१ थेसलोनिकि 4:17 - बान्‍तावा राई

¹⁷ खोन्‍किना आन्‍कान साङ-साङ ह़ङिन्‌येन खोन्‍कि ओ हेन्‍खामादा अ़ह़ङ कायुङ्‌चि नाम्‍छ़ऱदु हाङ्‌पा तुप्‍सि मोचिएनान अ़क्‍नि माक्‍मुन्‌वादा च़क्‍नि म़थेन्‌खात। खोन्‍कि अ़धुन आन्‍कान हाङ्‌पाएनान युङिन।

१ थेसलोनिकि 4:17 ပူးပေါင်းရင်းမြစ်များ

मत्‍ति 26:64

येसुआ मो अ़लासालोवा, “उवा, खानानिन्‌ङा त़य़ङिन्‌येन। मेन अ़ङ्‌का खानानिन झारा लोनानिन, हान्‌दाङ्‌का मोह्‍यात्‍नि खानानिन्‌आ म़नाओ अ़छा सावापोरि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा युङ्‌याङ्‌ओ, खोन्‍कि नाम्‍छ़ऱदुओ य़वारिदा य़याङ्‌ओ त़खाम।”

मर्कुस 14:62

खोन्‍कि येसु म़य़ङा, “अ़ङ्‌काङा ओ, खोन्‍कि खानानिन्‌आ अ़ङ्‌का म़नाओ अ़छा सावापोरि निनाम्‍हाङ्‌ओ अ़चुचुप्‍ताङ्‌छुक्‌लिप्‍पा युङ्‌ङाङाओ, खोन्‍कि नाम्‍छ़ऱदुओ य़वारिदा य़ङाङाओ मोचिआ ऩखाङ्‌ङा!”

युहन्‍ना 12:26

साङ अ़ङ्‌का ब़त्‍मास़नालो मोसाआ अ़ङ्‌का अ़त़ङ्‌ङाने, खोन्‍कि अ़ङ्‌का खादा युङ्‌ङा, अ़ङ्‌का काब़त्‌छाङ मोदाङा युङ। साङ्‌आ अ़ङ्‌का अ़ब़त्‍ङा, अ़ङ्‌पापाआ मो साया अ़मेत।

युहन्‍ना 14:3

खोन्‍कि खात्‍ङाकि अ़ङ्‌का आम्‍नुओ निम्‍पाङ युङ्‌खा चुम्‍सुङ्‌कि अ़ङ्‌का लाङाताङा। खोन्‍कि अ़ङ्‌का खानानिन खात्‍नानिन। खादा अ़ङ्‌का युङ्‌ङा, मोदा खानानिन्‌छाङ त़युङिन।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

छाम्‍माय़ङ 1:9

खोन्‍कि ओन म़य़ङाचिआकि मोचिआ येसु अ़खाङाहिदाङा निनाम्‍मादुत्‍नि निनाम्‍हाङ्‌आ अ़थेन्‍ताखात्‍ता, खोन्‍कि माक्‍मुइवाआ दिप्‍तुखात्‍तुकि मोदाङ्‌का खोक्‍को मान्‍खाङ्‌अ़दा।

छाम्‍माय़ङ 8:39

खोन्‍किना खोचि चाक्‌वादाङ्‌का बुङ्‌खादा लोन्‍ताचि, खोन्‍कि हाङ्‌पाओ अ़चुलावाआ फिलिप च़क्‍नि लाउखात्‍तु। खोन्‍कि मो अ़सावाऱक क़प्‍माय़ङ्‍आ फिलिप देम्‍खाछाङ मान्‍लाखाङ्‌दो। खोन्‍किना खो अ़ऩङानुयाङ्‌सा लाम वाङा।

१ कोरिन्‍थि 15:52

मेन आदेङ्‌ओ थुथुरि साङ्‌हिदा अ़क्‍म़प्‍च़क़क्‌दा खोन्‍कि अ़क्‍चिम़क्‌दा आन्‍कान झारा फान्‍तिन। थुथुरि साङ, खोन्‍कि म़सुवादाओचि देम्‍खाछाङ ऩलुक्‍निन्‍खात्‍निन्‌ओ म़लिकि म़खोन्‍लोन। खोन्‍किना आन्‍कान फान्‍तिन।

२ कोरिन्‍थि 5:8

आन्‍कान्‍काएदा झारा सोम्‍कुवा याक्‌याङ, हान पोक्‌दाङ्‌का फेक्‍मान्‍चिन्‌कि हाङ्‌पाएनान युङ्‌मा आन्‍कान्‍का स़न्‍का।

फिलिप्‍पि 1:23

अ़ङ्‌का ना हाक्‍हाक्‍किरा लिसाङ्‌युङ्‌साङ। हामान्‍चिन्‌कि ख्रिस्‍तएनान युङ्‌मा स़ङाङा, देकिनालो ओ ब़द्‍धे अ़नुवाक मुयाङ।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 4:15

हाङ्‌पाओ अ़चुय़ङ्‌वा आन्‍कान्‍का खानानिन लोनिङ्‌नि, आन्‍कान साङ-साङ ह़ङिन्‌येन हाङ्‌पा म़लाय़याङ्‌तारि काह़ङ, अ़नुछ्‍याङा कास़दाचिदाङ्‌का बुया अ़खारिमिन।

१ थेसलोनिकि 4:18

खोन्‌ओसा ओ य़ङ्‌चिआ अ़क्‍छा निएदा राक प़काप़ मुवानिन।

१ थेसलोनिकि 5:10

खोक्‍को म़लाय़हिदा आन्‍कान स़न्‍दान्‌नुछाङ ह़ङिन्‌येन्‌नुछाङ खोक्‍को आन्‍कान्‌एनान अ़क्‍नि युङ्‌मा निकिना हाङ्‌पा येसु आन्‍को निम्‍पाङ म़सुवा।

२ पत्रुस 3:13

मेन खोक्‍कोसोओ अ़चुहिप्‍माय़ङवात्‍नि आन्‍कान अ़ऩङ्‌वा हेन्‍खामा खोन्‍कि अ़ऩङ्‌वा निनाम्‍माओ अ़चुलाम खाम, मोदा साम्‌योक्‍मि ओन्‍ङा म़यु।

खाङ्‌मुमा 1:7

खानुम, खोक्‍को य़वारिदा म़तायाङ! खोन्‍कि झारा म़क्‌चिआ खोक्‍को अ़खाङ, साङ्‌चिआ खोक्‍को अ़धुवायुङ्‌सा, खोचिआछाङ अ़खाङ। हेन्‍खामादाओ झारा म़नाचि खोक्‍कोसोओ अ़चुतुक्‌वाआ म़खाप। उवा, मो लिलाप! मोवात्‍निङा लिने।

खाङ्‌मुमा 11:12

खोन्‍किना मो ह़वाङ्‌साआ निनाम्‍मादुङ्‌काओ ओवाको अ़क्‌तात अ़धिवाङ य़ङ अ़एनाचु, “ओदु थाङाचि!” खोन्‍कि मोचिओ अ़चुङेङ्‌चिआ म़खाङुचिहिदाङा मोचि निनाम्‍मादुत्‍नि य़वारिदा खाराचि।

खाङ्‌मुमा 12:5

मो मेत्‍छामाआ झारा रावाचि काकाराओ रोलाआ हाङ्‌काचि कामु अ़क्‍छा दुवाछा तोक्‍तु। मोसोओ अ़नुनु छा निनाम्‍हाङ्‌एदा थेन्‍ताखात्‍ता, खोन्‍कि खोक्‍कोसोओ अ़चुहाङ्‌युङ्‌खादा युङ्‌सा।