१ पत्रुस 3:8 - बान्‍तावा राई

⁸ अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।

१ पत्रुस 3:8 ပူးပေါင်းရင်းမြစ်များ

मत्‍ति 18:33

अ़ङ्‌का खाना सोमायोक्‍नावात्‍निङा खानाछाङ आम्‌यावा हारुक सोमायोक्‍मा मान्‍दोत्‌याङ?’

लुका 10:33

मेन अ़क्‍छा सामरि मो लाम खाराङाहिदा मो म़ना युङाङाओदा तादिसा, खोन्‍कि मो खाकि खोसोओ अ़सोम तुआ।

छाम्‍माय़ङ 2:1

पेन्‍तिकोस्‌नि अ़लोवाङाओ यहुदिचिओ अ़चुचानुचाओ लेन ताहिदा हाङ्‌पा येसुएदा साकोङ्‌छ़ङ कामुचि अ़क्‌तेप्‌दा म़कोवान्‍चिन।

छाम्‍माय़ङ 27:3

अ़माङ्‌कोलेन आन्‍कान्‍का सिदोन सहरादा तान्‍लान्‍का। कप्‍ताना युलियस्‌आ पावल सोमातुक्‍तुकि अ़यावाचि तुप्‍सि खात्‍ने खोन्‍कि खो दोत्‌याङ्‌ओ सामाचि अ़प़ने निकिना खो अ़वाखाम प़।

छाम्‍माय़ङ 28:7

आन्‍कान्‍का लोन्‍तिन्‍काओ मो खाम्‍दाक्‌ओ अ़च़क्‌दा अ़धुवाताङ पब्‍लियस अ़ऩङ मुवाङाओसो अ़व़क छुक्‍ताङा। खोसाआ आन्‍कान्‍का सोमाअ़तुक्‍तिन्‍काकि अ़खिम्‌दा साऩङ्‌वा अ़मेत्‍तिन्‍का खोन्‍कि सुम्‌कालेन्‌तारि तावाङ अ़मुन्‍काकि आन्‍काओ ऩङाअ़नुसिन्‍का।

छाम्‍माय़ङ 4:32

साकोङ्‌छ़ङ कामुचि झारा अ़क साकोङ्‌वा खोन्‍कि अ़क मिन्‍मा म़लिसायुङ्‌सा, खोन्‍कि मोचिएदा युङाङाओ अ़चुचासुम्‍छेन्‍बिचि “अ़ङ्‌को ओन्‍ङा”नि मान्‌य़ङ्‌याङ्‌चि। मेन मोचि झारासोओ अ़चुचासुम्‍छेन्‍बिचि अ़क्‍छा निएदा म़हासुङुचि।

रोमि 12:10

अ़क्‍छा निएदा ब़ब़, नाना खोन्‍कि निछाचि सोमातुक्‍कातुक मुवानिन। खानानिन्‌दाङ्‌का च़लोक निचि साया मेत्‍तानुम्‍च़म।

रोमि 15:5

हुङ्‌मा खोन्‍कि राक काप़ निनाम्‍हाङ्‌आ खानानिन ख्रिस्‍त येसुएनान अ़क्‌तात लिमाकि अ़क्‍छा निएदा अ़क्‍मिन्‍मादा ह़ङ्‌मा ऩप़न्‍ने।

१ कोरिन्‍थि 1:10

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌लाम्‍पा खानानिन अ़ङ्‌का लोनाङ्‌नानिन, खानानिन झारा अ़क्‍छा निएदा तोङानिन खोन्‍कि आम्‍नुओ रादा मान्‍फेक्‍दानिन, मेन खानानिन अ़क्‍मिन्‍माओ खोन्‍कि अ़क्‍मित्‍चिऩङ्‍ओ लिसानिन।

१ कोरिन्‍थि 12:26

अ़क्‌तात पोक्‍फुत तुक्‌नालो झारासा अ़क्‍नि आङ्‌मादोत, अ़क्‌तात पोक्‍फुत्‌ओ अ़साऩङ्‌वा लिनालो झारा पोक्‍फुत अ़क्‍नि अ़चुऩङाम़नुनान्‍चिन।

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

एफिसि 4:31

झारा ख़क्‍लेप्‍पा य़ङ, माइसुङ, च़ऱपा, काचेङ्‌वा, सुङ्‌मा खोन्‍किना झाराकाखालाओ ऩङ्‌च़ छिरानुम।

एफिसि 4:32

निनाम्‍हाङ्‌आ ख्रिस्‍तदा खानानिन ऩलेत्‍तिन्‌वात्‍निङा अ़क्‍छा निएदा लेत्‍मुवानिन, खोन्‍कि खानानिन अ़क्‍छा निएदा अ़नुवाक साकोङ्‌वा खोन्‍कि सोमाकातुक लिसानिन।

फिलिप्‍पि 2:3

देम्‍खाछाङ आप्‍पि खानानिन खाङ्‌मान्‍चिन माङ्‌लो तोक्‍पो लिमाओ निम्‍पाङ देत्‍छाङ माच़दानिन, मेन सिम्‍नान्‍चिन्‍सा निचि खानानिन आप्‍पिदाङ्‌का अ़धिवा मित्‍तानुम्‍च़म।

फिलिप्‍पि 3:16

दि आन्‍कान निनाम्‍हाङ्‌आ खाङ्‌म़मेत्‍तायुङ्‌सा, मो नुलोक क़क्‍तुम्‌युङ्‌सुम्‍ने।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

हिब्रु 13:1

बुवा निछा नाना खोन्‍कि निछामावा अ़क्‍छानिेएदा सोमातुक्‍कातुक मुवायुङ्‌सानिन।

याकुब 2:13

देकिनालो साङ्‌आ सोमातुक्‍मा खाङ्‌मान्‍मुयुक्‍तु, निनाम्‍हाङ्‌आ खो छ़ङ्‌अ़छेन्‌हिदा सोमा ऩतुक्‍तुन। मेन सोमातुक्‍मा छ़ङ्‌छेन्‍माएदा छो।

याकुब 3:17

मेन निनाम्‍मादुङ्‌का य़ओ खारु बुयाङा अ़च़क़ल़क खोन्‍कि मो तोङ्‌मा काऱ मु, हुङ्‌मा काऱ मु, लोमावा काकाङ मु, सोमाकातुक मु, अ़नुवाक सिवा कासि मु, लिप्‍पा मान्‌वाङ्‌कादा मु खोन्‍कि कोङ्‌क़त्‌वा अ़मुनिन।

याकुब 5:11

खानानिन त़सिन्‍तुम्‌योम, काहुङ्‌चि आन्‍कान आलाङ्‌मिओनि लोम्‍च़म। खानानिन्‌आ अय्‍युब्‌ओ अ़हुङ्‌माय़ङ खोन्‍कि हाङ्‌पाओ अ़चुमित्‍चिऩङ त़एनुम्‌युङ्‌सुम। आदेङ हाङ्‌पाआ देत्‍नि नुलोक अ़मुवा मो त़सिन्‍तुम्‌योम। देकिनालो हाङ्‌पा अ़न्‍नुनु नुलोक कामित खोन्‍कि सोमाकातुक म़मुयाङ।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:17

झारा म़नाचि साया मेत्‍तानुम्‍च़म। साकोङ्‌छ़ङ कामु ब़ब़, नाना खोन्‍कि निछाचि सोमातुक्‍तानुम्‍च़म। निनाम्‍हाङ कित्‍तानुम। हाङ साया मेत्‍तानुम।

१ पत्रुस 5:5

मोवात्‍निङा सावाछाचि ओ, ताङ्‌पाचिओ अ़चुक़म्‍मादा युङानिन। खानानिन झारा सिम्‍सानिन्‍चिन्‌कि अ़क्‍छा निएदा फाकाफा मुवानिन, देकिनालो, “निनाम्‍हाङ्‌आ ऱक्‍भाक्‌चि फित्‍चि म़मुचि, मेन कासिम्‍नान्‍चिन्‌चि खोक्‍कोसाआ सोमाम़तुक्‍तुचि।”

२ पत्रुस 1:7

साम्‌योक्‍मिदा साकोङ्‌छ़ङ कामुचि सोम्‌योक्‍मा, साकोङ्‌छ़ङ कामुचि सोम्‌योक्‍मादा सोम्‍तुक्‍मा तेप्‍तानुम।

१ युहन्‍ना 3:14

आन्‍कान सिन्‍तुम्‌योम, आन्‍कान स़मादाङ्‌का ह़ङ्‌म़ङ्‌दा सोत्‍तिन्‌युङ्‌सिन्‍चिन, देकिनालो आन्‍कान ख्रिस्‍तियान यावाचि सोमातुक्‍तुम्‌योम्‍च़म। साङ खासोमाअ़तुक्‍निन, मो स़मादा याक।