१ थेसलोनिकि 4:11 - बान्‍तावा राई

¹¹ आन्‍कान्‍का खानानिन यायोक प़निवा मान्‍खिमाङ युङानिन, खोन्‍कि आम्‍नुओ काचिदा मिन्‍मा पाक्‍तानुम, खोन्‍कि आम्‍नुओ छुक्‌आ काचि मुवाचानिन।

१ थेसलोनिकि 4:11 ပူးပေါင်းရင်းမြစ်များ

मर्कुस 13:34

ओ ना अ़क्‍छा म़नाआ अ़हारुक्‌चि अ़खिम्‌दाओ झाराकापाङ मोसाआ मुमायु काचिओ पाङ प़दाचिकि लाप्‍तिखोप काहुङ चाप्‍चाप्‍चाप्‌वा युङानि लोदाकि कोइसि खारिन्‌वात्‍नि ओ।

छाम्‍माय़ङ 18:3

मोचिओ अ़चुकाचि पावल्‌ओवात्‍निङा तित्‍खिम मुमाओसा पावल मोचिएनान्‍ङा युङाकि अ़क्‍नि काचि मुवा।

छाम्‍माय़ङ 20:35

अ़ङ्‌का खानानिन झारा य़ङ्‌चिदा मान्‍तोक्‍कादाचि आन्‍कान फामा चाअ़त्‍लो काचि मुमादोत निकिना खाङ्‌मेत्‍नायुङ्‌नानिन। हाङ्‌पा येसु म़य़ङाओ य़ङ खानानिन्‌आ मित्‍मादोत, ‘कालोक्‌चिदाङ्‌का काप़चि ब़द्‍धे आसिखा कातोक म़लि।’”

रोमि 12:11

राक्‌दा देम्‍खाछाङ देङ्‌मान्‍लादानिन, मेन हाङ्‌पा झारा साकोङ्‌वाआ ब़रानुम।

रोमि 15:20

नि म़नाचिआ नुय़ङ्‌खान खाअ़लुसाचिआओदा अ़ङ्‌का ख्रिस्‍तओ अ़चुऩङ खामान्‍लुदामा निम्‍पाङ मान्‌एन्‌अ़युक्‌ओदा नुय़ङ्‌खान खालुमानि अ़ङ्‌मिन्‍मा पाक्‍तुङ्‌युङ्‌सुङ।

१ कोरिन्‍थि 4:12

आन्‍कान्‍का आन्‍काओ छुक्‌आङा चात्‍लो काचि मुन्‌युङ्‌सिन्‍का। आन्‍कान्‍का ऩसुङ्‌तिन्‍काहिदा आसिखा प़म्‍च़म्‍का। आन्‍कान्‍का दुखा ऩप़न्‍काहिदा आन्‍कान्‍का आङ्‌तुम्‍का।

२ कोरिन्‍थि 5:9

खोन्‌ओसा आन्‍कान्‍का आन्‍काओ पोक्‌दाङा युङिन्‍काने माङ्‌लो अ़थाया युङिन्‍काने, खोक्‍कोसोओ अ़चुऩङानुमा आन्‍काओ मित्‍चिऩङ मु।

एफिसि 4:28

काख़पाआ हान्‌दाङ्‌का अ़ख़निन्‍ने, मेन खो काचि मुने। खोसोओ अ़छुक्‌आ काचि मुने, खोन्‌ओसा म़हाप्‌दिओचि प़मा ऱचिने।

१ तिमोथि 2:2

हाङ्‌चि खोन्‍कि अ़छोङ्‌छान्‌दु कायुङ हाङ्‌काचि कामुचिओ निम्‍पाङ्‌छाङ यामारानिन, खोन्‌ओसा आन्‍कान वाइवेत खोन्‍कि सेवाङ्‌निओ ह़ङ्‌म़ङ्‌आ झारा ग़रि साम्‌योक्‍मि खोन्‍कि निनाम्‍हाङ साया मेत्‍मादा ह़ङ्‌मा ऱन्‍ने।

१ तिमोथि 5:13

मोन्‌ओन्‍ङा माआङ, मोदाङ्‌का च़लोक मोचि खिम-खिम्‌दा काकोन म़लिकि सोसे लिमा म़चिन्‍नान्‍चिन। खोन्‍कि सोसे लिमा ओन्‍ङा माआङ, मेन दुम्‍कालु खोन्‍कि नि म़नाओ अ़काचिदा छुक कापाक, चेप्‍मा अ़नुनिन्‌ओ य़ङ्‌चि म़चेप।

तितस 3:14

आन्‍म़नाचिआ अ़नुवाक काचि मुमादा अ़चुमिन्‍मा अ़पाक्‍ने, खोन्‍किना अ़न्‍नुनु दोत्‌याङ्‌ओ सामाचि कोप्‍मा अ़ऱने। मोवात्‍नि म़च़नालो आन्‍म़नाचिआ सोज्‍जेओ ह़ङ्‌म़ङ ऩखाइसुन।

१ पत्रुस 3:4

आम्‍नुओ साकोङ्‌वा सिम्‍माय़ङ्‌आ खोन्‍कि सेवाङ्‌निओ लावाओ अ़लुक्‍निन्‌ओ चोङ्‌मायुआ चोङ्‌सानुम, मो निनाम्‍हाङ्‌ओ अ़चुबुदा अ़न्‍नुनु ब़द्‍धे अ़लुङ्‌ओ मुयाङ।

१ पत्रुस 4:15

मेन खानानिन साङ्‌आछाङ म़नाकासेत माङ्‌लो काख़, माङ्‌लो अ़अ़त्‍पा काचि कामु माङ्‌लो नि म़नाओ अ़काचिदा छुक कापाक्‌आवात्‍नि दुखा आङ्‌मा अ़दोत्‍निन्‍ने।