२ कोरिन्‍थि 4:2 - बान्‍तावा राई

² आन्‍कान्‍का लेजोकात्‌ओ खोन्‍कि कुम्‌याङ्‌सा मुमायु काचिचि ऩङाछिरुम्‍च़म्‌का। आन्‍कान्‍का चाप्‍चा मुमा माङ्‌लो निनाम्‍हाङ्‌ओ अ़चुय़ङ ऱक्‍मा छुन्‍तिन्‍का। मेन अ़छ़ङ्‌य़ङ नुलोक खालुयाङ्‌सा निनाम्‍हाङ्‌ओ अ़चुबुदा आन्‍कान्‍का झारा म़नाओ छेन्‍खातायादा लोक्‍मा अ़खान्‍तिन्‍काओ मुन्‍चिन्‍का।

२ कोरिन्‍थि 4:2 ပူးပေါင်းရင်းမြစ်များ

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 6:21

मोन्‍ग़रि त़मुम्‌ओ य़ङ्‌चिदा आइमित आम्‍नुओ लेजो कात, मो य़ङ्‌चिदाङ्‌का खानानिन्‌आ दि त़तोक्‍तुम? मोसोओ अ़सिवा स़मा ओ।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 11:3

मेन देत्‍नि प़ओ अ़चाप्‍चाआ हब्‍बा म़प्‍तु, मोवात्‍निङा ख्रिस्‍तएदा आम्‍नुओ अ़छ़ङ खोन्‍कि सेङ्‌याङ्‌ओ ब़क्‍मालाम्‍पा आम्‍नुओ मिन्‍माचि फेन्‍मादा म़छुक हे निकिना अ़ङ्‌क़मा कात्‌याङ।

२ कोरिन्‍थि 11:6

अ़ङ्‌का चेप्‍मादा ब़द्‍धे काले माआङ्‌नुछाङ तायादा ना अ़चुक्‍ऩङ्‌ऩङ। आन्‍कान्‍का ओ य़ङ खानानिन झाराकापाराआ छेङ्‌छेङ्‌वा खाङ्‌मेत्‍नियुङ्‌नि।

२ कोरिन्‍थि 2:17

देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।

२ कोरिन्‍थि 5:11

खोन्‌ओसा, निनाम्‍हाङ्‌एनान देत्‍नि क़मादोत्‌नि आन्‍कान्‍का सिन्‍तुम्‌काकिना आन्‍कान्‍का म़नाचि काङ्‌मेत्‍तुम्‍च़म्‍का। मेन आन्‍कान्‍का देत्‍नि मुन्‌येन्‍का निनाम्‍हाङ्‌आ अ़सिन्‌याङ, खोन्‍कि अ़ङ्‌का सोम्‍कुवा मुङा, मो आम्‍नुओ छेन्‍खातायाआछाङ नुलोक्‌ङा सिन्‍तुङु।

२ कोरिन्‍थि 6:8

साया तोक्‍मादा खोन्‍कि साया मान्‍तोक्‍दामादा, अ़अ़त्‍पा ऩङ्‌दा खोन्‍कि अ़नुवाक ऩङ्‌दा, आन्‍कान्‍का म़नाकाच़न्‍चिवात्‍नि ऩमुन्‍का, खोन्‍नुछाङ अ़नुछ्‍याओ मुन्‌येन्‍का।

२ कोरिन्‍थि 7:14

देकिनालो खोसोओ अ़बुदा आम्‍नुओ तुक्‌वादा तोक्‍पो लिसाङ्‌नुछाङ, अ़ङ्‌का खानानिन्‌आ लेजो मान्‍मेत्‍त़दाङ्‌ऩङ। मेन देत्‍नि आन्‍कान्‍का खानानिन लोनिओ झारा य़ङ्‌चि अ़छ़ङ म़मुवाङा, मोवात्‍निङा तितस्‌ओ अ़बुदा आम्‍नुओ तुक्‌वादा आन्‍कान्‍का तोक्‍पो लिसिन्‍काओ य़ङ्‌छाङ अ़छ़ङ लिसायुङ्‌सा।

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

एफिसि 5:12

देकिनालो मोचिआ कुम्‌याङ्‌सा अ़मुवाओ य़ङ्‌चिओ अ़तुक्‌वादा य़ङ्‌माछाङ लेजो ओ।