ्‌ओ झारा सामा इनु खोन्‍कि मो व़क खिरु।

मत्‍ति 13:52

खोक्‍कोसाआ मोचि म़लोचि, “खोवात्‍निओसा, साङ्‌छाङ निनाम्‍हाङ्‌होन्‌ओ अ़तुक्‌वादा चिन्‍ताकिना अ़य़ङ्‌हुप काचिन्‍पा लिसानालो, खो अ़क्‍छा खिम्‍हाङ्‌पावाको ओ। खोसाआ अ़स़ङ्‌कुलुधुन्‌दाङ्‌का अ़ऩङ्‌वा खोन्‍कि बुयाओ अ़लुङ छ़ओ सामाचि बुङ्‌खादा लारुचि।”

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

१ कोरिन्‍थि 1:28

हेन्‍खामादाओ अ़मुलोनि कान्‍माय़ङ य़ङ्‌चि सोज्‍जे मुमाचि निम्‍पाङ हेन्‍खामाआ अ़चुप्‍पो खोन्‍कि चिप्‍मा म़कात्‍तुओ य़ङ्‌चि खोन्‍कि अ़काचि मात्‍द़ङ्‌ओ य़ङ्‌चि निनाम्‍हाङ्‌आ म़छेन्‍तुचि।

२ कोरिन्‍थि 10:10

खा-खाक्‍कोचि म़य़ङ, “खोसोओ अ़छाप्‍लावाचि च़लोक छाक्‍लो खोन्‍कि सावापोरि मुयाङ, मेन खो ताहिदा खो मान्‍ऱकादा लि, खोन्‍कि खोसोओ अ़चेप्‍मा अ़काचि मात्‍द़ङ्‌ओ लि।”

२ कोरिन्‍थि 13:4

अ़नुछ्‍याङा, मान्‍ऱदामादा खोक्‍को क्रुस्‌दा म़ख़न्‍तानुछाङ खोक्‍को निनाम्‍हाङ्‌ओ अ़चुसावादा ओन्‍ग़रि म़ह़ङ्‌याङ। मोवात्‍निङा, आन्‍कान्‍काछाङ ख्रिस्‍त मान्‍ऱकादा म़मुवाङावात्‍निङा मुन्‌येन्‍का, मेन ओन्‍ग़रि आन्‍कान्‍का खोक्‍कोएनान ह़ङिन्‍का, खोन्‌ओसा खानानिन्‌एनान आन्‍काओ च़माथाङ्‌मादा निनाम्‍हाङ्‌ओ अ़चुसावा आन्‍कान्‍का तोक्‍तुम्‍का।

२ कोरिन्‍थि 4:1

निनाम्‍हाङ्‌ओ अ़चुसोम्‍तुक्‍मालाम्‍पा ओ काचि आन्‍कान्‍का ऩप़न्‍काओसा आन्‍काओ राक अ़स़निन।

२ कोरिन्‍थि 5:1

खोन्‍कि आन्‍कान सिन्‍तुम्‌योम, आन्‍को ओ हेन्‍खामादाओ आन्‍पोक लुक्‍खात्‌नुछाङ निनाम्‍मादु निनाम्‍हाङ्‌आ म़पुवाओ आन्‍खिम, माङ्‌लो अ़धुन्‌तारि युङ्‌युङ्‌ओ आन्‍पोक युङ्‌याङ, मो छुक्‌आ मुवाओ माआङ।

२ कोरिन्‍थि 6:10

आन्‍काओ राक स़याङ, खोन्‍नुछाङ अ़धुन आन्‍काओ ऩङानुसिन्‍चिन्‍का। मान्‍तोक्‍कादानुछाङ, ब़द्‍धेकापाङ कातोक मुम्‍च़म्‍का, दित्‍छाङ मात्‍द़ङ्‌नुछाङ आन्‍कान्‍काएदा झारा सामाचि म़याक्‌याङ।

एफिसि 2:5

खोन्‌ओसा आन्‍कान हेवादा स़न्‌दान्‌ओनुछाङ खोक्‍कोसाआ आन्‍कान ख्रिस्‍तएनान अ़क्‍नि अ़ह़ङ म़मुवा। निनाम्‍हाङ्‌ओ अ़चुसोमातुक्‍मालाम्‍पाङा खानानिन ऩलेइसिन्‌युङ्‌सिन।

एफिसि 3:8

झारा निनाम्‍हाङ्‌ओ अ़चुम़नाचिएदा अ़ङ्‌का अ़न्‍नुनु अ़चुप्‍पा लिसाङ्‌नुछाङ ख्रिस्‍तओ तुप्‍माङा अ़ऱन्‍मिन्‌ओ अ़चुआसिखाओ नुय़ङ्‌खान निरावाचि खाएत्‍मा निम्‍पाङ अ़ङ्‌का ओ अ़वाखाम ऩपुवाङ्‌ओ।

कलस्‍सि 1:27

झारा रावाचिओ निम्‍पाङ खोक्‍कोसोओ ओ ब़द्‍धे तोक्‍पो अ़चुकोङ्‌दुम खोसोओ अ़चुम़नाचिआ अ़तुप्‍नेनि निनाम्‍हाङ म़मिन। अ़कोङ्‌दुम ओक्‍कोङा ओ, ख्रिस्‍त खानानिन्‌एदा म़याक्‌याङ। ओ य़ङ्‌आ खानानिन्‌छाङ निनाम्‍हाङ्‌ओ अ़चुसाम त़तोक्‍तुम्‌नि मिन्‍मा ऩप़न।

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

कलस्‍सि 2:3

निनाम्‍हाङ्‌ओ झारा अ़चुखारु खोन्‍कि अ़चुताया ख्रिस्‍तएदा कोआयुङ्‌सा।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ थेसलोनिकि 4:4

खानानिन झारासाआ आम्‍नुओ खिम्‍हाङ्‌माएनान सेङ्‌लो खोन्‍कि सायादा देत्‍नि काचि मुमादोत्‌ओ चिन्‍तानिन्‍चिन,

२ तिमोथि 2:20

अ़धिवा खिम्‌दा हाराक्‌वाओ खोन्‍कि रुपाओ ओन्‍ङा खाम्‍माचि ऩयुङ्‌निन, मेन स़ङ्‌ओ खोन्‍कि बाखाओछाङ म़युङ, खा-खाक्‍को साऩङ्‌वाओ मित्‍चिऩङ्‌ओ निम्‍पाङ खोन्‍कि खा-खाक्‍को साऩङ्‌वा मान्‍मेत्‌दामाओ निम्‍पाङ।