१ थेसलोनिकि 4:7 - बान्‍तावा राई

⁷ देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

१ थेसलोनिकि 4:7 ပူးပေါင်းရင်းမြစ်များ

रोमि 1:7

रोम्‌दा कायुङ खानानिन झारा अ़ङ्‌का छाप्‍नाङ्‌नानिन, निनाम्‍हाङ्‌आ सोमाऩतुक्‍तिन्‌येन्‌ओचि, खानानिन निनाम्‍हाङ्‌ओ अ़चुम़नाचि लिसि ऩबुत्‍तिन्‌युङ्‌सिन: आन्‍पापा निनाम्‍हाङ खोन्‍कि हाङ्‌पा येसु ख्रिस्‍तएदाङ्‌का खानानिन्‌आ सोम्‍तुक्‍मा खोन्‍कि सेवाङ्‌नि त़तोक्‍तुम्‍ने।

१ कोरिन्‍थि 1:2

अ़ङ्‌का ओ छाप्‍लावा खानानिन कोरिन्‍थ सहरादा कायुङ निनाम्‍हाङ्‌ओ अ़चुसाम्‍भुङ्‌चिदा छाप्‍नाङ्‌नानिन। खानानिन निनाम्‍हाङ्‌आ अ़चुओ म़सेङ्‌याङ्‌ओ म़नाचि लिसि ऩबुत्‍तिन। हाङ्‌पा येसु ख्रिस्‍तओ अ़चुऩङ काबुत झारादात्‍निओ म़नाचि खोक्‍कोसाआ म़सेङ्‌सुचिओवात्‍नि खानानिन्‌छाङ ख्रिस्‍त येसुलाम्‍पा सेङ्‌लो ऩमुन्‌युङ्‌सिन। येसुङा मोचिओ खोन्‍कि आन्‍हाङ्‌पा म़युङ्‌याङ।

गलाति 5:19

पोक्‌ओ हेवामि च़माथाङ्‌माओ काचिचि छेङ्‌छेङ्‌छेङ्‌वा म़मुयाङ। मोचि ताङ्‌लान, पोप्‍मा, हात्‍मा,

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

एफिसि 4:19

मोचिओ अ़चुलेजो अ़कात्‍निन्‌ओ म़लिसायुङ्‌सा, खोन्‍कि झाराकापाराओ पोप्‍माय़ङ काचि मुमा च़क्‍ख़य़दा मोचि आप्‍पि म़लासाकि अ़चुताकावा काच़ म़लिसायुङ्‌सा।

१ थेसलोनिकि 2:3

देकिनालो आन्‍कान्‍का खानानिन लोनिओ य़ङ फेलाओ माङ्‌लो पोप्‍ताओ मित्‍चिऩङ्‌दाङ्‌का माआङ ना आन्‍कान्‍का खानानिन म़प्‍माङा लाप्‍निङ्‌निओ।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

२ पत्रुस 2:10

खा-खाक्‍कोचि अ़चुपोक मित्‍माआ म़पोप्‍नान्‍चिन, खोन्‍कि निनाम्‍हाङ्‌ओ अ़चुपाङ ऩङाअ़छित, निनाम्‍हाङ्‌आ झारादाङ्‌का मोचि अ़च़वाङ दन्‍दा म़प़चि। ओवाको सोज्‍जेओ ताया काचिन्‌चि खामान्‍सिन खोन्‍कि ऱक्‍भाक म़मु, खोन्‍किना निनाम्‍मादु कायुङ्‌चि सुङ्‌मा अ़चुक़मा अ़कात्‍निन।