१ पत्रुस 4:14 - बान्‍तावा राई

¹⁴ ख्रिस्‍तओ अ़चुऩङ्‌दा खानानिन ऩसुङ्‌तिन्‌नालो खानानिन आसिखा कातोक ओ! देकिनालो निनाम्‍हाङ्‌ओ साम्‍स़रिओ अ़चुलावा खानानिन्‌एदा म़याक।

१ पत्रुस 4:14 ပူးပေါင်းရင်းမြစ်များ

मत्‍ति 5:11

खानानिन अ़ङ्‌का कात़ङ्‌चिओसा म़नाचिआ खानानिन ऩसुङ्‌तिन खोन्‍कि ऩल़क्‍तिन खोन्‍कि सोज्‍जेओ चेप्‌याङ्‌सा आम्‍नुओ देङ्‌सालाप्‍पादा झाराकापाराओ अ़त्‍लो ऩलोन्‌नालो खानानिन आसिखा कातोक्‌चि ओ।

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

लुका 6:22

अ़ङ्‌का म़नाओ अ़छा त़त़ङ्‌ङाङाऩङ्‌ओसा म़नाचिआ खानानिन ऩङाऩछिरिन, ऩलोइसिन्‍खाइसिन, ऩसुङ्‌तिन खोन्‍कि खानानिन अ़अ़त्‍पा म़ना निकिना ऩलोक्‍नानिमिन्‌नालो खानानिन आसिखा कातोक्‌चि ओ।

युहन्‍ना 15:21

मोचिआ ओ झारा काचिचि अ़ङ्‌ऩङ्‌ओ अ़तुक्‌वाआ खानानिन ऩमुन, देकिनालो मोचिआ अ़ङ्‌का काछुत ऩसिन्‍तुन।

युहन्‍ना 8:48

यहुदिचिआ खोक्‍को अ़लासालोवा, “खाना सामरि ओ, खोन्‍कि खाना चाकावालावाआ त़लावायुङ्‌सा निकिना आन्‍कान्‍का य़ङिन्‍काओ ना अ़नुछ्‍याङा ओ!”

युहन्‍ना 9:28

खोन्‍किना मोचिआ खो यासान्‍सा अ़लोवा, “खानाए खोक्‍कोसोओ अ़चुकाखेङ्‌पा ओ, मेन आन्‍कान्‍का ना निनाम्‍हाङ्‌य़ङ खाकालु मोसाओ अ़काखेङ्‌पाचि ओ!

युहन्‍ना 9:34

मोचिआ खो अ़लासालोवा, “खाना ना अ़नुछ्‍याङा हेवादा त़लिसाओ, खोन्‍कि दि खाना आन्‍कान्‍का चिन्‍मा त़लाप्‍निङ्‌नि ओ?” खोन्‍किना मोचिआ मो यावायोक्‍खिम्‌दाङ्‌का बुङ्‌खाया अ़लोइसाखाइसा।

छाम्‍माय़ङ 13:45

मेन यहुदि बुसुवाचिआ म़ना मुक्‍लाचि म़खाचिहिदा मोचि च़लोक ऩङ्‌च़ म़मुवा, खोन्‍कि पावल चेवाङाओ य़ङ्‍ओ अ़देङ्‌सालाप्‍पादा याअ़सान्‍ता।

छाम्‍माय़ङ 18:6

मेन यहुदिचिआ पावल ऩङाअ़छिरा, खोन्‍कि अ़सुङ्‌ता। खोसाआ अ़तित धाम्‍सुधान्‍तुकि मोचि लोचि, “निनाम्‍हाङ्‌एदाङ्‌का ताओ दन्‍दा खानानिन्‌ङा त़सिन्‍तिन! अ़ङ्‌का दित्‍छाङ अ़सिन्‍ऩङ! हान्‌दाङ्‌का अ़ङ्‌का निरावाचिएदा खात्‍ङा!”

छाम्‍माय़ङ 28:22

मेन आन्‍कान्‍का आम्‍मिन्‍माचि एन्‍मा स़न्‌येन्‍का, देकिनालो ओ साम्‌योक रुहुप्‌ओ अ़तुक्‌वाओ अ़देङ्‌सालाप्‍पादा झारादात्‍नि म़नाचि म़चेप्‌याङ्‍ओ आन्‍कान्‍का सिन्‍तुम्‌योम्‍का।”

छाम्‍माय़ङ 5:41

खोन्‍किना छाम्‍माय़ङ्‌चि येसुओ अ़चुऩङ्‌दा साया ऩपेप्‍तिन्‍काओ आङ्‌मा अ़खान्‍तिन्‍काओ लिसिन्‌युङ्‌सिन्‍का निकिना अ़चुऩङानुयाङ्‌सा धियायोक्‍खादाङ्‌का बुङ्‌खाया म़लोन्‍ताखारा।

२ कोरिन्‍थि 12:10

खोन्‌ओसा ख्रिस्‍तओ निम्‍पाङ अ़ङ्‌मान्‍ऱदामाचिदा, सुङ्‌माचिदा, चाअ़त्‍लो लिमाचिदा, दुखा प़माय़ङ्‌चिदा, हाप्‍मादिमाचिदा अ़ङ्‌का अ़ङ्‌सोम्‍सेत्‍ङान्‍च़ङ। देकिनालो खाउग़रि अ़ङ्‌का अ़ऱऩङ, मोन्‍ग़रि अ़ङ्‌का सावापोरि मुङा।

२ कोरिन्‍थि 4:10

येसुओ अ़चुह़ङ्‌म़ङ आन्‍काओ पोक्‌दा दात्‍ने निकिना आन्‍कान्‍का खोक्‍कोसोओ अ़चुस़मा अ़धुन आन्‍काओ पोक्‌दा खुयुम्‍लुक्‍तुम्‍का।

२ कोरिन्‍थि 4:16

खोन्‌ओसा देम्‍खाछाङ आन्‍काओ राक अ़स़निन। आन्‍काओ बुङ्‌खालिप्‍पाओ पोक लुक्‌याङ्‌सा खात्‌याङ, खोन्‍नुछाङ आन्‍काओ लावामि ह़ङ्‌म़ङ अ़लेन्‍खिन्‍तुम अ़ऩङ्‌वा लियाङ्‌सा खात्‌याङ।

गलाति 1:24

खोन्‍कि अ़ङ्‌का फान्‍ताङ्‍ओदा मोचिआ निनाम्‍हाङ अ़लोङ्‌सा।

हिब्रु 11:26

मिस्र हेन्‍कोप्‌दाओ चासुम्‍छेन्‍बिदाङ्‌का ख्रिस्‍तओ निम्‍पाङ सुङ्‌लुमा मोसाआ तोक्‍पो अ़लुङ्‌ओ चासुम्‍छेन्‍बिनि मित्‍तु। देकिनालो ओ खोसाआ सिरिफादात्‍नि खा।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

याकुब 5:11

खानानिन त़सिन्‍तुम्‌योम, काहुङ्‌चि आन्‍कान आलाङ्‌मिओनि लोम्‍च़म। खानानिन्‌आ अय्‍युब्‌ओ अ़हुङ्‌माय़ङ खोन्‍कि हाङ्‌पाओ अ़चुमित्‍चिऩङ त़एनुम्‌युङ्‌सुम। आदेङ हाङ्‌पाआ देत्‍नि नुलोक अ़मुवा मो त़सिन्‍तुम्‌योम। देकिनालो हाङ्‌पा अ़न्‍नुनु नुलोक कामित खोन्‍कि सोमाकातुक म़मुयाङ।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 3:14

मेन अ़नुछ्‍या साम्‌योक्‍मिओ निम्‍पाङ्‌छाङ दुखा आङ्‌मादोत्‌नालो खानानिन देम आसिखा कातोक ओ। मोचिएदाङ्‌का मान्‍क़दानिन ना आन्‍नुओ मिन्‍माङा स़ने।

१ पत्रुस 3:16

मेन मो सिम्‍नान्‍चिन्‍सा खोन्‍कि साऩङ्‌वाएनान मुवानुम। आम्‍नुओ छेन्‍खाताया सेङ्‌लो मुवानुम, खोन्‌ओसा आम्‍नुओ देङ्‌सालाप्‍पादा सुङ्‌याङ्‌सा काचेप खोन्‍कि ख्रिस्‍तदाओ आम्‍नुओ च़माथाङ्‌मादा रुकाफोक्‌चि लेजोदा म़छुक्‍ने।

१ पत्रुस 4:16

मेन साङ ख्रिस्‍तियान लिकि दुखा आङ्‌तुङुनालो मोसोओ अ़लेजो अ़कात्‍निन्‍ने। मेन म़नाचिआ ख्रिस्‍तओ अ़चुऩङ्‌लाम्‍पा खानानिन ऩबुत्‍तिन्‌ओदा निनाम्‍हाङ्‌ओ अ़चुऩङ चोन्‍तानुम।

२ पत्रुस 2:2

खोन्‍कि ब़द्‍धेकापाङ्‌आ मोचिओ अ़चुअ़अ़त्‍पालाम अ़त़ङ, खोन्‍किना मो सोज्‍जेओ काचिन्‍चिओसा म़नाचिआ अ़छ़ङ लाम अ़सुङ।