१ थेसलोनिकि 3:11 - बान्‍तावा राई

¹¹ हान आन्‍निनाम्‍हाङ पापाआङा खोन्‍कि आन्‍हाङ्‌पा येसुआ खानानिन्‌एनान आन्‍काओ तुप्‍खालाम आन्‍कान्‍का ऩहोत्‍तिन्‍प़न्‍काने।

१ थेसलोनिकि 3:11 ပူးပေါင်းရင်းမြစ်များ

मत्‍ति 6:14

खानानिन्‌आ म़नाचिओ अ़चुहेवाचि त़लेत्‍तुम्‍च़म्‌नालो निनाम्‍मादु कायुङ आम्‍नुओ पापाआछाङ आम्‍नुओ हेवाचि ऩलेत्‍तिन्‍प़न।

मत्‍ति 6:18

खोन्‍कि खानानिन मान्‍चा त़युङिन्‌येन्‌ओ म़नाचिआ ऩखान्‍ने, मेन सुकुलादा कायुङ आम्‍नुओ निनाम्‍हाङ पापाआ अ़खाङ्‌ने, खोन्‍किना खानानिन दे त़च़न्‌येन्‌ओ मो सुकुलादा काखाङ निनाम्‍मादुओ आम्‍नुओ पापाआ खानानिन सिरिफा ऩप़न।

मत्‍ति 6:26

नाम्‍छ़ऱदु कापेन छोङ्‌वाचि खानुम्‍च़म। मोचि ना बिउ म़वेत ना चा म़हेक ना चासेप्‌दा चा अ़कोप्‌कि अ़युङ, मेन निनाम्‍मादुओ आम्‍नुओ पापाआ मोचि म़चान्‍तुचि। दि खानानिन मोचिदाङ्‌का च़लोक अ़च़वाङ त़मुन्‍मिन्‌येन?

मत्‍ति 6:32

निनाम्‍हाङ मान्‍सिन्‍कादाचिआ ओ झारा सामाचि म़लामुचि। मेन निनाम्‍मादुओ आम्‍नुओ पापाआ खानानिन ओवाको झारा सामाचि दोत्‌याङ निकिना अ़सिन्‌याङ।

मत्‍ति 6:4

आम्‍नुओ मोहा प़माय़ङ सामा सुकुलादा लिने, खोन्‍किना खानानिन दे त़च़न्‌येन्‌ओ मो सुकुलादा काखाङ निनाम्‍मादुओ आम्‍नुओ पापाआ खानानिन सिरिफा ऩप़न।

मत्‍ति 6:6

मेन खानानिन यात़मारिन्‌येन्‌हिदा आम्‍नुओ खिम्‍हुत्‌दा वाङानिन, खोन्‍कि लाप्‍तिखोप खोप्‍तानुम्‌कि सुकुलादा कायुङ आम्‍नुओ पापाएदा यामारानिन, खोन्‍किना खानानिन दे त़च़न्‌येन्‌ओ मो सुकुलादा काखाङ निनाम्‍मादुओ आम्‍नुओ पापाआ खानानिन सिरिफा ऩप़न।

मर्कुस 1:3

लेक्‍लेक्‍लेक्‌वाओदा अ़क्‍छा पात्‌याङ, ‘हाङ्‌पाओ अ़चुलाम चुम्‍सानुम, खोक्‍कोसोओ अ़चुलाम्‌चि त़ऩऩवा मुवानुम्‍च़म!’”

लुका 12:30

देकिनालो हेन्‍खामादाओ निनाम्‍हाङ मान्‍सिन्‍कादाचिआ ओ झारा सामाचि म़लामुचि। मेन आम्‍नुओ पापाआ खानानिन ओवाको झारा सामाचि दोत्‌याङ निकिना अ़सिन्‌याङ।

लुका 12:32

अ़चुप्‍पा रुहुप्‌चिओ, मान्‍क़दानिन! देकिनालो निनाम्‍मादुओ आम्‍नुओ पापाआ खोक्‍कोसोओ अ़चुहाङ्‌होन खानानिन प़मा अ़चुऩङानुवायुङ्‌सा।

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

रोमि 1:3

ओ नुय़ङ्‌खान निनाम्‍हाङ्‌ओ अ़चुछा आन्‍हाङ्‌पा येसु ख्रिस्‍तओ अ़तुक्‌वादाओ। खोक्‍को म़ना म़लिसाकि दाउद हाङ्‌ओ अ़भुङ्‌दाङ्‌का म़पुक्‍तान्‍चिन।

२ कोरिन्‍थि 6:18

‘खोन्‍कि अ़ङ्‌का आम्‍नुओ पापा लिङा, खोन्‍कि खानानिन अ़ङ्‌दुवाछा छाचि खोन्‍कि अ़ङ्‌मेत्‍छाछा छाचि त़लिसिन’नि झारा सावापोरिओ निनाम्‍हाङ म़य़ङ्‌याङ।”

गलाति 1:4

आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।

कलस्‍सि 1:2

कलस्‍सेदा कायुङ निनाम्‍हाङ्‌ओ अ़चुम़नाचि खोन्‍कि ख्रिस्‍त मान्‍छित्‍माङ कात़ङ्‌युङ्‌चिएदा ओ छाप्‍लावा छाप्‍चुङ्‌चुवा। आन्‍पापा निनाम्‍हाङ्‌आ खानानिन सोम्‍तुक्‍मा खोन्‍कि सेवाङ्‌नि ऩमुन्‍ने।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 4:16

देकिनालो हाङ्‌पा अ़धिवो अ़मुक्‍माएनान, मुलो निनाम्‍हाङ काफाओ य़ङ्‌दा खोन्‍कि निनाम्‍हाङ्‌ओ अ़चुथुथुरिओ अ़ऱङ्‌माएनान निनाम्‍मादुङ्‌का म़य़, खोन्‍कि ख्रिस्‍तदा म़सुवादाओचि बुया म़खोन्‍लोन।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

२ थेसलोनिकि 3:16

हान सेवाङ्‌निओ हाङ्‌पाआ खानानिन अ़धुन खोन्‍कि झाराकापाराआ सेवाङ्‌नि ऩमुन्‍ने। हाङ्‌पा खानानिन झाराएदा म़युङ्‌ने।

२ थेसलोनिकि 3:5

हाङ्‌पाआ आम्‍नुओ साकोङ्‌वा निनाम्‍हाङ्‌ओ अ़चुसोम्‍तुक्‍मा खोन्‍कि ख्रिस्‍तओ अ़चुहुङ्‌मा नुलोक तुप्‍मादा ऩतित्‍तिन्‍ने।

१ युहन्‍ना 3:1

खानुम, निनाम्‍हाङ पापाआ आन्‍कान देम ब़द्‍धे सोमाम़तुक्‍तायुङ्‌सा! खोन्‌ओसा आन्‍कान निनाम्‍हाङ्‌ओ अ़चुछाचिनि लोमादोत, खोन्‍कि अ़नुछ्‍याछाङ ओ। हेन्‍खामादाओ म़नाचिआ आन्‍कान मान्‍सिन्‍दामाङा मोचिआ निनाम्‍हाङ मान्‍सिन्‍दामा ओ।

खाङ्‌मुमा 21:3

हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ अ़ङ्‌का एनुङ, “हान, निनाम्‍हाङ्‌ओ अ़चुयुङ्‌खा म़नाचिएनान लिसायुङ्‌सा। खोक्‍को मोचिएदा म़युङ, खोन्‍कि मोचि खोक्‍कोसोओ अ़चुम़नाचि म़लि। खोन्‍कि निनाम्‍हाङ आप्‍पि मोचिएनान म़युङ, खोन्‍कि खोक्‍को मोचिओ अ़चुनिनाम्‍हाङ म़लि।