१ थेसलोनिकि 5:14 - बान्‍तावा राई

¹⁴ ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ थेसलोनिकि 5:14 ပူးပေါင်းရင်းမြစ်များ

मत्‍ति 12:20

कुङ्‌याङ्‌ओ द़ङ खोक्‍कोसाआ ऩओरुन, खोन्‍कि तुत्‍लेप्‍लेप्‌वाओ कुपिछाङ ऩसेरुन। मोवात्‍नि खोक्‍कोसाआ सोमातुक्‍मा खाङ्‌अ़मुयुङ, तोङ्‌लो छ़ङ्‌छेन्‍माय़ङ्‌आ छोमादा अ़तारुन्‍लान्‌तारि।

लुका 22:32

मेन सिमोन, आम्‍साकोङ्‌छ़ङ अ़मानिन्‍ने निकि यामात्‍नाप़नायुङ्‌ना। खोन्‍कि खाना अ़ङ्‌काएदात्‍नि त़लाकि आम्‍बुवा निछाचि फासुचि।”

छाम्‍माय़ङ 20:27

देकिनालो निनाम्‍हाङ्‌ओ झारा अ़चुमित्‍चिऩङ खानानिन खाएत्‍मा अ़ङ्‌का देङ्‌मान्‍दाङा।

छाम्‍माय़ङ 20:31

खोन्‌ओसा चाप्‍चेत्‍तानिन्‍चिन! सुम्‌कादोङ्‌तारि अ़खोलेन अ़खाखुत म़क्‌वा धान्‌याङ्‌सा अ़ङ्‌का खानानिन झारा चिन्‍नानिन्‌ओ मित्‍तायुङ्‌सानुम।

छाम्‍माय़ङ 20:35

अ़ङ्‌का खानानिन झारा य़ङ्‌चिदा मान्‍तोक्‍कादाचि आन्‍कान फामा चाअ़त्‍लो काचि मुमादोत निकिना खाङ्‌मेत्‍नायुङ्‌नानिन। हाङ्‌पा येसु म़य़ङाओ य़ङ खानानिन्‌आ मित्‍मादोत, ‘कालोक्‌चिदाङ्‌का काप़चि ब़द्‍धे आसिखा कातोक म़लि।’”

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 14:1

साकोङ्‌छ़ङ्‌दा नुलोक मान्‍पोन्‌युक्‌ओ म़ना लोआनुम, खोन्‍कि मोचिओ अ़चुमिन्‍माओ अ़तुक्‌वादा दुम मान्‍तुदानिन।

१ कोरिन्‍थि 4:14

खानानिन लेजोदा धान्‍मा निकिना अ़ङ्‌का ओ छाप्‍तुङ्‌योङ्‌ओ माआङ, मेन सोमातुक्‍तुङ्‌योङ्‌च़ङ्‍ओ अ़ङ्‌छाचिवात्‍नि खानानिन यायोक प़मा निम्‍पाङ ओ।

१ कोरिन्‍थि 8:7

मेन झारा साकोङ्‌छ़ङ कामुचिआ ओ अ़छ़ङ य़ङ ऩसिन्‍तुन। देम म़नाचि सेम्‍पोक ब़क्‍मा अ़चुओ च़माथाङ्‌मा युङायुङ्‌साओसा मोचि चामायु म़चायाङ्‌हिदा अ़नुछ्‍याङा सेम्‍पोक प़माय़ङ चामायु चोम्‍काओनि म़मिन। खोन्‍कि मोचिओ अ़चुछेन्‍खाताया मान्‍ऱओसा “अ़ङ्‌का पोप्‍ताङ”नि म़मिन।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

एफिसि 4:32

निनाम्‍हाङ्‌आ ख्रिस्‍तदा खानानिन ऩलेत्‍तिन्‌वात्‍निङा अ़क्‍छा निएदा लेत्‍मुवानिन, खोन्‍कि खानानिन अ़क्‍छा निएदा अ़नुवाक साकोङ्‌वा खोन्‍कि सोमाकातुक लिसानिन।

कलस्‍सि 1:28

ख्रिस्‍त कात़ङ झारा म़नाचि आन्‍कान्‍का निनाम्‍हाङ्‌ओ अ़चुबुदा खात्‍तुम्‌योम्‍च़म्‍काहिदा खोचि म़पोन्‍चिन्‍ने निकिना आन्‍कान्‍का झारा म़नाचि चाप्‍चेत्‌याङ्‌सा खोन्‍कि झारा खारुदा चिन्‌याङ्‌सा ख्रिस्‍तओ अ़तुक्‌वादा खालुसुम्‍का।

२ थेसलोनिकि 3:15

खोन्‍नुछाङ मोचि ङेन्‍चिवा मान्‍मित्‌दानुम्‍च़म, मेन ब़ब़ नाना निछावा यायोक पुवानुम्‍च़म।

१ तिमोथि 3:3

खाबात सेत्‍चावा खोन्‍कि ङेन कामु माआङ, मेन वाइवेत कायुङ, मान्‍खिकादा, छेन्‍बि च़क्‍ख़य़ मान्‍मुकादा मुमादोत।

१ तिमोथि 6:11

मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

२ तिमोथि 4:2

नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।

तितस 1:10

देकिनालो ब़द्‍धे म़नाचि कोङ्‌क़त्‌वा, सोज्‍जेओ दुम कालु, म़ना काधान्‌चि ओ। ओवाकोचिएदा ना अ़नुछ्‍या सिप्‍मायाम्‍बुन पाक्‍मादोत नि कायुङ्‌चि ओचिङा ओ।

तितस 1:6

साम्‍भुङ्‌दाओ ताङ्‌पा साङ्‌आछाङ ह़त्‍मा ऩऱन्‍लो लिमादोत, अ़क्‍छासो ओन्‍ङा ओ अ़खिम्‍हाङ्‌पा लिमादोत, खोसोओ अ़छाचि साकोङ्‌छ़ङ कामु खोन्‍कि अ़अ़त्‍पा च़माथाङ्‌मा मात्‍दङ्‍ओ, खोन्‍कि लोमाय़ङ काकाङ लिमादोत।

हिब्रु 12:12

खोन्‌ओसा आम्‍नुओ होत्‍तुचिओ छुक्‌चि थेन्‍तानुम्‍च़म, खोन्‍कि मान्‍ऱकादा आम्‍नुओ तुम्‍प़छ़क्‌चि म़छोलो मुवानुम्‍च़म।

हिब्रु 13:3

खानानिन्‌छाङ छेक्‍खादा मोचिएनान त़याइन्‌येन्‌वा काछेक्‌चि फासानुम्‍च़म। खोन्‍कि खानानिन्‌आछाङ दुखा त़आङ्‌तुम्‌योम्‌वा दुखादा म़छुक्‍ताओचि फासानुम्‍च़म।