१ तिमोथि 5:21 - बान्‍तावा राई

²¹ निनाम्‍हाङ खोन्‍कि ख्रिस्‍त येसु खोन्‍कि छेन्‍माय़ङ निनाम्‍हाङ काफाचिओ अ़चुबुदा अ़ङ्‌का खाना चात्‍लो लोना, ओ झारा यायोक्‌चि लिप्‍पा मान्‌वाङ्‌माङ माङ्‌लो साङ्‌छाङ नुलोक अ़त्‍लो मान्‍मुमाङ मुचि।

१ तिमोथि 5:21 ပူးပေါင်းရင်းမြစ်များ

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

मत्‍ति 25:41

खोन्‍किना खोक्‍कोसाआ अ़चुओ बेङ्‌साङ्‌लिप्‍पाओ म़नाचि म़लोचि, ‘माङ्‌हिम्‍माय़ङ म़नाचि ओ! अ़ङ्‌काएदाङ्‌का माङ्‌सानिन। सैताना खोन्‍कि मोसोओ अ़काफाचिओ निम्‍पाङ चुम्‍सायुङ्‌साओ अ़लुक्‍निन्‌ओ मिदा खारानिन।

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

लुका 20:21

खोन्‍किना खाकासुक्‌चिआ येसु अ़सेना, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़छ़ङ त़चेविन खोन्‍कि त़चिन्‍तुम्‍च़म, खोन्‍कि खानानिन साङ्‌लिप्‍पाछाङ त़वाङिमिन, मेन खानानिन निनाम्‍हाङ्‌ओ अ़चुलाम अ़छ़ङ खात़चिन्‍तिन।

लुका 9:26

मेन खाक्‍को म़ना अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओ अ़साम, अ़चुपापाओ अ़साम्‌दा खोन्‍कि म़सेङ्‌याङ्‌ओ निनाम्‍हाङ काफाचिएनान साम्‍स़रि लिकि लाय़हिदा मोएदा खोसोओछाङ अ़लेजो कात।

२ कोरिन्‍थि 5:16

खोन्‌ओसा हान्‌दाङ्‌का आन्‍कान्‍का साङ्‌आछाङ म़नाओ अ़मिन्‍मावा अ़खान्‍मिन्‍का। आन्‍कान्‍का ख्रिस्‍त अ़क्‍दु म़नाओ अ़मिन्‍माआ खाम्‍का ओ, हान्‌दाङ्‌का ओवात्‍नि अ़खान्‍मिन्‍का।

१ थेसलोनिकि 5:27

अ़ङ्‌का खानानिन हाङ्‌पाओ अ़चुऩङ्‌दा लोनाङ्‌नानिन, ओ छाप्‍लावा झारा ब़ब़, नाना खोन्‍कि निछाचि खिप्‍तापुवानुम्‍च़म।

१ तिमोथि 6:13

झारा ह़ङ्‌म़ङ काप़ निनाम्‍हाङ खोन्‍कि पन्‍तियस पिलातस्‌ओ अ़बुदा अ़नुवाक सालुम्‍स़ङ काप़ ख्रिस्‍त येसुओ अ़चुबुदा अ़ङ्‌का खाना लोनाङ्‌ना,

२ तिमोथि 2:14

ओ य़ङ्‌चि साकोङ्‌छ़ङ कामुचि मित्‍मेतुचि। निनाम्‍हाङ्‌ओ अ़चुबुदा य़ङ्‌सिवाचिओ अ़तुक्‌वादा दुम मान्‍छ़न्‍दामा चाप्‍चेत्‍तुचि। मोसाआ नुलोक म़मुनिन, मेन काएन्‌चि ओन लुक्‍तुचि।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

२ पत्रुस 2:4

निनाम्‍हाङ काफाचि हेवा म़मुवाहिदा निनाम्‍हाङ्‌आ मोचि मान्‍लेत्‍म़दोचि, मेन मोचि सित्‍म़ङ्‌चि दुखा तोक्‍खायु म़वेइसुदिसुचि, खोन्‍कि छ़ङ्‌छेन्‍माओ लेन्‌तारिओ निम्‍पाङ हेन्‍खामा भेन्‌युओ कुन्‍चियाधेक्‍धेक्‌ओहुत्‌दा म़छ़सुयुङ्‌सुचि।

यहुदा 1:6

खोन्‍कि निनाम्‍हाङ काफाचि अ़चुपाङ्‌ओ छान्‌वा मान्‍च़चि, मेन खान्‍तुचिओ अ़चुयुङ्‌खा काछित्‌चि खोक्‍कोसाआ मो तोक्‍पो छ़ङ्‌छेन्‍माओ लेन्‌तारिओ निम्‍पाङ अ़धुन्‌तारि चोक्‍माय़आ कुन्‍चियाधेक्‍धेक्‌ओहुत्‌दा म़छ़सुयुङ्‌सुचि।

खाङ्‌मुमा 14:10

निनाम्‍हाङ्‌आ अ़चुच़ऱपाओ अ़न्‍नुनु छोयाङ्‌ओ अङ्‌गुरा माङ्‌वाछाङ मोचि दुङ्‌म़मेत्‍तुचि। मोसोओ अ़तुप्‌य़ङ मोचि म़सेङ्‌याङ्‌ओ निनाम्‍हाङ काफाचि खोन्‍कि थुबाछाओ अ़चुबुदा मि खोन्‍कि गन्‍ध़क्‌दा तोक्‍पो दुखा म़प़चि।