२ कोरिन्‍थि 1:11 - बान्‍तावा राई

¹¹ खानानिन्‌आछाङ आन्‍कान्‍का यामात्‍मालाम्‍पा फामादोत। खोन्‍कि ब़द्‍धे यामात्‍माओ अ़लामाय़ङ्‌दा आन्‍कान्‍का तोक्‍तुम्‍काओ आसिखाओ निम्‍पाङ ब़द्‍धे म़नाचिआ आन्‍लिप्‍पादा आलाङ अ़प़।

२ कोरिन्‍थि 1:11 ပူးပေါင်းရင်းမြစ်များ

छाम्‍माय़ङ 12:5

मोवात्‍नि पत्रुस छेक्‍खाखिम्‌दा अ़छेक्‍ता, मेन खोसोओ निम्‍पाङ साम्‍भुङ्‍ओ म़नाचिआ निनाम्‍हाङ्‌एदा ब़द्‍धे मिन्‍मा पाक्‌याङ्‌सा याअ़मात्‍ता पुवायुङ्‌साङा।

२ कोरिन्‍थि 4:15

देकिनालो ओ झारा आम्‍नुओ निम्‍पाङ्‌ङा म़लिसाओ ओ, खोन्‌ओसा सोम्‍तुक्‍मा ब़द्‍धे म़नाचिएदा फेकि आलाङ प़माय़ङ पोन्‌याङ्‌सा खात्‌कि निनाम्‍हाङ्‌ओ अ़चुऩङ अ़लोङ्‌ने।

२ कोरिन्‍थि 9:14

खोन्‍कि निनाम्‍हाङ्‌ओ च़लोक अ़चुसोमातुक्‍मा खानानिन्‌एदा याक्‌याङ्‌ओसा, मोचिआ खानानिन च़लोक सोम्‍ऩतुक्‍तिन खोन्‍कि आम्‍नुओ निकिना याऩमात्‍तिन्‍प़न।

फिलिप्‍पि 1:19

उवा, अ़ङ्‌का अ़ङ्‌ऩङानुयुङ! देकिनालो अ़ङ्‌का सिन्‍तुङ्‌योङ, आम्‍नुओ यामात्‍मा खोन्‍कि येसु ख्रिस्‍तओ अ़चुलावाओ अ़चुफामाआ अ़ङ्‌का फोङ्‌मा तोक्‍तुङ।

कलस्‍सि 4:3

आन्‍काओ निम्‍पाङ्‌छाङ ओवात्‍नि यामारानिन: ख्रिस्‍तओ अ़चुतुक्‌वादाओ मो अ़कोङ्‌दुम खालुमा अ़वाखाम निनाम्‍हाङ्‌आ आन्‍कान्‍का लाम ऩहोत्‍तिन्‍प़न्‍काने। मोसोओ निम्‍पाङ अ़ङ्‌का छेक्‍खादा छुक्‍ताङ्‌युङ्‌साङ।

१ थेसलोनिकि 5:25

ब़ब़, नाना खोन्‍कि निछाचि ओ, आन्‍काओ निम्‍पाङ्‌छाङ यामारानिन।

२ थेसलोनिकि 3:1

हान अ़लुक्‍मादा, ब़ब़, नाना खोन्‍कि निछाचि ओ, हाङ्‌पाओ अ़चुय़ङ च़क्‍नि फेयाङ्‌साखात्‍ने निम्‍पाङ आन्‍कान्‍का यामात्‍निप़नि, देत्‍नि आम्‍नुओ रादाछाङ फेसायुङ्‌सा।

फिलेमोन 1:22

खोन्‍कि अ़ङ्‌को निकि युङ्‌खाछाङ तोङ्‌निप़नि। निनाम्‍हाङ्‌आ आम्‍नुओ यामात्‍मा अ़एन्‍कि अ़ङ्‌का खानानिन्‌एदा बान्‍मा तोक्‍तुङ्‌नेनिओ तामित्‍मा मुङाङा।

हिब्रु 13:18

आन्‍काओ निम्‍पाङ यामारानिन। आन्‍कान्‍का सिन्‍तुम्‌योम्‍का आन्‍काओ छेन्‍खाताया सेङ्‌याङ, खोन्‍कि अ़धुन झारा य़ङ्‌चि नुलोक मुमानि आन्‍कान्‍का मिनिन्‌येन्‍का।