२ कोरिन्‍थि 11:15 - बान्‍तावा राई

¹⁵ खोन्‌ओसा ओ म़दोम्‍दाओ य़ङ माआङ, मोसोओ अ़हारुक्‌चिआछाङ साम्‌योक्‍मि म़नाचिओ अ़चुकात्‍मावात्‍नि म़फान्‍नान्‍चिन। मोचिओ अ़चुलुक्‍मा मोचिओ अ़चुकाचिवात्‍निङा लि।

२ कोरिन्‍थि 11:15 ပူးပေါင်းရင်းမြစ်များ

छाम्‍माय़ङ 13:10

“खाना सैतानाओ अ़छा खोन्‍कि झारा अ़नुवाक य़ङ्‍ओ अ़ङेङ ओ। झारा म़प्‍मा खोन्‍कि अ़अ़त्‍पाआ त़भेप्‍ताओ! दि हाङ्‌पाओ अ़छ़ङ लाम्‌चि खाना ऱक्‍मा त़छिरुन?

रोमि 2:6

देकिनालो निनाम्‍हाङ्‌आ “झारा म़ना खोसाआ मुओ अ़काचिवा छ़ङ म़छेन्‍तुचि।”

रोमि 3:8

मोवात्‍नि ओन्‍ङा माआङ, खा-खाक्‍को म़नाचिआ “नुलोक लिने निकिना देकि अ़त्‍लो मान्‍च़दामा”नि आन्‍कान्‍का सुङ्‌याङ्‌सा लाहि ऩपाक्‍तिन्‌येन्‍का। साङ-साङ्‌चि मोवात्‍नि म़य़ङ, निनाम्‍हाङ्‌आ मोचि छ़ङ म़छेन्‍तुचि।

१ कोरिन्‍थि 9:11

आन्‍कान्‍का आम्‍नुओ रादा लावामिओ बिउ वेत्‍तुम्‌युङ्‌सुम्‍कानालो आन्‍कान्‍का खानानिन्‌एदाङ्‌का हेन्‍खामादाओ सामाचि कोउम्‍च़म्‍कानालो दि ओ ब़द्‍धे लामुम्‌योम्‌ओ कि?

२ कोरिन्‍थि 11:13

देकिनालो ओवाको म़नाचि सोज्‍जेओ छाम्‍माय़ङ्‌चि खोन्‍कि काम़प्‌चि ओ, खोन्‍कि मोचि आप्‍पि ख्रिस्‍तओ अ़चुछाम्‍माय़ङ्‌चिवात्‍नि काफान्‍नान्‍चिन्‍चिओ।

२ कोरिन्‍थि 11:23

दि मोचि ख्रिस्‍तओ अ़चुकाफाचि ओ? अ़ङ्‌का च़लोक अ़नुवाक अ़चुकाफापा ओ। अ़ङ्‌का हिम्‍सालेवा चेप्‍ङाङा। अ़ङ्‌का च़लोक काचि मुङ्‌युङ्‌सुङ। छेक्‍खादा ब़द्‍धेकादु छुक्‍ताङ्‌युङ्‌साङ। खिप्‌दि मान्‍तेत य़हुप चोङ्‌युङ्‌सुङ। स़माओ अ़दोदा अ़दु-अ़दु छुक्‍ताङ्‌युङ्‌साङ।

२ कोरिन्‍थि 3:9

काह़त य़ङ्‌हुप साम्‍स़रिओ मुवाङानालो साम्‌योक्‍मि काकान काचि मोदाङ्‌का च़लोक साम्‍स़रिओ मु।

एफिसि 6:12

देकिनालो आन्‍ङेन पोक खोन्‍कि ह़ओ अ़देङ्‌सालाप्‍पादा माआङ, मेन अ़तोक्‍पोचिओ अ़चुदेङ्‌सालाप्‍पादा, सावाचिओ अ़चुदेङ्‌सालाप्‍पादा, आइमित्‌ओ कुइयामा हेन्‍खामादाओ हाङ्‌काचि कामुचिओ अ़चुदेङ्‌सालाप्‍पा खोन्‍कि निनाम्‍मादुओ युङ्‌खाचिदाओ अ़अ़त्‍पा लावामि सावाचिओ अ़चुदेङ्‌सालाप्‍पादा ओ।

फिलिप्‍पि 3:19

आदेङ्‌माङ निनाम्‍हाङ्‌आ मोचि म़लुक्‍तुचि, अ़चुबुक मोचिओ अ़चुमाङ ओ, खोन्‍कि मोचि लेजो य़ङ्‌चि म़मुओदा तोक्‍पो म़लि, खोन्‍कि मोचिओ अ़चुमिन्‍मा हेन्‍खामादाओ य़ङ्‌चिदा याक्‌याङ।

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।

यहुदा 1:4

मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा। खा-खाक्‍को म़नाचि मान्‍सिन्‍मान्‍तोक आम्‍नुओ रादा म़ताचिआयुङ्‌सा। मोचि निनाम्‍हाङ मान्‍ब़क्‍कादा म़नाचि ओ, मोचिआ आन्‍निनाम्‍हाङ्‌ओ अ़चुसोमातुक्‍मा ताङ्‌लान्‌दा अ़फान्‍तायुङ्‌सा। आन्‍को अ़क्‍छा ओन्‍ङा ओ आन्‍हाङ्‌काचि कामु खोन्‍कि हाङ्‌पा येसु ख्रिस्‍त ऩङाअ़छित। मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा।

खाङ्‌मुमा 13:2

अ़ङ्‌का खाङ्‌ओ मो साक्‍स़ङ स़ङ्‌चोङ्‌खेवात्‍नि काराङा, मोसोओ अ़लाङ्‌चि माक्‍साओवा म़मुवाङा, खोन्‍कि मोसोओ अ़दो धिनाराओवा मुवाङा। मो अ़धिवाङ प़आ मो साक्‍स़ङ आप्‍पि अ़सावा, अ़हाङ्‌युङ्‌खा खोन्‍कि तोक्‍पो पाङ प़।

खाङ्‌मुमा 9:11

अ़थेन मात्‍द़ङ्‌ओ हुत्‌दाओ हुत्‌दाङ्‌काओ य़ङ्‌काखुन मो रुइचिएदा हाङ्‌काचि मु। हिब्रु य़ङ्‌दा मोसोओ अ़ऩङ ‘एबाद्‍दोन’ खोन्‍कि ग्रिक य़ङ्‌दा मोसोओ अ़ऩङ ‘अप्‍पोल्‍लियन’ ओ। ओसोओ अ़तुप्‌य़ङ ‘कालुक’।