२ कोरिन्‍थि 3:12 - बान्‍तावा राई

¹² खोन्‌ओसा, आन्‍काओ ओवाको सोम्‍कुवा मुयाङ्‌ओसा अ़न्‍नुनु आन्‍काओ राक याक्‌याङ।

२ कोरिन्‍थि 3:12 ပူးပေါင်းရင်းမြစ်များ

युहन्‍ना 10:24

यहुदिचि खोक्‍कोसोओ अ़चुऱङ्‌कोप्‍नि म़कोवान्‍चिन्‌कि अ़सेना, “देम्‍खातारि खानानिन्‌आ आन्‍कान्‍का हाक्‍हाक्‍किरा त़मुनि ओ? खानानिन ख्रिस्‍त ओनालो आन्‍कान्‍का नुलोक खाएत्‍नि।”

युहन्‍ना 16:25

ओ य़ङ अ़ङ्‌का खानानिन दोय़ङ्‌लादा लोनानिन। मेन ग़रि तायाङ, अ़ङ्‌का खानानिन्‌एनान दोय़ङ्‌लादा अ़चेप्‍ऩङ, मेन अ़ङ्‌पापाओ अ़चुतुक्‌वादा खानानिन छेङ्‌छेङ्‌छेङ्‌वा खाएत्‍नानिन।

युहन्‍ना 16:29

खोक्‍कोसोओ अ़चुकाखेङ्‌पाचिआ अ़लोवा, “हान खानानिन छेङ्‌छेङ्‌छेङ्‌वा त़चेविन्‌येन, दोय़ङ्‌लादा माआङ।

छाम्‍माय़ङ 14:3

खोन्‍नुछाङ पावल खोन्‍कि बारनाबास मो सहरादा ब़द्‍धेकालेन्‌तारि हाङ्‌पाओ अ़चुसोमातुक्‍मा य़ङ्‍ओ अ़तुक्‌वादा राक्‌एनान खालुयाङ्‌सा युङाचि। हाङ्‌पा येसुआ खोचि म़दोम्‍दाओ बुन्‌चि खोन्‍कि काचिचि मुमा सावा म़प़चिकिना खोचिओ अ़चुय़ङ अ़छ़ङ मुयाङ निकिना खाङ्‌अ़मुसा।

छाम्‍माय़ङ 4:13

यहुदि बुसुवाचिआ पत्रुस खोन्‍कि युहन्‍ना मान्‍खिप्‍चिओ खोन्‍कि ताक्‍पेत्‍निओनि म़सिन्‍तुचि। मोवात्‍नि खोचिओ अ़चुराक अ़खाकिना मोचि दोम्‍तुदोचि। खोन्‍कि मोचि बुयादाङ्‌का येसुएनान अ़क्‍नि म़युङाङाओ खोचिआ म़सिन्‍तुचि,

छाम्‍माय़ङ 9:27

मेन बारनाबास्‌आ सावल छाम्‍माय़ङ्‌चिएदा खात्‍तु। खोन्‍कि सावल्‌आ लाम्‌दा येसु देत्‍नि खाओ, खोन्‍कि हाङ्‌पा खोएनान म़हान्‍ताओ, खोन्‍कि खो दमस्‍कस्‌दा राक्‌एनान येसुओ अ़चुतुक्‌वादा खालुसुओ य़ङ मोचि खाएत्‍तुचि।

छाम्‍माय़ङ 9:29

सावल ग्रिक य़ङ काचेप यहुदिचिएनान चेप्‌याङ्‌सा दुम्‍तुसा, खोन्‌ओसा मोचिआ खो सेत्‍मा अ़लाप्‍ताङा।

१ कोरिन्‍थि 14:19

खोन्‍नुछाङ, साम्‍भुङ्‌दा नि य़ङ्‌दा दस हजाराकाय़ङ्‌चिदा चेप्‍मादाङ्‌का ना तुप्‍तुम्‌ओ पाच्‌का य़ङ्‌आ निचि चिन्‍माचि अ़ङ्‌का चेप्‍मा स़ङा।

२ कोरिन्‍थि 10:1

खा-खाक्‍को म़नाचि म़य़ङ, अ़ङ्‌का पावल, आम्‍नुओ बुदा खोन्‍कि सिम्‍ङान्‍च़ङ, मेन अ़थाया लिङाहिदा खानानिन्‌एदा छाक्‍लो लिङा! ख्रिस्‍तओ अ़चुसिम्‍मान्‍चिन खोन्‍कि अ़चुसोम्‍तुक्‍मालाम्‍पा अ़ङ्‌का खानानिन लोनाङ्‌नानिन।

२ कोरिन्‍थि 3:11

देकिनालो थुत्‍मेत्‍लो युङाओ साम्‌दा मोवात्‍नि लेराङानालो अ़धुन युङ्‌युङ्‍ओदा देम च़लोक साम्‍स़रिओ मु।

२ कोरिन्‍थि 4:13

साम्‍कालिन्‌दा “अ़ङ्‌का साकोङ्‌छ़ङ मुवाङ, खोन्‌ओसा अ़ङ्‌का चेवाङ”नि काय़ङ्‌ओ अ़चुलावा आन्‍कान्‍काएदा याक्‌याङ्‌ओसा आन्‍कान्‍काछाङ साकोङ्‌छ़ङ मुन्‍का, खोन्‍कि आन्‍कान्‍का चेविन्‍का।

२ कोरिन्‍थि 7:4

खानानिन्‌एदा अ़ङ्‌को अ़धिवा सोम्‍कुवा याक्‌याङ। खानानिन्‌एदा ब़द्‍धे अ़ङ्‌ऩङानुङाङान्‍च़ङ। अ़न्‍नुनु अ़ङ्‌सोम्‍सुवायुङ्‌सा। झारा आन्‍काओ दुखादा च़लोक अ़ङ्‌ऩङानुवायुङ्‌सा।

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

फिलिप्‍पि 1:20

अ़ङ्‌को अ़न्‍नुनु अ़ङ्‌हुङ्‌मा खोन्‍कि सोम्‍कुवा ओङा ओ, अ़ङ्‌का देम्‍खाछाङ लेजो अ़लिऩङ, मेन अ़ङ्‌को च़लोक अ़ङ्‌राक पोन, खोन्‍कि अ़धुन्‌वा आइमित्‌छाङ अ़ङ्‌पोक्‌आ ख्रिस्‍त साया मेत्‍तु, ह़ङ्‌ङानेकि स़ङादाङाने।

कलस्‍सि 4:4

अ़ङ्‌का खालुमादोत्‌ओ य़ङ नुलोक चेप्‍मा ऱङाने निकिना यामात्‍निप़नि।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

१ तिमोथि 3:13

देकिनालो साङ्‌चि साम्‍भुङ काफाचिवात्‍नि नुलोक काचि म़मु, मोचिआ आप्‍पिओ निम्‍पाङ तोक्‍पो साऩङ्‌वा खोन्‍कि ख्रिस्‍त येसुदाओ साकोङ्‌छ़ङ्‌ओ अ़तुक्‌वादा राक्‌एनान चेप्‍मा म़ऱ।

फिलेमोन 1:8

खोवात्‍निओसा ख्रिस्‍तआ अ़ङ्‌का ऩपुवाङ्‌ओ अ़धिवा राक्‌आ खाना दि मुमादोत्‌नि लोमाछाङ ऱनाओ,