१ पत्रुस 3:21 - बान्‍तावा राई

²¹ ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

१ पत्रुस 3:21 ပူးပေါင်းရင်းမြစ်များ

मत्‍ति 28:19

खोन्‌ओसा खारानिन, खोन्‍कि झारा रावाचि काखेङ मुवानुम्‍च़म, निनाम्‍हाङ पापा, अ़चुछा खोन्‍कि सेङ्‌लावाओ अ़चुऩङ्‌दा मोचि बप्‍तिस्‍मा पुवानुम्‍च़म।

मर्कुस 16:16

खा-खाक्‍को साकोङ्‌छ़ङ म़मुकि बप्‍तिस्‍मा म़लोक मोचि म़लेन, मेन खा-खाक्‍को साकोङ्‌छ़ङ ऩमुनिन मोचि निनाम्‍हाङ्‌आ म़ह़त्‍तुचि।

युहन्‍ना 13:9

सिमोन पत्रुस्‌आ खोक्‍को लो, “हाङ्‌पो, खोन्‍नालो ना अ़ङ्‌लाङ्‌थेम ओन्‍ङा माआङ, अ़ङ्‌छुक खोन्‍कि अ़ङ्‌ताङ्‌छाङ वास़त्‍ताङ्‌पुवाङ्‌ऩङ!”

छाम्‍माय़ङ 16:33

खोन्‍कि मो खाखुत्‌ङा खोसाआ मोचि खात्‍तुचिकि अ़चुखोवाचि वास़त्‍तुप़चि। खोन्‍किना खोसोओ झारा अ़खिम्‌दाओचिआ मोन्‍ग़रिङा बप्‍तिस्‍मा म़लोआ।

छाम्‍माय़ङ 2:38

खोन्‍कि पत्रुस्‌आ मोचि लासुलोचि, “खानानिन झारा आम्‍नुओ हेवाचिदाङ्‌का लासानिन्‌कि येसु ख्रिस्‍तओ अ़चुऩङ्‌दा बप्‍तिस्‍मा लोआनिन, खोन्‍कि आम्‍नुओ हेवाचि लेत्‍लुवानिन। खोन्‍नालो सेङ्‌लावा मोहाङा त़तोक्‍तुम।

छाम्‍माय़ङ 22:16

खोन्‍कि हान दि त़हुङुम? पुवालोन्‍तानिन्‌कि हाङ्‌पा येसुएदा साकोङ्‌छ़ङ मुवानिन्‌कि बप्‍तिस्‍मा लोआनिन। खोन्‍कि आम्‍नुओ हेवाचि सेङ्‌प़लुवानिन।’

छाम्‍माय़ङ 8:36

खोन्‍कि खोचि लाम्‌दा खाराङाचिहिदाङा अ़क्‍चित चाक्‌वा याआङाओदा तालाचि, खोन्‍कि मो अ़सावाऱक क़प्‍माय़ङ्‍आ फिलिप लो, “खा-खानुम, ओदा चाक्‌वा याक्‌याङ। अ़ङ्‌का बप्‍तिस्‍मा लोक्‍मा दिसाआ अ़छेक्‍ङा कि?” [

छाम्‍माय़ङ 8:37

फिलिप्‌आ खो लासु लो, “आम्‍साकोङ्‌वा हुत्‌याङ्‌का येसु ख्रिस्‍तएदा साकोङ्‌छ़ङ त़मुनालो खाना बप्‍तिस्‍मा लोक्‍मा त़ऱ।” अ़सावाऱक क़प्‍माय़ङ्‍आ लो, “येसु ख्रिस्‍त निनाम्‍हाङ्‌ओ अ़चुछा ओ निकिना अ़ङ्‌का साकोङ्‌छ़ङ मुङा।”]

रोमि 5:14

खोन्‍नुछाङ, आदम्‌दाङ्‌का निनाम्‍हाङ्‌य़ङ खाकालु मोसातारिओ झारा म़नाचिएदा स़मा हाङ मुवा, मेन आदम चुवावात्‍नि मोचिआ निनाम्‍हाङ्‌ओ अ़चुलोमाय़ङ अ़काक्‍ताकि हेवा मान्‍मुचि। आदम आदेङ काता ख्रिस्‍तओ अ़मात्‍ऩङ्‌ओ अ़फान म़लिसा।

१ कोरिन्‍थि 12:13

अ़क्‌तात सेङ्‌लावालाम्‍पाङा आन्‍कान झारासा अ़क्‌तात पोक्‌दा बप्‍तिस्‍मा तोक्‍तुम्‌युङ्‌सुम, यहुदि माङ्‌लो ग्रिक, हारुक माङ्‌लो फोङ्‌माय़ङ, आन्‍कान झारा अ़क्‌तात सेङ्‌लावा म़पाक्‍तापुवायुङ्‌सा।

१ कोरिन्‍थि 4:6

हान, ब़ब़, नाना खोन्‍कि निछाचि ओ, अ़ङ्‌का खानानिन “तोङ-तोङ्‌लो य़ङ्‌हुप्‌वा च़मादोत”नि छाप्‍ताओ य़ङ तुप्‍मेत्‍माओ निम्‍पाङ अपोल्‍लोस खोन्‍कि अ़ङ्‌को अ़मात्‍ऩङ प़नायुङ्‌नानिन। ओवात्‍नि अ़क्‍छालिप्‍पा वाङ्‌माकि नि ऩङाछित्‍मा काचि अ़नुवाक माआङ।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

गलाति 3:27

देकिनालो खानानिन्‌एदाओ देम्‍पाङ्‌साआ ख्रिस्‍तदा बप्‍तिस्‍मा त़लोउम, खानानिन झारासाआ अ़ऩङ्‌वा तित त़हुम्‍सिन्‌येन्‌वा ख्रिस्‍तवाको त़लिसिन्‌युङ्‌सिन।

एफिसि 5:26

खोक्‍कोसाआ साम्‍भुङ अ़च़क़ल़क मुमा निम्‍पाङ चाक्‌वाआ वाअ़स़कि निनाम्‍हाङ्‌य़ङ्‌लाम्‍पा सेङ्‌मा अ़ऱने,

कलस्‍सि 2:12

खानानिन बप्‍तिस्‍मा त़लोइन्‌हिदा ख्रिस्‍तएनान अ़क्‍नि त़खुम्‍तिन्‌ओसा, खानानिन्‌छाङ ख्रिस्‍तएनान अ़क्‍नि ऩह़ङ्‌सिन देकिनालो म़सुवादाओदाङ्‌का ख्रिस्‍त काह़ङ्‌लोन निनाम्‍हाङ्‌ओ अ़चुसावादा खानानिन्‌आ साकोङ्‌छ़ङ त़मुन।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

१ तिमोथि 6:12

साकोङ्‌छ़ङ्‌ओ अ़नुवाक ङेन मुवा। अ़लुक्‍निन्‌ओ ह़ङ्‌म़ङ लाउयुङ्‌सु। ओ य़ङ्‌दाङा खाना निनाम्‍हाङ्‌आ ऩबुत्‍ताओ, खाना ब़द्‍धे सालुम्‍स़ङ्‌चिओ अ़चुबुदा साकोङ्‌छ़ङ्‌ओ अ़नुवाक सालुम्‍स़ङ त़प़चिओ।

हिब्रु 10:22

खोन्‌ओसा आन्‍कान सेङ्‌याङ्‌ओ साकोङ्‌वा खोन्‍कि अ़छ़ङ साकोङ्‌छ़ङ मुन्‌कि निनाम्‍हाङ्‌ओ अ़चुबुदा खारिन्‍ने। देकिनालो आन्‍छेन्‍खातायाचि ख्रिस्‍तओ अ़चुह़आ सेङ्‌माचि निकिना म़रेप्‍तायुङ्‌सा, खोन्‍कि आन्‍पोक्‌चि सेङ्‌याङ्‌ओ चाक्‌वाआ वाम़स़त्‍तापुवायुङ्‌सा।

हिब्रु 11:19

निनाम्‍हाङ्‌आ म़नाचि म़सुवादाओदाङ्‌काछाङ लामाखोन्‍मालोन्‍मा म़ऱचि निकिना अब्राहाम मिना, खोन्‍कि अब्राहाम्‌आ इसहाक सुवादाओदाङ्‌का लासिन्‍तोक्‍तिन्‌वा लिसा।

हिब्रु 13:18

आन्‍काओ निम्‍पाङ यामारानिन। आन्‍कान्‍का सिन्‍तुम्‌योम्‍का आन्‍काओ छेन्‍खाताया सेङ्‌याङ, खोन्‍कि अ़धुन झारा य़ङ्‌चि नुलोक मुमानि आन्‍कान्‍का मिनिन्‌येन्‍का।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

हिब्रु 9:24

ख्रिस्‍त म़नाओ अ़छुक्‌आ मुमाय़ङ सेङ्‌याङ्‌ओदा मान्‌वाङ्‌चि। मो अ़नुछ्‍या निनाम्‍मादुओ अ़मात्‍ऩङ ओन्‍ङा ओ। मेन खोक्‍को निनाम्‍मादुङा म़वाङा, खोन्‍कि खोक्‍को आन्‍लिप्‍पादा निनाम्‍हाङ्‌ओ अ़चुबुदा म़खारायुङ्‌सा।

१ पत्रुस 1:3

आन्‍हाङ्‌पा येसु ख्रिस्‍तओ अ़चुपा, निनाम्‍हाङ्‌ओ अ़चुऩङ्‌लोङ्‌ने! खोक्‍कोसोओ तोक्‍पो अ़चुसोम्‍तुक्‍माआ म़सुवादाओदाङ्‌का येसु ख्रिस्‍तओ अ़चुलामाखोन्‍मालोन्‍मालाम्‍पा आन्‍कान अ़ऩङ्‌वा ह़ङ्‌म़ङ तोक्‍तुम। हान आन्‍कान अ़ह़ङ सोम्‍कुवादा आन्‍कान अ़क्‌तात लिसिन्‌युङ्‌सिन।

१ पत्रुस 3:16

मेन मो सिम्‍नान्‍चिन्‍सा खोन्‍कि साऩङ्‌वाएनान मुवानुम। आम्‍नुओ छेन्‍खाताया सेङ्‌लो मुवानुम, खोन्‌ओसा आम्‍नुओ देङ्‌सालाप्‍पादा सुङ्‌याङ्‌सा काचेप खोन्‍कि ख्रिस्‍तदाओ आम्‍नुओ च़माथाङ्‌मादा रुकाफोक्‌चि लेजोदा म़छुक्‍ने।