१ थेसलोनिकि 2:19 - बान्‍तावा राई

¹⁹ आन्‍हाङ्‌पा येसु म़य़हिदा खोक्‍कोसोओ अ़चुबुदा आन्‍काओ सोम्‍कुवा खोन्‍कि आन्‍काओ ऩङानुमा माङ्‌लो सिरिफाओ तोक्‍पो लिमा खानानिन्‌ङा माआङ कि?

१ थेसलोनिकि 2:19 ပူးပေါင်းရင်းမြစ်များ

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

मर्कुस 8:38

खाक्‍को ताङ्‌लान कामु खोन्‍कि हेवामि ओ दुङ्‌दा अ़ङ्‌कादाङ्‌का खोन्‍कि अ़ङ्‌य़ङ्‌दाङ्‌का अ़लेजो कात, अ़ङ्‌का म़नाओ अ़छाओछाङ अ़चुपापाओ अ़साम्‌दा म़सेङ्‌याङ्‌ओ निनाम्‍हाङ काफाचिएनान लाय़हिदा मोएदा अ़लेजो कात।”

युहन्‍ना 21:22

येसुआ पत्रुस लासुलो, “अ़ङ्‌का अ़ताऩङ्‌तारि खो ह़ङ्‌युङ्‌नेनि अ़ङ्‌का मिन्‍ङानुछाङ खाना देकात? खाना अ़ङ्‌का त़ङ्‌ताङ।”

१ कोरिन्‍थि 15:23

मेन झाराकापाङ आ-आप्‍पिओ अ़स़वा ख्रिस्‍त झारादाङ्‌का बुया म़खोन्‍तालोन्‍ता, खोन्‍कि खोक्‍को म़लाय़हिदा खोक्‍कोसोओ अ़चुम़नाचि म़खोन्‍लोन।

१ कोरिन्‍थि 4:5

खोन्‌ओसा काइसाओ ग़रिदाङ्‌का बुया दित्‍छाङ छ़ङ्‌मान्‍छेन्‌दानिन। हाङ्‌पा म़तालो हुङानुम। दि कुइयामादा कुमायुङ्‌सा, खोक्‍कोसाआ साम्‌दा म़तारुचि खोन्‍कि म़नाचिओ अ़चुसाकोङ्‌वादाओ अ़चुमित्‍चिऩङ्‌चि खाङ्‌म़मुसुचि। मोन्‍ग़रि झारा म़नाचिआ निनाम्‍हाङ्‌एदाङ्‌का अ़चुचोन्‍मा अ़तोक।

फिलिप्‍पि 2:16

ह़ङ्‌म़ङ्‌ओ नुय़ङ्‌खान नुलोक लावायुङ्‌सानुम। मोवात्‍नि अ़ङ्‌का सोज्‍जेङा मान्‍लोत्‍ङा माङ्‌लो अ़ङ्‌का सोज्‍जेङा काचि मान्‍मुङा निकिना ख्रिस्‍तओ अ़चुलामातामा लेन्‌दा अ़ङ्‌का तोक्‍पो लिमा ऱङाने।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

१ थेसलोनिकि 2:20

देकिनालो आन्‍काओ ऩङ्‌चोन्‍मा खोन्‍कि ऩङानुमा खानानिन्‌ङा ओ।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 4:15

हाङ्‌पाओ अ़चुय़ङ्‌वा आन्‍कान्‍का खानानिन लोनिङ्‌नि, आन्‍कान साङ-साङ ह़ङिन्‌येन हाङ्‌पा म़लाय़याङ्‌तारि काह़ङ, अ़नुछ्‍याङा कास़दाचिदाङ्‌का बुया अ़खारिमिन।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

२ थेसलोनिकि 1:4

खोन्‌ओसा खानानिन्‌आ आङ्‌माय़ङ खोन्‍कि झारा दुखाचिदाओ सोम्‍कुवा मुमाय़ङ खोन्‍कि अ़चाअ़त्‍माचि खानानिन्‌आ त़आङ्‌तुम्‌योम्‌ओ अ़तुक्‌वादा तोक्‍पो लियाङ्‌सा निनाम्‍हाङ्‌ओ नि अ़चुसाम्‍भुङ्‌चि आन्‍कान्‍का खाएत्‍तुम्‍च़म्‍का।

२ थेसलोनिकि 1:7

खोन्‍कि खानानिन दुखा कातोक्‌चि आन्‍कान्‍काएनान अ़क्‍नि सावा त़तोम्‍सिन। हाङ्‌पा येसु ख्रिस्‍त अ़चुसावापोरिओ निनाम्‍हाङ काफाचिएनान लेत्‌याङ्‌ओ मिदा निनाम्‍मादुङ्‌का खाङ्‌म़मुनान्‍चिन्‌हिदा खोक्‍कोसाआ ओ अ़मु।

२ थेसलोनिकि 2:1

हान ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍त म़य़ओ खोन्‍कि अ़क्‍नि म़कोप्‌कि खोक्‍को तुप्‍माओ अ़तुक्‌वादा आन्‍कान्‍का खानानिन लोनिङ्‌नि।

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

याकुब 5:7

खोन्‌ओसा ब़ब़, नाना खोन्‍कि निछाचि ओ, हाङ्‌पा ऩलानिन्‍तानिन्‌तारि हुङायुङ्‌सानुम। खानुम, व़क काचि कामुआ अ़नुवाक अ़सिवा तोक्‍मा निकिना बुयाओ खोन्‍कि देङ्‌दाओ वामान्‍तायुक्‌ओन हुङुयुङ्‌सु।

याकुब 5:8

खानानिन्‌छाङ हुङायुङ्‌सानुम खोन्‍कि आम्‍नुओ साकोङ्‌वादा राक मुवानिन, देकिनालो हाङ्‌पाओ अ़चुतामा नेक्‌याङ।

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।

२ पत्रुस 1:16

देकिनालो आन्‍कान्‍का खानानिन आन्‍हाङ्‌पा येसु ख्रिस्‍तओ अ़चुसावा खोन्‍कि म़लातायाङ्‌ओ नुय़ङ्‌खान खाएत्‍निङ्‌निहिदा चाप्‍चाएनान मुमाय़ङ वाहिराङ्‌मित्‌चि आन्‍कान्‍का मान्‍त़ङ्‌दोम्‍च़म्‍का, मेन खोक्‍कोसोओ तोक्‍पो अ़चुसावा काखाङ आन्‍कान्‍का सालुम्‍स़ङ युङिन्‌येन्‍का।

२ पत्रुस 3:4

मोचि म़य़ङ, “खोक्‍कोसोओ अ़चुलामातामाओ हिप्‍माय़ङ खात्‍नि खारा? आन्‍दिवापाचि म़सुवादादाङ्‌काङा झारा य़ङ्‌चि हेन्‍खामा मुन्‍माय़ङ्‌ओ अ़पुङ्‌चिपुक्‌दाङ्‌काङा मोवात्‍निङा म़मुयाङ।”

१ युहन्‍ना 2:28

खोन्‍कि हान अ़चुप्‍पो सोमातुक्‍निङ्‌निओ छाचि ओ, खोक्‍कोएदा युङायाक्‍तानिन, खोन्‌ओसा खोक्‍को खाङ्‌म़मुनान्‍चिन्‌ओ ग़रि आन्‍कान राक तोक्‍तुम्‍ने, खोन्‍कि खोक्‍कोसोओ अ़चुबुदा आन्‍कान लेजोदा अ़छुक्‍तिमिन्‍ने।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।

खाङ्‌मुमा 1:7

खानुम, खोक्‍को य़वारिदा म़तायाङ! खोन्‍कि झारा म़क्‌चिआ खोक्‍को अ़खाङ, साङ्‌चिआ खोक्‍को अ़धुवायुङ्‌सा, खोचिआछाङ अ़खाङ। हेन्‍खामादाओ झारा म़नाचि खोक्‍कोसोओ अ़चुतुक्‌वाआ म़खाप। उवा, मो लिलाप! मोवात्‍निङा लिने।

खाङ्‌मुमा 22:12

येसु म़य़ङ्‌याङ “खानुम! अ़ङ्‌का च़क्‍निङा ताङाङा! झारा म़नाआ मुओवा प़मा सिरिफा अ़ङ्‌काएदा युङ्‌याङ।