२ कोरिन्‍थि 13:4 - बान्‍तावा राई

⁴ अ़नुछ्‍याङा, मान्‍ऱदामादा खोक्‍को क्रुस्‌दा म़ख़न्‍तानुछाङ खोक्‍को निनाम्‍हाङ्‌ओ अ़चुसावादा ओन्‍ग़रि म़ह़ङ्‌याङ। मोवात्‍निङा, आन्‍कान्‍काछाङ ख्रिस्‍त मान्‍ऱकादा म़मुवाङावात्‍निङा मुन्‌येन्‍का, मेन ओन्‍ग़रि आन्‍कान्‍का खोक्‍कोएनान ह़ङिन्‍का, खोन्‌ओसा खानानिन्‌एनान आन्‍काओ च़माथाङ्‌मादा निनाम्‍हाङ्‌ओ अ़चुसावा आन्‍कान्‍का तोक्‍तुम्‍का।

२ कोरिन्‍थि 13:4 ပူးပေါင်းရင်းမြစ်များ

युहन्‍ना 10:18

साङ्‌आछाङ अ़ङ्‌कादाङ्‌का अ़ङ्‌ह़ङ्‌म़ङ खात्‍मा अ़ऱन, मेन अ़ङ्‌का आप्‍पि अ़ङ्‌मिन्‍माआ अ़ङ्‌ह़ङ्‌म़ङ प़ङ। अ़ङ्‌ह़ङ्‌म़ङ प़मा पाङ अ़ङ्‌काएदा याक्‌याङ, खोन्‍कि लामातोक्‍मा पाङ्‌छाङ अ़ङ्‌काएदा याक्‌याङ। ओ लोमाय़ङ अ़ङ्‌का अ़ङ्‌पापाएदाङ्‌का तोक्‍तुङ्‌युङ्‌सुङ।”

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

छाम्‍माय़ङ 3:16

येसुओ अ़चुऩङ्‌दा साकोङ्‌छ़ङ मुन्‍काओसा ओ पेसोला म़ना नुवायुङ्‌सा। ओ पेसोला बुया देत्‍नि मुवाङाओ खानानिन त़खाम्‌ओङा ओ, खोन्‍कि त़सिन्‍तुम्‌योम्‌ओङा ओ। खो येसुएदा साकोङ्‌छ़ङ मुवाओसा खानानिन्‌आ त़खाम्‌योम्‌हिदाङा निनाम्‍हाङ्‌आ खो नुलोक अ़नुसा।

रोमि 1:4

खोन्‍कि सेङ्‌लावाआ खोक्‍को निनाम्‍हाङ्‌ओ अ़चुछा झारा सावापोरिओ निकिना खाङ्‌म़मेत्‍तुचि, देकिनालो आन्‍हाङ्‌पा येसु ख्रिस्‍त म़सुवादाओदाङ्‌का म़खोन्‍तालोन्‍ता।

रोमि 14:9

देकिनालो म़सुवादाओचि खोन्‍कि काह़ङ्‌चि ह्‍वातात्‍माङ्‌सोओ अ़चुहाङ्‌पा लिमा निम्‍पाङ ख्रिस्‍त म़सुवादा खोन्‍कि म़लासाखोन्‍तालोन्‍ता।

रोमि 6:4

खोन्‌ओसा बप्‍तिस्‍मालाम्‍पा आन्‍कान खोक्‍कोएनान अ़क्‍नि खुम्‍तिन। देत्‍नि निनाम्‍हाङ पापाओ साम्‍स़रिओ अ़चुसावालाम्‍पा ख्रिस्‍त म़सुवादाओदाङ्‌का म़खोन्‍तालोन्‍ता, मोवात्‍निङा आन्‍कान्‌छाङ अ़ऩङ्‌वा ह़ङ्‌म़ङ्‌ओ लाम्‌दा कोलिन्‍ने।

१ कोरिन्‍थि 1:25

देकिनालो निनाम्‍हाङ्‌ओ अ़चुखामान्‍सिन्‍दामा म़नाचिओ अ़चुखारुदाङ्‌का तोक्‍पो मुयाङ, खोन्‍कि निनाम्‍हाङ्‌ओ अ़चुमान्‍ऱदामा म़नाचिओ अ़चुछोमादाङ्‌का सावापोरिओ मुयाङ।

१ कोरिन्‍थि 15:43

सायापेप्‍मादा मो खुम, साम्‌दा मो ह़ङ्‌लोन। मान्‍ऱदामादा मो खुम, सावादा मो अ़ह़ङ लि।

१ कोरिन्‍थि 2:3

अ़ङ्‌का खानानिन्‌एदा ताङ्‌हिदा अ़ङ्‌मान्‍ऱदामाआ खोन्‍कि अ़न्‍नुनु अ़ङ्‌क़माआ अ़धुन्‍ताङ।

१ कोरिन्‍थि 6:14

निनाम्‍हाङ्‌आ अ़चुसावालाम्‍पा हाङ्‌पा म़सुवादाओदाङ्‌का अ़खोन्‍तालोइसा, खोन्‍कि खोक्‍कोसाआ आन्‍कान्‌छाङ अ़चुसावालाम्‍पा म़खोन्‍लोन।

२ कोरिन्‍थि 10:10

खा-खाक्‍कोचि म़य़ङ, “खोसोओ अ़छाप्‍लावाचि च़लोक छाक्‍लो खोन्‍कि सावापोरि मुयाङ, मेन खो ताहिदा खो मान्‍ऱकादा लि, खोन्‍कि खोसोओ अ़चेप्‍मा अ़काचि मात्‍द़ङ्‌ओ लि।”

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

२ कोरिन्‍थि 13:9

आन्‍कान्‍का मान्‍ऱकादा मुन्‌येन्‍कानुछाङ खोन्‍कि खानानिन काछो त़लिसिन्‌हिदा आन्‍काओ ऩङानु। खानानिन उन्‍निज़ङ्‌नि लिसानिन निम्‍पाङ आन्‍कान्‍का यामारिन्‍का।

फिलिप्‍पि 3:10

अ़ङ्‌का ख्रिस्‍त खोन्‍कि खोक्‍कोसोओ अ़चुलामाखोन्‍मालोन्‍मा सावा सिन्‍मानि मिन्‍ङा, खोन्‍कि खोक्‍कोसोओ अ़चुस़मादा खोक्‍कोवात्‍निङा लिङाकि खोक्‍कोसोओ अ़चुदुखा आङ्‌मादा वाङ्‌मा ऱङाने,

हिब्रु 5:7

येसु अ़चुपोक्‌दा म़युङाङाहिदा खोक्‍को स़मादाङ्‌का साङ्‌आ लेन्‍मा अ़ऱ, खोक्‍कोएदा अ़न्‍नुनु पात्‌याङ्‌सा खोन्‍कि अ़चुम़क्‌वाएनान याम़मारा। खोन्‍किना खोक्‍कोसाआ सिम्‍नान्‍चिन्‍सा निनाम्‍हाङ साया अ़मेत्‍ताओसाआ अ़चुयामात्‍मा अ़एना।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

१ पत्रुस 3:22

खोक्‍को निनाम्‍मादु म़खारायुङ्‌सा खोन्‍कि निनाम्‍हाङ काफाचि, पाङ्‌चि खोन्‍कि सावाकातोक लावाचि म़क़म्‍तुचि खोन्‍कि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़युङ्‌याङ।