१ पत्रुस 4:9 - बान्‍तावा राई

⁹ छुऩङ्‌वा मान्‍मुमाङ अ़क्‍छाआ नितावाङ्‌चि ब़रानुम्‍च़म।

१ पत्रुस 4:9 ပူးပေါင်းရင်းမြစ်များ

रोमि 12:13

निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

रोमि 16:23

अ़ङ्‌का गायस्‌ओ अ़खिम्‌दा युङ्‌ङाङा, खोन्‍कि खोसाआ सेवा ऩछोक्‍तिन्‌येन, खोन्‍कि झारा साम्‍भुङ्‌चि अ़खिम्‌दा म़कोप। सहरादाओ याङ कायुङ इरास्‍तस खोन्‍कि आन्‍निछा क्‌वार्तस्‌आ खानानिन सेवा ऩछोक्‍तिन्‌येन। [

२ कोरिन्‍थि 9:7

झारा म़नाआ अ़साकोङ्‌वादा अ़छ़ङ मुओवा प़ने, अ़ऩङाछित्‍सा माआङ ना राकाङ्‌थेत्‍नि। देकिनालो अ़ऩङानुयाङ्‌सा काप़ निनाम्‍हाङ्‌आ सोमाअ़तुक।

फिलिप्‍पि 2:14

छुऩङ्‌वा माङ्‌लो दुम मान्‍तुमाङ झारा य़ङ मुयाङ्‌सा खारानिन।

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

तितस 1:8

खोक्‍को तावाङ्‌चि साऩङ्‌वा कामेत खोन्‍कि अ़नुवाक य़ङ ऩङाकानु खोन्‍किना अ़खारु च़ङ्‌तुकि काचि कामु, अ़नुवाक काचि कामु, निनाम्‍हाङ कामित खोन्‍कि आप्‍पि क़म्‍मान्‍चिन काऱ लिमादोत।

फिलेमोन 1:14

मेन खाना मान्‍काङ्‌माङ ओवात्‍नि च़मा नुलोक मान्‍लुङा, देकिनालो खाना अ़नुवाक काचि मुमा राकाङ्‌थेत्‍नि अ़लिनिन्‍ने, मेन आम्‍ताकावा लिने।

हिब्रु 13:16

नुलोक च़मा खोन्‍कि खानानिन्‌एदा युङ्‌याङ्‌ओ निचिएदा हामा मान्‍मान्‍केदानुम, देकिनालो ओवाको हेन्‍खोक्‌वाचिआ निनाम्‍हाङ्‌ओ अ़चुऩङानु।

हिब्रु 13:2

प़न्‍था काकोत्‌चि ब़त्‍मा ऩङामान्‍छित्‌दानुम्‍च़म। ओवात्‍निङा खा-खाक्‍कोचिआ मान्‍सिन्‍माङ निनाम्‍हाङ काफाचि साऩङ्‌वा म़मेत्‍तुयुङ्‌सुचि।

याकुब 5:9

ब़ब़, नाना खोन्‍कि निछाचि ओ, अ़क्‍छा निओ अ़देङ्‌सालाप्‍पादा छुऩङ्‌वा मान्‍मुदानिन। माङ्‌लोना खानानिन छ़ङ्‌छेन्‍मादा त़छुक्‍तिन। खानुम, छ़ङ्‌काछेन आम्‍नुओ लाप्‍तिखोप्‌दाङा म़एप्‌याङ!