१ पत्रुस 5:10 - बान्‍तावा राई

¹⁰ झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

१ पत्रुस 5:10 ပူးပေါင်းရင်းမြစ်များ

लुका 22:32

मेन सिमोन, आम्‍साकोङ्‌छ़ङ अ़मानिन्‍ने निकि यामात्‍नाप़नायुङ्‌ना। खोन्‍कि खाना अ़ङ्‌काएदात्‍नि त़लाकि आम्‍बुवा निछाचि फासुचि।”

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 15:5

हुङ्‌मा खोन्‍कि राक काप़ निनाम्‍हाङ्‌आ खानानिन ख्रिस्‍त येसुएनान अ़क्‌तात लिमाकि अ़क्‍छा निएदा अ़क्‍मिन्‍मादा ह़ङ्‌मा ऩप़न्‍ने।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

रोमि 9:11

खोन्‍कि काप्‍छाले छाचि तोक्‍मा बुया, मोचिआ अ़नुवाक माङ्‌लो अ़अ़त्‍पा च़मा बुयाङा, काचिआ माआङ, मेन खोक्‍कोसाआ म़बुत्‍तुचिवा निनाम्‍हाङ्‌आ म़छेन्‍तुचिओ कान्‍ने निम्‍पाङ,

रोमि 9:24

खोक्‍कोसाआ आन्‍कान्‌छाङ मो रुहुप्‌दा म़पाआ। खोक्‍कोसाआ यहुदिचि ओन्‍ङा माआङ, मेन निरावाचिछाङ म़बुत्‍तुयुङ्‌सुचि।

१ कोरिन्‍थि 1:10

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌लाम्‍पा खानानिन अ़ङ्‌का लोनाङ्‌नानिन, खानानिन झारा अ़क्‍छा निएदा तोङानिन खोन्‍कि आम्‍नुओ रादा मान्‍फेक्‍दानिन, मेन खानानिन अ़क्‍मिन्‍माओ खोन्‍कि अ़क्‍मित्‍चिऩङ्‍ओ लिसानिन।

१ कोरिन्‍थि 1:9

निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसोओ अ़चुछा आन्‍हाङ्‌पा येसु ख्रिस्‍तएनान यावायोक मुसि खोक्‍कोसाआ खानानिन ऩबुत्‍तिन।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

२ कोरिन्‍थि 4:17

देकिनालो आन्‍काओ अ़क्‍दुओ खोन्‍कि अ़चुप्‍पो अ़चाअ़त्‍माआ आन्‍काओ निम्‍पाङ तोङ्‌माखाङ्‌का अ़ऱन्‍मिन्‌ओ खोन्‍कि अ़धुन्‌ओ तोक्‍पो ऩङ्‌लोङ्‌मा चुम्‍सुयुङ्‌सुङु।

फिलिप्‍पि 4:13

साङ्‌आ अ़ङ्‌का सावा ऩप़ङा, खोक्‍कोलाम्‍पाङा अ़ङ्‌का झारा य़ङ मुमा ऱङ।

कलस्‍सि 2:7

खानानिन ऩचिन्‍तिन्‌वात्‍नि खोक्‍कोएदा आम्‍नुओ भेन नुलोक पाक्‍तानुम, खोन्‍कि खोक्‍कोएदा आम्‍नुओ ह़ङ्‌म़ङ पोइसानुम खोन्‍कि सोम्‍कुवादा काछो लिसानिन्‌किना च़लोक आलाङ काप़ लिसानिन।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

२ थेसलोनिकि 2:14

खोन्‌ओसा आन्‍कान्‍का खालुसुम्‍काओ नुय़ङ्‌खान्‌लाम्‍पा आन्‍हाङ्‌पा येसु ख्रिस्‍तओ अ़चुऩङ्‌चोन्‍मा खानानिन्‌आछाङ तोक्‍तानुम निम्‍पाङ खोक्‍कोसाआ खानानिन ऩबुत्‍तिन।

२ थेसलोनिकि 2:17

आम्‍नुओ साकोङ्‌वादा राक ऩप़न्‍ने। खोन्‍कि खोक्‍कोएदाङ्‌काओ झारा अ़नुवाक काचि खोन्‍कि य़ङ्‌चिदा खानानिन्‌आ राक खोन्‍कि सावा तोक्‍तानुम।

२ थेसलोनिकि 3:3

मेन निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसाआ लावामि सावा ऩप़न, खोन्‍कि अ़अ़त्‍पादाङ्‌का ऩरात्‍तिन।

१ तिमोथि 6:12

साकोङ्‌छ़ङ्‌ओ अ़नुवाक ङेन मुवा। अ़लुक्‍निन्‌ओ ह़ङ्‌म़ङ लाउयुङ्‌सु। ओ य़ङ्‌दाङा खाना निनाम्‍हाङ्‌आ ऩबुत्‍ताओ, खाना ब़द्‍धे सालुम्‍स़ङ्‌चिओ अ़चुबुदा साकोङ्‌छ़ङ्‌ओ अ़नुवाक सालुम्‍स़ङ त़प़चिओ।

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

हिब्रु 9:15

खोन्‌ओसा खोक्‍को निनाम्‍हाङ खोन्‍कि म़नाओ अ़चुरादाओ अ़ऩङ्‌वा य़ङ्‌छ़ङ कातुम म़मुयाङ। मोवात्‍नि म़बुत्‍तुचिओचिआ निनाम्‍हाङ्‌आ म़हिप्‍तुचिओ अ़धुन्‌ओ आसिखाचि तोक्‍मा अ़ऱ। देकिनालो बुयाओ य़ङ्‌छ़ङ्‌दा मोचिआ अ़फिसाओ हेवाओ दन्‍दादाङ्‌का फोङ्‌सि येसु म़सुवाचिआयुङ्‌सा।

१ पत्रुस 1:15

मेन खानानिन काबुत सेङ्‌लो म़मुयाङ्‌वा खानानिन्‌छाङ झारा आम्‍नुओ च़माथाङ्‌मादा सेङानिन।

१ पत्रुस 4:10

झारासा दियाको सावा त़तोक्‍तुम्‌युङ्‌सुम, अ़नुवाक कातोङ्‌पावा निनाम्‍हाङ्‌ओ अ़चुसोमातुक्‍माओ अ़खाला-अ़खालाओ अ़चुआसिखा अ़क्‍छा निएदा मो नुलोक याङानुम।

१ पत्रुस 4:11

साङ चेप्‌नालो निनाम्‍हाङ्‌ओ अ़चुय़ङ खालुसिन्‌वा चेप्‍ने। काब़त निनाम्‍हाङ्‌आ प़माय़ङ्‌ओ सावालाम्‍पा ब़रुने। ओवात्‍नि झारा य़ङ्‌दा येसु ख्रिस्‍तलाम्‍पा निनाम्‍हाङ्‌ओ अ़चुऩङ चोन्‍ने। तोक्‍पो सावा खोन्‍कि अ़चुऩङ्‌चोन्‍मा अ़धुन-अ़धुन्‌तारि खोक्‍कोसोओ लियुङ्‌ने। मोवात्‍निङा लिने!

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

१ युहन्‍ना 2:25

खोन्‍कि येसुआ आन्‍कान दि म़हिप्‍ताओ, मो अ़लुक्‍निन्‌ओ ह़ङ्‌म़ङ ओ।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।