१ पत्रुस 3:16 - बान्‍तावा राई

¹⁶ मेन मो सिम्‍नान्‍चिन्‍सा खोन्‍कि साऩङ्‌वाएनान मुवानुम। आम्‍नुओ छेन्‍खाताया सेङ्‌लो मुवानुम, खोन्‌ओसा आम्‍नुओ देङ्‌सालाप्‍पादा सुङ्‌याङ्‌सा काचेप खोन्‍कि ख्रिस्‍तदाओ आम्‍नुओ च़माथाङ्‌मादा रुकाफोक्‌चि लेजोदा म़छुक्‍ने।

१ पत्रुस 3:16 ပူးပေါင်းရင်းမြစ်များ

मत्‍ति 5:11

खानानिन अ़ङ्‌का कात़ङ्‌चिओसा म़नाचिआ खानानिन ऩसुङ्‌तिन खोन्‍कि ऩल़क्‍तिन खोन्‍कि सोज्‍जेओ चेप्‌याङ्‌सा आम्‍नुओ देङ्‌सालाप्‍पादा झाराकापाराओ अ़त्‍लो ऩलोन्‌नालो खानानिन आसिखा कातोक्‌चि ओ।

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

छाम्‍माय़ङ 28:22

मेन आन्‍कान्‍का आम्‍मिन्‍माचि एन्‍मा स़न्‌येन्‍का, देकिनालो ओ साम्‌योक रुहुप्‌ओ अ़तुक्‌वाओ अ़देङ्‌सालाप्‍पादा झारादात्‍नि म़नाचि म़चेप्‌याङ्‍ओ आन्‍कान्‍का सिन्‍तुम्‌योम्‍का।”

रोमि 9:1

ख्रिस्‍त अ़ङ्‌सालुम्‍स़ङ म़युङ्‌याङ, अ़ङ्‌का अ़नुछ्‍या चेप्‍ङाङा। अ़ङ्‌का अ़म़प्‍ऩङ। सेङ्‌लावाआ अ़ङ्‌लावा सालुम्‍स़ङ प़ङु।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 4:2

आन्‍कान्‍का लेजोकात्‌ओ खोन्‍कि कुम्‌याङ्‌सा मुमायु काचिचि ऩङाछिरुम्‍च़म्‌का। आन्‍कान्‍का चाप्‍चा मुमा माङ्‌लो निनाम्‍हाङ्‌ओ अ़चुय़ङ ऱक्‍मा छुन्‍तिन्‍का। मेन अ़छ़ङ्‌य़ङ नुलोक खालुयाङ्‌सा निनाम्‍हाङ्‌ओ अ़चुबुदा आन्‍कान्‍का झारा म़नाओ छेन्‍खातायादा लोक्‍मा अ़खान्‍तिन्‍काओ मुन्‍चिन्‍का।

१ तिमोथि 1:19

साकोङ्‌छ़ङ खोन्‍कि अ़नुवाक छेन्‍खाताया मान्‍लेत्‌दो। खा-खाक्‍को म़नाचिआ छेन्‍खाताया ऩङाअ़छिराकि अ़चुसाकोङ्‌छ़ङ अ़लुक्‍तायुङ्‌सा।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

२ तिमोथि 1:3

अ़ङ्‌का खाना अ़धुन अ़ङ्‌यामात्‍माचिदा मित्‍नाहिदा अ़ङ्‌का निनाम्‍हाङ आलाङ प़ङ। खोक्‍को अ़ङ्‌सुन्‍तुम्‌चिआ अ़ब़क्‍ताओवात्‍नि अ़ङ्‌का सेङ्‌याङ्‌ओ अ़ङ्‌छेन्‍खातायाआ ब़क्‍तुङ।

तितस 2:8

अ़छ़ङ य़ङ चिन्‍तुचि, खोन्‍कि साङ्‌आछाङ मो य़ङ क़प्‍मा ऩऱन्‍ने। मोवात्‍निनालो ङेङ्‌चिछाङ आन्‍तुक्‌वादा देत्‍छाङ य़ङ्‌मा ऩऱनिन्‌कि आप्‍पि लेजोदा म़छुक।

हिब्रु 13:18

आन्‍काओ निम्‍पाङ यामारानिन। आन्‍कान्‍का सिन्‍तुम्‌योम्‍का आन्‍काओ छेन्‍खाताया सेङ्‌याङ, खोन्‍कि अ़धुन झारा य़ङ्‌चि नुलोक मुमानि आन्‍कान्‍का मिनिन्‌येन्‍का।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 2:15

देकिनालो निनाम्‍हाङ्‌ओ अ़चुमित्‍चिऩङ ओङा ओ, खानानिन अ़नुवाक काचि मुवानिन्‌कि ऱक्‍भाक म़नाचिओ अ़चुखामान्‍सिन्‍दामा वाइवेत मुमाचिदोत।

१ पत्रुस 2:19

देकिनालो खाक्‍कोसाआ निनाम्‍हाङ मित्‍तुकिना अ़त्‍लो मुमाय़ङ दुखा आङ्‌तुनालो मो चोन्‍मा खान्‍तु।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

१ पत्रुस 4:4

खानानिन मोचिएनान अ़क्‍नि अ़अ़त्‍पा काचिदा मान्‍कोन्‍त़दान्‌ओ ऩखान्‌कि मोचि दोम्‍तुदाङुचि, खोन्‍कि खानानिन रुऩफोक्‍तिन।