२ कोरिन्‍थि 11:10 - बान्‍तावा राई

¹⁰ देत्‍नि ख्रिस्‍त अ़छ़ङ म़चेवा, खोन्‍कि खोक्‍को अ़ङ्‌काएदा म़युङ्‌याङ, मोवात्‍निङा अखैयाओ धिखाहुप्‌चिदाओ अ़ङ्‌तोक्‍पो लिमा साङ्‌आछाङ छेक्‍मा अ़ऱन।

२ कोरिन्‍थि 11:10 ပူးပေါင်းရင်းမြစ်များ

छाम्‍माय़ङ 18:12

मेन गलियोन अखैया धिखाहुप्‌दाओ हाङ्‌काचि कामु लिसाहिदा यहुदिचि म़तोङाकि पावल अ़लावा, खोन्‍कि खो छ़ङ्‌छेन्‍खादा अ़तारा।

छाम्‍माय़ङ 18:27

खोन्‍कि खोसाआ अखैया धिखाहुप खात्‍मा अ़छ़ङ मु, खोन्‌ओसा एफिसस्‌दाओ हाङ्‌पाएदाओ काखेङ्‌चिआ खो राक अ़पुवा, खोन्‍कि “अखैयाया अपोल्‍लोस साऩङ्‌वा मेत्‍तानुम”निकि मोदाओ काखेङ्‌चि छाप्‍लावा म़छाप्‍तुछोक्‍तुचि। खो मोया तालाकि निनाम्‍हाङ्‌ओ अ़सोम्‍तुक्‍मालाम्‍पा साकोङ्‌छ़ङ कामुचि ब़द्‍धे फासुचि।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 16:5

मोचिओ अ़चुखिम्‌दा म़कोप्‍नान्‍चिन्‌ओ साम्‍भुङ्‌चि सेवानि लोवानुम्‍च़म। अ़ङ्‌का सोमातुक्‍तुङ्‌योङ्‌ओ इपेनितस सेवानि लोत्‍निप़नि। खो ख्रिस्‍तओ निम्‍पाङ एसियादाओ बुयाओ साकोङ्‌छ़ङ कामु ओ।

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

१ कोरिन्‍थि 16:15

हान ब़ब़, नाना खोन्‍कि निछाचि ओ, खानानिन त़सिन्‍तुम्‌योम, स्‍तिफनास्‌ओ अ़खिम्‍लुम्‍पाचि अखैयादा बुयाओदु साकोङ्‌छ़ङ कामुचिओ, खोन्‍कि निनाम्‍हाङ्‌ओ अ़चुम़नाचिओ अ़चुकाचिदा खोचिङा म़वाङायुङ्‌सा।

२ कोरिन्‍थि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ पावल, खोन्‍कि आन्‍निछा तिमोथिएदाङ्‌का कोरिन्‍थदा कायुङ निनाम्‍हाङ्‌ओ अ़चुसाम्‍भुङ, खोन्‍कि झारादात्‍नि अखैयादा कायुङ झारा निनाम्‍हाङ्‌ओ अ़चुम़नाचि।

२ कोरिन्‍थि 1:23

अ़ङ्‌सालुम्‍स़ङ्‍ओ निम्‍पाङ अ़ङ्‌का निनाम्‍हाङ्‌एदा फालुङा, खानानिन च़लोक दन्‍दा प़मा अ़दोत्‍निन्‍ने निम्‍पाङ अ़ङ्‌का कोरिन्‍थदा मान्‍लाङाबान्‍ङा।

२ कोरिन्‍थि 10:15

आन्‍कान्‍का नि म़नाचिओ अ़चुकाचिचिदा तोक्‍पो अ़लिसिमिन्‍का, मेन आन्‍काओ सोम्‍कुवा ओङा ओ, आम्‍नुओ साकोङ्‌छ़ङ पोन्‌याङ्‌सा आम्‍नुओ रादा खात्‌याङ्‌हिदा मोसाआ आन्‍काओ काचि मुखा खाहुप पोइसु।

२ कोरिन्‍थि 11:12

अ़ङ्‌का खाक्‍को काचि मुङ्‌योङ, मो मुङ्‌युङ्‌सुङ। खोन्‌ओसा तोक्‍पो लियाङ्‌सा अ़मुवाओ अ़चुकाचि आन्‍काओएनान अ़क्‍निवा मुयाङ्‌नि काय़ङ मो म़नाचिओ अ़चुय़ङ क़प्‍मा ऱङ्‌ने।

२ कोरिन्‍थि 11:31

हाङ्‌पा येसुओ अ़चुनिनाम्‍हाङ पापा, खो अ़धुन-अ़धुन म़चोन्‍ने। खोक्‍कोसाआ अ़सिन्‌याङ, अ़ङ्‌का अ़म़प्‍ऩङ।

२ कोरिन्‍थि 12:19

दि खानानिन त़मित्‍तुम्‌युङ्‌सुम्‌योम, ओन्‌तारि आन्‍कान्‍का आम्‍नुओ बुदा आन्‍कान्‍का आप्‍पि रात्‍तिन्‌येन्‍चिन्‍का ओ? सोमातुक्‍नाङ्‌नानिन्‌ओ यावाचि ओ, आन्‍कान्‍का निनाम्‍हाङ्‌ओ अ़चुबुदा ख्रिस्‍तओ अ़चुपाङ्‌आ चेविन्‌येन्‍का, खोन्‍कि झारा खानानिन काछो मुमा निम्‍पाङ ओ।

२ कोरिन्‍थि 9:2

देकिनालो अ़ङ्‌का आम्‍नुओ मिन्‍मा सिन्‍तुङ्‌योङ। खोन्‍कि आनेम्‍ऩङ्‌दाङ्‌का अखैया धिखाहुप्‌दाओ म़नाचि छुक्‍दाम प़मा म़चुम्‍सान्‌यान्‍चिन निकिना आम्‍नुओ तुक्‌वादा माकेदोनियादाओ म़नाचि अ़ङ्‌ऩङानुयाङ्‌सा मोचि अ़ङ्‌का लोङ्‌च़ङ्‌ओ। आम्‍नुओ राक्‌आ मोचिएदाओ ब़द्‍धेकापाङ अ़चुचोङ्‌माङ काइसुयुङ्‌सुचि।

गलाति 1:20

निनाम्‍हाङ्‌ओ अ़चुबुदा अ़ङ्‌का खानानिन दि छाप्‍नाङ्‌नानिन्‌ओ सोज्‍जे माआङ।

गलाति 2:20

अ़ङ्‌का ख्रिस्‍तएनान क्रुस्‌दा ख़न्‍ताङ्‌युङ्‌साङ। हान्‌दाङ्‌का काह़ङ अ़ङ्‌का माआङ, मेन ख्रिस्‍त अ़ङ्‌काएदा म़ह़ङ। ओन्‍ग़रि अ़ङ्‌का पोक्‌दा ह़ङ्‌ङाङा, मो ह़ङ्‌म़ङ निनाम्‍हाङ्‌ओ अ़चुछाएदा सोम्‍कुवालाम्‍पा ह़ङ्‌ङा। खोक्‍कोसाआ अ़ङ्‌का सोमाऩतुक्‍ताङ खोन्‍कि अ़ङ्‌को निम्‍पाङ खोक्‍को आप्‍पि म़पुवान्‍लावान्‍चिन।

१ थेसलोनिकि 2:10

खानानिन साकोङ्‌छ़ङ कामुचिएदा देत्‍नि आन्‍काओ च़माथाङ्‌मा सेङाङा, साम्‌योक्‍मि खोन्‍कि लाहि मात्‍द़ङ मुवाङा, मो य़ङदा खानानिन खोन्‍कि निनाम्‍हाङ्‌छाङ आन्‍काओ सालुम्‍स़ङ ओ।

१ थेसलोनिकि 2:5

खानानिन त़सिन्‍तुम्‌योम आन्‍कान्‍का देम्‍खाछाङ खानानिन्‌एदा दोलेङ्‌वा मान्‍मुदान्‍का, ना आन्‍कान्‍का आम्‍नुओ सामाचि तोक्‍मा च़क्‍ख़य़ मुन्‍का। आन्‍काओ अ़सालुम्‍स़ङ निनाम्‍हाङ्‌ङा म़युङ्‌याङ।

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!