२ कोरिन्‍थि 1:23 - बान्‍तावा राई

²³ अ़ङ्‌सालुम्‍स़ङ्‍ओ निम्‍पाङ अ़ङ्‌का निनाम्‍हाङ्‌एदा फालुङा, खानानिन च़लोक दन्‍दा प़मा अ़दोत्‍निन्‍ने निम्‍पाङ अ़ङ्‌का कोरिन्‍थदा मान्‍लाङाबान्‍ङा।

२ कोरिन्‍थि 1:23 ပူးပေါင်းရင်းမြစ်များ

छाम्‍माय़ङ 18:1

खोन्‍किना पावल्‌आ एथेन्‍स सहरा छिरुदोकि कोरिन्‍थ सहराह्‍यात्‍नि खारा।

छाम्‍माय़ङ 18:8

यावायोक्‍खिम्‌दाओ बुसुवा क्रिस्‍पस खोन्‍कि खोसोओ झारा अ़खिम्‌दाओचिआ हाङ्‌पाएदा साकोङ्‌छ़ङ म़मुवा। खोन्‍कि कोरिन्‍थिदाओचिआछाङ ब़द्‍धेसाआ पावल्‌ओ अ़य़ङ अ़एना खोन्‍कि साकोङ्‌छ़ङ म़मुवाकि बप्‍तिस्‍मा म़लोआ।

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

१ कोरिन्‍थि 4:21

खानानिन दि त़छेन्‍तुम? अ़ङ्‌का खानानिन्‌एदा तोप्‍मा बात्‍ङाकि बान्‍ङा हे, सोम्‍तुक्‍मा खोन्‍कि सिम्‍मान्‍चिन लावा बात्‍ङाकि बान्‍ङा?

१ कोरिन्‍थि 5:5

मो म़ना सैतानाओ अ़छुक्‌दा पाक्‍तानुम, ओवात्‍नि मोसोओ अ़पोक लुक्‍ने खोन्‍कि हाङ्‌पाओ अ़चुछ़ङ्‌छेन्‍मा लेन्‌दा मोसोओ अ़लावा लेत्‍ने।

२ कोरिन्‍थि 1:1

निनाम्‍हाङ्‌ओ अ़चुमिन्‍मालाम्‍पा ख्रिस्‍त येसुओ अ़चुछाम्‍माय़ङ पावल, खोन्‍कि आन्‍निछा तिमोथिएदाङ्‌का कोरिन्‍थदा कायुङ निनाम्‍हाङ्‌ओ अ़चुसाम्‍भुङ, खोन्‍कि झारादात्‍नि अखैयादा कायुङ झारा निनाम्‍हाङ्‌ओ अ़चुम़नाचि।

२ कोरिन्‍थि 1:18

अ़नुछ्‍याङा निनाम्‍हाङ सोम्‍कुवा मुमा खान्‍तुओ म़मुयाङ्‍ओसा आन्‍काओ य़ङ “अ़नुछ्‍याओ”नि य़ङ्‌याङ्‌सा “माआङ”नि अ़लिनिन।

२ कोरिन्‍थि 10:2

खानानिन्‌एदा अ़ङ्‌का ताङाहिदा आन्‍कान्‍का हेन्‍खामादाओ च़माथाङ्‌माआ काचि मुन्‍कानि काय़ङ्‌चिएदा अ़ङ्‌का छाक्‍लो लिमा मित्‍चिऩङ मुङा। अ़ङ्‌का खानानिन लोनानिन, अ़ङ्‌का ताङाहिदा मोवात्‍नि खानानिन चात्‍लो रेन्‍मा अ़दोत्‍निन्‍ने।

२ कोरिन्‍थि 11:10

देत्‍नि ख्रिस्‍त अ़छ़ङ म़चेवा, खोन्‍कि खोक्‍को अ़ङ्‌काएदा म़युङ्‌याङ, मोवात्‍निङा अखैयाओ धिखाहुप्‌चिदाओ अ़ङ्‌तोक्‍पो लिमा साङ्‌आछाङ छेक्‍मा अ़ऱन।

२ कोरिन्‍थि 11:11

देकि खानानिन्‌एदाङ्‌का छेन्‍बि अ़लोक्‍ऩङ? दि अ़ङ्‌का खानानिन सोमाअ़तुक्‍नान्‍निमिन निकिना ओ? निनाम्‍हाङ्‌आ अ़सिन्‌याङ, अ़ङ्‌का खानानिन सोमातुक्‍नानिन!

२ कोरिन्‍थि 11:31

हाङ्‌पा येसुओ अ़चुनिनाम्‍हाङ पापा, खो अ़धुन-अ़धुन म़चोन्‍ने। खोक्‍कोसाआ अ़सिन्‌याङ, अ़ङ्‌का अ़म़प्‍ऩङ।

२ कोरिन्‍थि 12:20

देकिनालो अ़ङ्‌का ताङाहिदा अ़ङ्‌का मिन्‍ङावात्‍नि खानानिन अ़धित्‍नान्‍निमिन हे, खोन्‍कि खानानिन्‌आछाङ त़मिनिन्‌येन्‌वा अ़ङ्‌का त़धित्‍नाङ्‌ऩम़ङ हे निकिना अ़ङ्‌का क़ङाङा। आम्‍नुओ रादा खिमा, ऩङ्‌च़, माइसुङ, फेक्‍मान्‍चिन, सुङ्‌मा, दुम्‍लुमा, ऱक्‍भाक खोन्‍कि ङेन लि हे निकिना अ़ङ्‌क़मा कात्‌याङ।

२ कोरिन्‍थि 13:10

खोन्‌ओसा, खानानिन्‌एदाङ्‌का अ़थाया युङ्‌ङाङाहिदा अ़ङ्‌का ओ छाप्‍तुङ्‌योङ, मोवात्‍नि खानानिन्‌एदा लाङाताङाहिदा हाङ्‌पाआ अ़ङ्‌का ऩपुवाङ्‌ओ पाङ चाअ़त्‍लो अ़ङ्‌का याङ्‌मा अ़दोत्‍निन्‍ने। ओ पाङ खोक्‍कोसाआ अ़ङ्‌का खानानिन काऱ मुमा निम्‍पाङ ऩपुवाङ ओ, भुङ्‌माखान्‍माओ निम्‍पाङ माआङ।

२ कोरिन्‍थि 13:2

ह्‍वादुओदु आम्‍नुओ रादा युङाङ्‌याङ्‌हिदा अ़ङ्‌का खानानिन चाप्‍चेत्‍नानिन्‌वात्‍नि हान आम्‍नुओ रादा अ़ङ्‌का अ़युङ्‌ऩङ्‌ऩङ्‌हिदाछाङ खानानिन चाप्‍चेत्‍नाङ्‌नानिन। अ़ङ्‌का लाङाताङाहिदा बुया हेवा कामुचि खोन्‍कि नि साङ्‌चिछाङ अ़लेत्‍ऩङ्‌च़ङ।

२ कोरिन्‍थि 6:6

आन्‍कान्‍का सेङ्‌मादा, तायादा, हुङ्‌मादा, सोम्‍तुक्‍मादा, सेङ्‌लावादा, अ़नुछ्‍याओ सोम्‍तुक्‍मादा,

गलाति 1:20

निनाम्‍हाङ्‌ओ अ़चुबुदा अ़ङ्‌का खानानिन दि छाप्‍नाङ्‌नानिन्‌ओ सोज्‍जे माआङ।

फिलिप्‍पि 1:8

येसु ख्रिस्‍तआ खानानिन देत्‍नि सोमाऩतुक्‍तिन, मोवात्‍निङा अ़ङ्‌काछाङ खानानिन झारा सोमातुक्‍नाङ्‌नानिन निकिना निनाम्‍हाङ अ़ङ्‌सालुम्‍स़ङ म़युङ्‌याङ।

१ थेसलोनिकि 2:5

खानानिन त़सिन्‍तुम्‌योम आन्‍कान्‍का देम्‍खाछाङ खानानिन्‌एदा दोलेङ्‌वा मान्‍मुदान्‍का, ना आन्‍कान्‍का आम्‍नुओ सामाचि तोक्‍मा च़क्‍ख़य़ मुन्‍का। आन्‍काओ अ़सालुम्‍स़ङ निनाम्‍हाङ्‌ङा म़युङ्‌याङ।

१ तिमोथि 1:20

मोचिएदाओ हुमेनियस खोन्‍कि अलेक्‍जेन्‍दर ओ। मोचिआ निनाम्‍हाङ रुमान्‍फोक्‍दामा चिन्‍चिचिन्‍ने निम्‍पाङ अ़ङ्‌का मोचि सैतानाओ अ़छुक्‌दा पाक्‍तुङ्‌प़ङ्‌युङ्‌सुङ्‌च़ङ।