२ कोरिन्‍थि 4:12 - बान्‍तावा राई

¹² ओवात्‍नि आन्‍कान्‍का स़माओ अ़बुदा ह़ङिन्‍का, मेन खानानिन्‌आ अ़लुक्‍निन्‌ओ ह़ङ्‌म़ङ त़तोक्‍तुम।

२ कोरिन्‍थि 4:12 ပူးပေါင်းရင်းမြစ်များ

छाम्‍माय़ङ 20:24

खोन्‍नुछाङ अ़ङ्‌का अ़ङ्‌ह़ङ्‌म़ङ देम्‌छाङ अ़लुङ छुक्‌ओ खोन्‍कि अ़ङ्‌को निम्‍पाङ दिसुवाछाङ अ़मित्‍ऩङ। मेन हाङ्‌पा येसुआ ऩपुवाङ्‌ओ खालुमा काचि निनाम्‍हाङ्‌ओ अ़चुसोमातुक्‍माओ नुय़ङ्‌खान्‌ओ अ़सालुम्‍स़ङ प़मा अ़ङ्‌लोत्‍मा तामालामा ऱङ्‌ने।

१ कोरिन्‍थि 4:10

ख्रिस्‍तओ निम्‍पाङ आन्‍कान्‍का खामान्‍सिन मुन्‌येन्‍का, मेन खानानिन ना ख्रिस्‍तएदा खारु कातोक त़मुन्‌येन। आन्‍कान्‍का मान्‍ऱकादा मुन्‌येन्‍का, मेन खानानिन त़छोसिन्‌येन। खानानिन साऩङ्‌वा ऩमेत्‍तिन, मेन आन्‍कान्‍का ऩसुङ्‌तिन्‍का।

२ कोरिन्‍थि 12:15

अ़ङ्‌का आम्‍नुओ निम्‍पाङ अ़न्‍नुनु अ़ङ्‌ऩङानुयाङ्‌सा अ़ङ्‌सामाचि याङुङ्‌च़ङ, खोन्‍कि अ़ङ्‌का आप्‍पि अ़ङ्‌ह़ङ्‌म़ङ्‌छाङ प़नानिन। अ़ङ्‌का खानानिन च़लोक सोमातुक्‍नानिन्‌नालो दि खानानिन्‌आ अ़ङ्‌का चुक्‍लो सोमात़तुक्‍ङाऩङ?

२ कोरिन्‍थि 13:9

आन्‍कान्‍का मान्‍ऱकादा मुन्‌येन्‍कानुछाङ खोन्‍कि खानानिन काछो त़लिसिन्‌हिदा आन्‍काओ ऩङानु। खानानिन उन्‍निज़ङ्‌नि लिसानिन निम्‍पाङ आन्‍कान्‍का यामारिन्‍का।

२ कोरिन्‍थि 4:11

देकिनालो आन्‍कान अ़ह़ङ युङिन्‌येन्‌हिदाछाङ येसुओ निम्‍पाङ अ़धुन स़माओ क़माकात्‍मादा छुक्‍तिन्‌युङ्‌सिन, खोन्‌ओसा येसुओ अ़चुह़ङ्‌म़ङ स़दाओ आन्‍पोक्‌दा दात्‍ने।

२ कोरिन्‍थि 4:13

साम्‍कालिन्‌दा “अ़ङ्‌का साकोङ्‌छ़ङ मुवाङ, खोन्‌ओसा अ़ङ्‌का चेवाङ”नि काय़ङ्‌ओ अ़चुलावा आन्‍कान्‍काएदा याक्‌याङ्‌ओसा आन्‍कान्‍काछाङ साकोङ्‌छ़ङ मुन्‍का, खोन्‍कि आन्‍कान्‍का चेविन्‍का।

फिलिप्‍पि 2:17

मेन मोवात्‍नि आम्‍नुओ साकोङ्‌छ़ङ्‌ओ हेन्‍खोक्‌वादा अ़ङ्‌कोछाङ ह़ हेन्‍खोक्‌वावात्‍नि सोन्‌नुछाङ, अ़ङ्‌का अ़ङ्‌ऩङानु, खोन्‍कि खानानिन झाराएनान अ़ङ्‌सोम्‍स़।

फिलिप्‍पि 2:30

देकिनालो ख्रिस्‍तओ अ़चुकाचिओ निम्‍पाङ खो आप्‍फात सुवादाओ। खोन्‍कि अ़ङ्‌काएदाओ आम्‍नुओ ब़त्‍मा तामालामा निम्‍पाङ खोसाआ अ़ह़ङ्‌म़ङ चाअ़त्‍लोदा पाउ।

१ युहन्‍ना 3:16

ओदाङ्‌काङा सोम्‍तुक्‍मा दि ओ निकिना आन्‍कान सिन्‍तुम, देकिनालो ख्रिस्‍तआ आन्‍को निकिना अ़चुह़ङ्‌म़ङ म़पुवा। खोन्‌ओसा आन्‍कान्‌छाङ ख्रिस्‍तियान आन्‌यावाचिओ निम्‍पाङ आन्‍ह़ङ्‌म़ङ प़मादोत।