१ थेसलोनिकि 2:15 - बान्‍तावा राई

¹⁵ मो यहुदिचिआङा हाङ्‌पा येसु ख्रिस्‍त खोन्‍कि निनाम्‍हाङ्‌य़ङ खाकालुचि म़सेरुचि, खोन्‍कि आन्‍कान्‍का ऩऱसिन्‍का। खोन्‍कि मोचि निनाम्‍हाङ्‌ओ अ़चुऩङाछिरालो म़चुवा, खोन्‍कि झारा म़नाचि फित्‍चि म़मेत्‍तुचि।

१ थेसलोनिकि 2:15 ပူးပေါင်းရင်းမြစ်များ

मत्‍ति 23:37

यरुसलेम, यरुसलेम, खाना निनाम्‍हाङ्‌य़ङ खाकालुचि त़सेरुचि खोन्‍कि खानाएदा छुत्‍तुङ्‌च़ङ्‌ओचि लुङ्‌ताक्‌आ त़कोउचि! देत्‍नि वामामाआ वाइछेत्‌चि अ़लाप्‌हुत्‌दा कोउचि, मोवात्‍निङा देम्‍कादु अ़ङ्‌का आम्‍छाचि कोप्‍माचिनि मिनाङ, मेन खाना त़छुन्‍ता।

मत्‍ति 27:25

झारा म़नाचिआ अ़लासालोवा, “ओसोओ अ़ह़ आन्‍कान्‍का खोन्‍कि आन्‍काओ छाचिएदा छुक्‍ने।”

मत्‍ति 5:12

मोन्‍ग़रि ऩङानुसानिन्‍चिन, खोन्‍कि छेमा काइसानिन्‍चिन, देकिनालो निनाम्‍मादु आम्‍नुओ सिरिफा तोक्‍पो युङ्‌याङ। देकिनालो खानानिन्‌दाङ्‌का बुयाओ निनाम्‍हाङ्‌य़ङ खाकालुचि मोवात्‍निङा मोचिआ म़ल़क्‍तुचिओ।

लुका 24:20

मेन मुलो काब़क्‍पाचि खोन्‍कि आन्‍कातित्‍पाचिआ खोक्‍को सेत्‍माओ दन्‍दा प़मा निकिना म़प़लाउचि खोन्‍किना खोक्‍को क्रुस्‌दा अ़ख़न्‍ता।

छाम्‍माय़ङ 12:3

खोन्‍कि ओ काचिआ यहुदि बुसुवाचिओ ब़द्‍धे अ़चुऩङानुवाओ सिन्‍तुकि खमिरा मान्‍पाक्‍माय़ङ पेम्‍पाक चामा चानुचाओ ग़रि पत्रुस्‌छाङ लाप्‍मेत्‍तुचि।

छाम्‍माय़ङ 2:23

निनाम्‍हाङ्‌आ अ़मुवाओ अ़चुमित्‍चिऩङ्‌वात्‍नि खोन्‍कि आदेङ लिओ काचि सिन्‍मा अ़चुतायालाम्‍पा ओ येसु ख्रिस्‍त खानानिन ऩप़न्‌युङ्‌सिन। मेन खानानिन्‌आ निनाम्‍हाङ्‌ओ अ़य़ङ्‌हुप्‌वा मान्‍च़कादाचिओ अ़चुछुक्‌दा येसु त़पाक्‍तुम्‍प़म्‍च़म, खोन्‍कि मोचि खोक्‍को क्रुस्‌दा ख़न्‍सेत्‍त़मेत्‍तुम्‍च़म।

छाम्‍माय़ङ 3:15

खोन्‍कि खानानिन्‌आ अ़लुक्‍निन्‌ओ ह़ङ्‌म़ङ काप़पा येसु रोमि रात्‍खामिचि सेत्‍त़मेत्‍तुम्‍च़म, मेन निनाम्‍हाङ्‌आ खोक्‍को म़सुवादाओदाङ्‌का अ़लासाखोन्‍तालोइसा। खोक्‍को म़खोन्‍तालोन्‍ताओ आन्‍काच्‍या खायुङ्‌साचुवा।

छाम्‍माय़ङ 4:10

खानानिन खोन्‍कि इस्राएल्‌दाओ झारा म़नाचिआ सिन्‍तानुम, खानानिन्‌आ क्रुस्‌दा त़ख़न्‍तुम्‍सेरुम्‌ओ नासरत्‌ओ येसु ख्रिस्‍त निनाम्‍हाङ्‌आ म़सुवादाओदाङ्‌का अ़ह़ङ्‌सालोइसा, येसुओ अ़चुऩङ्‌दा ओ म़ना नुवाकि आम्‍नुओ बुदा एप्‌याङ।

छाम्‍माय़ङ 5:30

आन्‍सुन्‍तुम्‌चिओ अ़चुनिनाम्‍हाङ्‌आ खानानिन्‌आ त़लाउम्‌कि क्रुस्‌दा त़ख़न्‍तुम्‍सेरुम्‌ओ येसु म़सुवादाओदाङ्‌का अ़लासाखोन्‍तालोइसा।

छाम्‍माय़ङ 7:52

आम्‍नुओ सुन्‍तुम्‌चिआ दुखा मान्‍प़म़दोचिओ निनाम्‍हाङ्‌य़ङ खाकालुचि साङ्‌छाङ मात्‍द़ङ्‌चि। आम्‍नुओ सुन्‍तुम्‌चिआ साम्‌योक्‍मि म़ना मसिह म़ताङाओ अ़तुक्‌वादा निनाम्‍हाङ्‌य़ङ खाकालुचि झारा म़सेरुचि। आइमित खानानिन खोक्‍को मसिह साकोङ्‌छ़ङ्‌दा त़धान्‍तुम, खोन्‍कि त़सेरुम।

१ कोरिन्‍थि 10:5

खोन्‍नुछाङ मोचिएदाओ ब़द्‍धेकापाङ्‌एनान निनाम्‍हाङ्‌ओ अ़चुऩङा मान्‍नु, खोन्‌ओसा मोचि लेक्‍लेक्‍लेक्‌वाओदा म़सुवादा।

२ कोरिन्‍थि 11:26

अ़ङ्‌का अ़दु-अ़दु अ़ङ्‌कोन्‍खादा याङ्‌वामाचिओ क़मादा, काङाप्‌चिओ क़मादा, यहुदि आप्‍पि अ़ङ्‌म़नाचिदा खोन्‍कि निरावाचिओ क़मादा छुक्‍मादोरा। मोवात्‍निङा अ़ङ्‌ह़ङ्‌म़ङ सहराओ क़मादा, लेक्‍लेक्‍लेक्‌वाओ क़मादा, धियाङ्‌वामाओ क़मादा, सोज्‍जेओ ब़ब़, नाना खोन्‍कि निछाचिएदाङ्‌काओ क़मादा छुक्‍ताङ।