२ कोरिन्‍थि 12:19 - बान्‍तावा राई

¹⁹ दि खानानिन त़मित्‍तुम्‌युङ्‌सुम्‌योम, ओन्‌तारि आन्‍कान्‍का आम्‍नुओ बुदा आन्‍कान्‍का आप्‍पि रात्‍तिन्‌येन्‍चिन्‍का ओ? सोमातुक्‍नाङ्‌नानिन्‌ओ यावाचि ओ, आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुपाङ्‌आ चेविन्‌येन्‍का, खोन्‍कि झारा खानानिन काछो मुमा निम्‍पाङ ओ।

२ कोरिन्‍थि 12:19 ပူးပေါင်းရင်းမြစ်များ

रोमि 12:19

निछाचि ओ, देम्‍खाछाङ आप्‍पि अ़फान मान्‍लात्‌दानिन, मेन निनाम्‍हाङ्‌ओ अ़चुमाइसुङ्‌दा लेत्‍तापुवानुम। देकिनालो छाप्‍तायुङ्‌सा, “अ़फान कालात अ़ङ्‌का ओ, अ़ङ्‌का अ़फान लात्‍तुङ।” नि निनाम्‍हाङ म़य़ङायुङ्‌सा।

रोमि 14:19

खोन्‌ओसा आन्‍कान दिसाआ सेवाङ्‌नि म़प़, मो य़ङ्‌चि त़ङ्‌तुम्‍च़म्‍ने खोन्‍कि मोसाआ अ़क्‍छा निएदा सोम्‍कुवा पोइसु।

रोमि 15:2

आन्‍कान झारासाआ आन्‍तेन्‍पाङ मित्‍मादोत, खोन्‍कि अ़नुवाक य़ङ्‌चिआ खोसोओ साकोङ्‌छ़ङ पोन्‍मा फासु।

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

१ कोरिन्‍थि 10:14

खोन्‌ओसा, सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, सेम्‍पोक ब़क्‍मादाङ्‌का अ़थाया युङानिन।

१ कोरिन्‍थि 10:33

अ़ङ्‌काछाङ झाराकापाराआ झारासोओ अ़चुऩङानुमा काचि मुङाङा। अ़ङ्‌नुलोक अ़ङ्‌का अ़लाम्‍ऩङ, मेन ब़द्‍धेसोओ नुलोक लामुङ, खोन्‌ओसा मोचि म़लेन्‍ने।

१ कोरिन्‍थि 14:26

खोन्‍नालो ब़ब़, नाना खोन्‍कि निछाचि ओ, आन्‍कान्‍का दे य़ङिन्‍का? खानानिन अ़क्‍नि त़कोविन्‍चिन्‌हिदा झाराकापाङ्‌एनान साम्‍ऱङ लुमा, चिन्‍मा, कोङ्‌दुम खालुमा, निय़ङ चेप्‍मा खोन्‍कि य़ङ्‌फान्‍मा लावामि सावा याक। ओ झारा य़ङ्‌चि साम्‍भुङ पोन्‍माओ निम्‍पाङ म़मुने।

२ कोरिन्‍थि 10:8

आन्‍काओ पाङ्‍ओ अ़तुक्‌वादा अ़ङ्‌का अ़क्‍चित च़लोक ऱक्‍भाक मुवाङ्‌नुछाङ अ़ङ्‌का लेजोदा अ़छुक्‍ऩङ, देकिनालो खानानिन लुक्‍माओ निम्‍पाङ माआङ, मेन आम्‍नुओ नुलोक्‌ओ निम्‍पाङ हाङ्‌पाआ आन्‍कान्‍का ओ पाङ ऩप़न्‌युङ्‌सिन्‍का।

२ कोरिन्‍थि 11:10

देत्‍नि ख्रिस्‍त अ़छ़ङ म़चेवा, खोन्‍कि खोक्‍को अ़ङ्‌काएदा म़युङ्‌याङ, मोवात्‍निङा अखैयाओ धिखाहुप्‌चिदाओ अ़ङ्‌तोक्‍पो लिमा साङ्‌आछाङ छेक्‍मा अ़ऱन।

२ कोरिन्‍थि 11:31

हाङ्‌पा येसुओ अ़चुनिनाम्‍हाङ पापा, खो अ़धुन-अ़धुन म़चोन्‍ने। खोक्‍कोसाआ अ़सिन्‌याङ, अ़ङ्‌का अ़म़प्‍ऩङ।

२ कोरिन्‍थि 12:15

अ़ङ्‌का आम्‍नुओ निम्‍पाङ अ़न्‍नुनु अ़ङ्‌ऩङानुयाङ्‌सा अ़ङ्‌सामाचि याङुङ्‌च़ङ, खोन्‍कि अ़ङ्‌का आप्‍पि अ़ङ्‌ह़ङ्‌म़ङ्‌छाङ प़नानिन। अ़ङ्‌का खानानिन च़लोक सोमातुक्‍नानिन्‌नालो दि खानानिन्‌आ अ़ङ्‌का चुक्‍लो सोमात़तुक्‍ङाऩङ?

२ कोरिन्‍थि 13:10

खोन्‌ओसा, खानानिन्‌एदाङ्‌का अ़थाया युङ्‌ङाङाहिदा अ़ङ्‌का ओ छाप्‍तुङ्‌योङ, मोवात्‍नि खानानिन्‌एदा लाङाताङाहिदा हाङ्‌पाआ अ़ङ्‌का ऩपुवाङ्‌ओ पाङ चाअ़त्‍लो अ़ङ्‌का याङ्‌मा अ़दोत्‍निन्‍ने। ओ पाङ खोक्‍कोसाआ अ़ङ्‌का खानानिन काऱ मुमा निम्‍पाङ ऩपुवाङ ओ, भुङ्‌माखान्‍माओ निम्‍पाङ माआङ।

२ कोरिन्‍थि 2:17

देकिनालो ब़द्‍धे निचिवा आन्‍कान्‍का निनाम्‍हाङ्‌ओ अ़चुय़ङ काखित काइन्‌चि माआङ, मेन निनाम्‍हाङ्‌आ ऩछुत्‍तिन्‍काओ अ़चुमिन्‍मा सेङ्‌याङ्‌ओ म़नाचिवा आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुतुक्‌वादा चेविन्‍का।

२ कोरिन्‍थि 3:1

दि आन्‍कान्‍का आप्‍पि लासिन्‍चोन्‍तिन्‌येन्‍चिन्‍का? माङ्‌लो दि खा-खाक्‍को म़नाचिवा खानानिन्‌एदा माङ्‌लो खानानिन्‌एदाङ्‌का आन्‍कान्‍का कान्‍माय़ङ छाप्‍लावा दोत कि?

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

१ थेसलोनिकि 5:11

खोन्‌ओसा अ़क्‍छा निएदा राक प़काप़ मुवानिन खोन्‍कि अ़क्‍छा निएदा निनाम्‍हाङ साकोङ्‌छ़ङ मुमादा फाकाफा मुवानिन, अ़नुछ्‍या मोवात्‍निङा खानानिन त़च़न्‌येन्‌छाङ।

हिब्रु 6:9

सोमातुक्‍निङ्‌निओ यावाचि ओ, आन्‍कान्‍का ओवात्‍नि आम्‍नुओ तुक्‌वादा य़ङिन्‍कानुछाङ आम्‍नुओ लेन्‍माएनान च़लोक अ़नुवाक य़ङ्‌चि खानानिन्‌एदा म़तानि आन्‍कान्‍का सोम्‍कुवा मुन्‍का।