२ कोरिन्‍थि 12:21 - बान्‍तावा राई

²¹ अ़ङ्‌का लाङाबान्‍ङाहिदा अ़ङ्‌निनाम्‍हाङ्‌आ अ़ङ्‌का आम्‍नुओ तुक्‌वाआ लेजो ऩमुङा हे निम्‍पाङ खोन्‍कि साङ्‌चि बुया हेवा म़मुवा ओ, खोचि ब़द्‍धेकापाङ्‌आ अ़चुपोप्‍मान्‍चिन, ताङ्‌लान, हेवा खोन्‍कि राकादाङ्‌का मान्‍लाम़युक्‍नान्‍चिन्‌ओसा अ़ङ्‌का सोखा मुमादोत हे निकिना अ़ङ्‌क़माकात्‌याङ।

२ कोरिन्‍थि 12:21 ပူးပေါင်းရင်းမြစ်များ

रोमि 13:13

अ़खोलेन्‌वा आन्‍कान नुलोक च़न्‍ने। ताकावा च़मा, सेत्‍चावादा, ताङ्‌लान्‌दा, लुत्‍माचामादा, खिमादा खोन्‍कि ऩङ्‌च़दा माआङ।

रोमि 9:2

अ़ङ्‌साकोङ्‌वादा अ़न्‍नुनु सोखा खोन्‍कि अ़ङ्‌मिन्‍मादा अ़लुक्‍निन्‌ओ योक्‍मा याक्‌याङ।

१ कोरिन्‍थि 5:1

आम्‍नुओ रादा ताङ्‌लान लिसाओ अ़नुछ्‍या खाऩएत्‍ताङ्‌युङ्‌साङ, अ़क्‍छाआ अ़पाओ अ़खिम्‍हाङ्‌मा युङ्‌सुयुङ्‌सु नि। ओवात्‍नि ना निरावाचिओ अ़चुरादाछाङ अ़लिनिन।

२ कोरिन्‍थि 10:6

खाउग़रि आम्‍नुओ लोमाय़ङ त़तासुम्‍लाम, मोन्‍ग़रि झारा लोमावा मान्‍च़कादाचि दन्‍दा प़सि आन्‍कान्‍का चुम्‍सिन्‍चिन्‍का।

२ कोरिन्‍थि 12:7

मेन च़लोक म़दोम्‍दाओ साम्‌चिओ अ़तुक्‌वाआ तोक्‍पो लिमाआ अ़पुन्‍ऩङ्‌दाऩङ्‌ने निकिना अ़ङ्‌का दुखा प़सि खोन्‍कि तोक्‍पो लिमादाङ्‌का अ़ङ्‌छेक्‍सि सैतानाओ अ़य़ङ काखुन्‌वाको अ़क्‌तात त़ङ्‌खोक्‌वा अ़ङ्‌पोक्‌दा ऩपुवाङ।

२ कोरिन्‍थि 13:2

ह्‍वादुओदु आम्‍नुओ रादा युङाङ्‌याङ्‌हिदा अ़ङ्‌का खानानिन चाप्‍चेत्‍नानिन्‌वात्‍नि हान आम्‍नुओ रादा अ़ङ्‌का अ़युङ्‌ऩङ्‌ऩङ्‌हिदाछाङ खानानिन चाप्‍चेत्‍नाङ्‌नानिन। अ़ङ्‌का लाङाताङाहिदा बुया हेवा कामुचि खोन्‍कि नि साङ्‌चिछाङ अ़लेत्‍ऩङ्‌च़ङ।

२ कोरिन्‍थि 8:24

खोन्‌ओसा, आम्‍नुओ सोम्‍तुक्‍मा खोन्‍कि आम्‍नुओ तुक्‌वादा आन्‍काओ ऩङानुमाओ अ़सालुम्‍स़ङ साम्‍भुङ्‌चिओ अ़चुबुदा ओ म़नाचि खाङ्‌मेत्‍तानुम्‍च़म।

गलाति 5:19

पोक्‌ओ हेवामि च़माथाङ्‌माओ काचिचि छेङ्‌छेङ्‌छेङ्‌वा म़मुयाङ। मोचि ताङ्‌लान, पोप्‍मा, हात्‍मा,

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

हिब्रु 13:4

झारासाआ सायाकाम्‍माय़ङ साया मेत्‍मादोत खोन्‍कि खिम्‍हाङ्‌मा खिम्‍हाङ्‌पा सोम्‍कुवा मुकामु लिमादोत, देकिनालो काचान्‍चाचि खोन्‍कि ताङ्‌लान कामुचि निनाम्‍हाङ्‌आ छ़ङ म़छेन्‍तुचि।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

यहुदा 1:23

खा-खाक्‍कोचि मिओ दन्‍दादाङ्‌का लावालोत्‍तानुम्‍च़म्‌कि लेइसानुम्‍च़म। खा-खाक्‍कोचि सोमात़योक्‍तुम्‌योम्‍च़म्‌हिदा चाप्‍चेत्‍तानिन्‍चिन, हेवा काचिलाम्‍पा म़पोप्‍ताओचिओ अ़चुतित्‌छाङ चिप्‍माकात्‍तानुम।

यहुदा 1:7

मोवात्‍निङा सदोम खोन्‍कि गमोरा खोन्‍कि मोसोओ अ़च़क्‍चिदात्निओ सहराचि आन्‍को निम्‍पाङ अ़मात्‍ऩङ म़लिसायुङ्‌सा। मोचि अ़चुताकावा ताङ्‌लान म़मुवाकि पोक मित्‍मादा म़धा। मोवात्‍नि लिसाओसा मो सहराचि अ़धुन अ़लुक्‍निन्‌ओ मिआ म़लुक्‍तुचि।

खाङ्‌मुमा 21:8

मेन अ़चुक़मा काकात्‌चि, साकोङ्‌छ़ङ मान्‍मुकादाचि, चिप्‍माकात्‍तुओचि, म़ना कासेत्‌चि, पोप्‍कामुचि, म़क्‍फेङ कामुचि, सेम्‍पोक काब़क्‌चि खोन्‍कि म़ना काम़प्‌चि झारा मो म़नाचिओ अ़चुपाङ्‌यि लेत्‌याङ्‌ओ गन्‍दक्‌ओ मिराक्‌दा लि। ओ ह्‍वादुओदु स़मा ओ।”

खाङ्‌मुमा 22:15

मेन मो सहरा बुङ्‌खाया ना कुतिवाचि, म़क्‍फेङ कामुचि, पोप्‍कापोप कामुचि, म़ना कासेत्‌चि, सेम्‍पोक काब़क्‌चि खोन्‍कि सोज्‍जेओ ऩङाकानुचि खोन्‍कि मोवात्‍निङा काच़चि म़युङ।

खाङ्‌मुमा 22:20

ओ य़ङ्‌चिओ अ़चुसालुम्‍स़ङ काप़ म़य़ङ्‌याङ, “उवा, अ़ङ्‌का च़क्‍निङा ताङाङा!” मोवात्‍निङा लिने। हाङ्‌पा येसु तानिन।