१ पत्रुस 5:5 - बान्‍तावा राई

⁵ मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”

१ पत्रुस 5:5 ပူးပေါင်းရင်းမြစ်များ

लुका 22:26

मेन खानानिन आम्‍नुओ रादा ओवात्‍नि लिमा अ़नुनिन। खानानिन्‌दाङ्‌का साङ झारादाङ्‌का अ़धिवाङ मुयाङ, मो अ़चुप्‍पो म़नावात्‍नि लिने, खोन्‍कि साङ बुसुवा काचि मु, मो काब़त्‍पावाको लिने।

रोमि 12:10

अ़क्‍छा निएदा ब़ब़, नाना खोन्‍कि निछाचि सोमातुक्‍कातुक मुवानिन। खानानिन्‌दाङ्‌का च़लोक निचि साया मेत्‍तानुम्‍च़म।

रोमि 13:14

मेन हाङ्‌पा येसु ख्रिस्‍तओ अ़मात्‍ऩङ त़ङ्‌तानुम खोन्‍कि हेवामि च़माथाङ्‌माओ मित्‍माचिदा देत्‍नि सोम्‍सेत्‍मान्‍चिन्‌ओ अ़तुक्‌वादा मिन्‍मा मान्‍पाक्‍दानुम।

एफिसि 5:21

ख्रिस्‍तओ अ़चुसाऩङ्‌वादा अ़क्‍छा निओ अ़पाङ्‌दा युङानिन।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

१ तिमोथि 5:1

बुवा म़ना चाअ़त्‍लो मान्‍रेन्‍दो, मो आप्‍पि आम्‍पापावात्‍नि यायोक प़। निछा सावाछाचि आम्‍निछाचिवात्‍नि मुचि।

हिब्रु 13:17

आम्‍नुओ बुसुवाचिआ ऩलोन्‌ओवा चुवानिन, खोन्‍कि मोचिओ अ़चुपाङ्‌दा युङानिन। देकिनालो मोचिओ अ़चुकाचि खानानिन खाङ्‌मा ओ, मोचिआ निनाम्‍हाङ खाएत्‍मादोत। खोन्‌ओसा ओ काचि मोचिआ अ़चुऩङानुयाङ्‌सा अ़मुने, खोन्‍कि ह़त्‍पादा माआङ। माङ्‌नालो खानानिन नुलोक त़लिसिमिन।

याकुब 4:6

मेन खोक्‍कोसाआ अ़न्‍नुनु च़लोक सोमाम़तुक। खोन्‌ओसा साम्‍कालिन ओवात्‍नि य़ङ, “निनाम्‍हाङ्‌आ ऱफोक्‌वा, फित्‍चि अ़मु, मेन कासिम्‍नान्‍चिन्‌चि सोमाअ़तुक।”

१ पत्रुस 3:8

अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।

१ पत्रुस 4:1

ख्रिस्‍तआ अ़चुपोक्‌दा दुखा अ़आङ्‌ताओसा खानानिन्‌छाङ येसुआवात्‍नि मिनानिन। देकिनालो साङ्‌आ अ़पोक्‌दा दुखा आङ्‌तुयुङ्‌सु, मोसाआ हेवा मुमा छिरुयुङ्‌सु।

१ पत्रुस 4:5

मेन अ़ह़ङ खोन्‍कि म़सुवादाओचिओ अ़चुछ़ङ्‌काछेन निनाम्‍हाङ्‌ओ अ़चुबुदा, मोचिआ अ़मुवाओ अ़चुकाचिओ अ़तुक्‌वादा खाएत्‍मादोत।