१ थेसलोनिकि 5:21 - बान्‍तावा राई

²¹ झारा य़ङ्‌चि चिन्‍ताखानुम्‍च़म। खाक्‍को य़ङ अ़नुवाक मुयाङ, मो य़ङ लावायुङ्‌सानुम।

१ थेसलोनिकि 5:21 ပူးပေါင်းရင်းမြစ်များ

लुका 12:57

खोन्‍कि खानानिन खाक्‍को य़ङ तोङ्‌याङ निकिना आप्‍पि देकि अ़छ़ङ त़मुन्‍मिन्‌येन?

युहन्‍ना 15:4

अ़ङ्‌काएदा याआनिन, खोन्‍कि खानानिन्‌एदा अ़ङ्‌का याक्‍ङा। अ़खेक अङ्‌गुराओ अ़ताङ्‌दा अ़याक्‍निन्‌नालो मोसाआ आप्‍पि सिवा सिमा अ़ऱन, मोवात्‍निङा खानानिन अ़ङ्‌काएदा त़याइमिन्‌नालो खानानिन्‌आछाङ सिवा सिमा त़ऱन्‍मिन।

युहन्‍ना 8:31

येसुआ खोक्‍कोएदा साकोङ्‌छ़ङ कामु यहुदिचि म़लोचि, “खानानिन अ़ङ्‌चिन्‍माय़ङ्‌दा त़युङिन्‌नालो खानानिन अ़नुछ्‍या अ़ङ्‌काखेङ्‌चि ओ।

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

छाम्‍माय़ङ 17:11

मोदाओ यहुदिचि थेसलोनिकेदाओ म़नाचिदाङ्‌का ब़द्‍धे कासिम्‍नान्‍चिन म़मुवाङा। खोन्‍कि पावल्‌आ खालुसुओ निनाम्‍हाङ्‌य़ङ मोचिआ मिन्‍मा पाक्‍सा अ़एना। पावल्‌आ चिन्‍तुङुचिओ य़ङ अ़नुछ्‍या हे माआङ निकिना मोचिआ अ़लेन्‍खिन्‍तुम साम्‍कालिन अ़खिप्‍ताकि नुलोक अ़तोङ्‌साखाङा।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 12:9

सोम्‍तुक्‍मा झारा अ़छ़ङ मुने। खाक्‍को य़ङ अ़अ़त्‍पा मुयाङ, मो ऩङाछिरानुम। खाक्‍को य़ङ अ़नुवाक मुयाङ, मो मुवायुङ्‌सानुम।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

१ कोरिन्‍थि 2:11

म़नाएदा याक्‌याङ्‍ओ अ़लावाएदाङ्‌का नि साङ्‌आ म़नाओ अ़मिन्‍मा तुप्‍मा ऱ? मोवात्‍निङा निनाम्‍हाङ्‌ओ अ़चुमिन्‍मा अ़चुलावादाङ्‌का नि साङ्‌आछाङ तुप्‍मा अ़ऱन।

गलाति 6:10

खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

एफिसि 5:10

खोन्‍कि हाङ्‌पा दिसाआ अ़चुऩङानु, मो चिन्‍मान्‍चिन लामानिन।

फिलिप्‍पि 1:10

खोन्‌ओसा खानानिन्‌आ अ़नुवाक य़ङ छेन्‍मा त़ऱम्‍ने। खोन्‍किना ख्रिस्‍त म़लाताओ लेन्‌दा अ़च़क़ल़क खोन्‍कि लाहि मात्‍द़ङ्‌ओ त़लिसिन्‍ने।

फिलिप्‍पि 3:16

दि आन्‍कान निनाम्‍हाङ्‌आ खाङ्‌म़मेत्‍तायुङ्‌सा, मो नुलोक क़क्‍तुम्‌युङ्‌सुम्‍ने।

फिलिप्‍पि 4:8

देङ्‌दा ब़ब़, नाना खोन्‍कि निछाचि ओ, दि अ़छ़ङ मुयाङ, दि सायामेत्‍मायु मुयाङ, दि साम्‌योक्‍मि मुयाङ, दि सेङ्‌याङ, दि सोमा तुक्‍मायु मुयाङ, दि चोन्‍मायु मुयाङ, मोवात्‍नि दि-दिचि अ़नुवाक खोन्‍कि चोन्‍मा खान्‍तुओ म़मुयाङ्‌नालो, मो य़ङ्‌चिओ अ़तुक्‌वादा मित्‍तानुम्‍च़म।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

१ थेसलोनिकि 5:22

खोन्‍कि झारा अ़अ़त्‍पा य़ङ्‌चिदाङ्‌का अ़थाया युङानिन।

२ थेसलोनिकि 2:15

खोन्‌ओसा ब़ब़, नाना खोन्‍कि निछाचि ओ, आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङानिन, खोन्‍कि आन्‍कान्‍का लोनिओ य़ङ्‌दा माङ्‌लो आन्‍काओ छाप्‍लावादाङ्‌का खानानिन्‌आ दियाको ताया त़तोक्‍तुम्‌युङ्‌सुम, मो लावायुङ्‌सानुम।

२ तिमोथि 1:15

एसियादा कायुङ झारासा अ़ङ्‌का ऩछिराङ्‌दाङ्‌युङ्‌साङ्‌ओ खाना त़सिन्‍तुङुङा, मोचिएदाओ फुगेलस खोन्‍कि हर्मोगेनस्‌आछाङ अ़छिराङ्‌दाङ्‌युङ्‌साङ्‌च़ङ।

२ तिमोथि 3:6

देकिनालो मोचिदाओ खा-खाक्‍को खिम-खिम्‌दा म़वाङ्‌कि हेवाआ तिमुङुचिओ खोन्‍कि झाराकापाराओ मिन्‍माचिआ लाउचिओ मान्‍ऱकादा मेत्‍छामाचि म़क़म्‍तुचि।

२ तिमोथि 4:14

ताबो कादुप्‍पा अलेक्‍जेन्‍दरआ अ़ङ्‌का ब़द्‍धे अ़त्‍लो अ़मुवाङ। निनाम्‍हाङ्‌आ खो खोसाआ मुओ अ़काचिवा दन्‍दा अ़प़।

हिब्रु 10:23

आन्‍कान लोउम्‌ओ तोक्‍मामिन्‍मा ऱक़क्‍क़क्‌वा लाउम्‌युङ्‌सुम्‍ने, देकिनालो आन्‍कान काहिप सोम्‍कुवा मुमा खान्‍तुओ म़मुयाङ।

१ युहन्‍ना 4:1

सोमातुक्‍नाङ्‌नानिन्‌ओ यावाचि ओ, झारा लावाचि साकोङ्‌छ़ङ मान्‍मुदानुम्‍च़म, मेन लावाचि निनाम्‍हाङ्‌दाङ्‌का म़ताओ हे माआङ, मोचि सिन्‍मा निम्‍पाङ चिन्‍ताखानुम्‍च़म, देकिनालो सोज्‍जेओ निनाम्‍हाङ्‌य़ङ खाकालुचि ओ हेन्‍खामादा झारादात्‍नि म़खारायुङ्‌सा।

खाङ्‌मुमा 2:2

खाना त़मुचिओ य़ङ्‌चि, आम्‍काचिचि खोन्‍कि खाना देत्‍नि त़आङ्‌तुओचि अ़ङ्‌का सिन्‍तुङ्‌योङ। खोन्‍कि खाना अ़अ़त्‍पा म़नाचि आङ्‌मा त़ऱन्‍चिन, मोचि आप्‍पि ‘छाम्‍माय़ङ्‌ओचि’नि ना म़लोनान्‍चिन, मेन माआङ। खोन्‍कि खाना मोचि त़चिन्‍तुखोचिहिदा सोज्‍जेओ त़धिरुचिओ अ़ङ्‌का सिन्‍तुङ्‌योङ।

खाङ्‌मुमा 2:25

मेन खानानिन्‌एदा याक्‌याङ्‌ओ चिन्‍माय़ङ अ़ङ्‌का मान्‍बान्‌युक्‍ङाओन खानानिन नुलोक क़क्‍तायुङ्‌सानुम।

खाङ्‌मुमा 3:11

अ़ङ्‌का च़क्‍नि ताङाङा। खानानिन्‌एदा याक्‌याङ्‌ओ आम्‍नुओ साकोङ्‌छ़ङ नुलोक क़क्‍तायुङ्‌सानुम, खोन्‌ओसा खानानिन त़छोसिन्‌ओ आम्‍नुओ सिरिफा साङ्‌आछाङ अ़खात्‍तुन।

खाङ्‌मुमा 3:3

खोन्‌ओसा खानानिन दियाको चिन्‍माय़ङ त़तोक्‍तुम खोन्‍कि त़एनुम, मो मान्‍लेत्‌दानुम खोन्‍कि हेवाचिदाङ्‌का लासानिन। खानानिन त़थिन्‍तिमिन्‌नालो अ़ङ्‌का काख़पावा ताङा, खोन्‍कि खाउग़रि ताङा ओ, मोछाङ खानानिन त़सिन्‍तिमिन।