१ थेसलोनिकि 4:14 - बान्‍तावा राई

¹⁴ देकिनालो येसु म़सुवादा खोन्‍कि म़लासाखोन्‍तालोन्‍ता निकिना आन्‍कान साकोङ्‌छ़ङ मुन्‌नालो मोवात्‍निङा, येसुलाम्‍पा निनाम्‍हाङ्‌आ साङ-साङ म़सुवादाओ खोक्‍कोएदा म़तारुचि।

१ थेसलोनिकि 4:14 ပူးပေါင်းရင်းမြစ်များ

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

रोमि 14:9

देकिनालो म़सुवादाओचि खोन्‍कि काह़ङ्‌चि ह्‍वातात्‍माङ्‌सोओ अ़चुहाङ्‌पा लिमा निम्‍पाङ ख्रिस्‍त म़सुवादा खोन्‍कि म़लासाखोन्‍तालोन्‍ता।

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 4:13

ब़ब़, नाना खोन्‍कि निछाचि ओ, म़सुवादाओचिओ अ़चुतुक्‌वादा खानानिन मान्‍सिन्‍कादा त़लिसिन्‌ओ आन्‍कान्‍का अ़मिनिमिन्‍का, माङ्‌लो अ़चुतामित्‍मा मान्‍द़ङ्‍ओ म़नाचिवात्‍नि खानानिन सोखा मुमा अ़दोत्‍निन।

१ थेसलोनिकि 4:17

खोन्‍किना आन्‍कान साङ-साङ ह़ङिन्‌येन खोन्‍कि ओ हेन्‍खामादा अ़ह़ङ कायुङ्‌चि नाम्‍छ़ऱदु हाङ्‌पा तुप्‍सि मोचिएनान अ़क्‍नि माक्‍मुन्‌वादा च़क्‍नि म़थेन्‌खात। खोन्‍कि अ़धुन आन्‍कान हाङ्‌पाएनान युङिन।

२ थेसलोनिकि 2:1

हान ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍त म़य़ओ खोन्‍कि अ़क्‍नि म़कोप्‌कि खोक्‍को तुप्‍माओ अ़तुक्‌वादा आन्‍कान्‍का खानानिन लोनिङ्‌नि।

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।

खाङ्‌मुमा 14:13

खोन्‍किना निनाम्‍मादुङ्‌का ओवात्‍नि य़ङाओ अ़क्‌तात य़ङ अ़ङ्‌का एनुङ, “ओ छाप्‍तु: ओदाङ्‌का ह्‍यात्‍नि हाङ्‌पाएदा कास़चि आसिखा कातोक्‌चि ओ।” लावा म़य़ङ्‌याङ, “उवा, मोचिओ अ़चुकाचिदाङ्‌का सावा म़तोम, देकिनालो खोचिआ अ़मुवाओ य़ङ्‌दा सिरिफा म़प़चि।”