१ पत्रुस 3:13 - बान्‍तावा राई

¹³ खानानिन अ़नुवाक काचि मुमा त़छेसिन्‌येन्‌नालो खानानिन साङ्‌आ दुखा ऩप़न कि?

१ पत्रुस 3:13 ပူးပေါင်းရင်းမြစ်များ

रोमि 13:3

देकिनालो अ़नुवाक काचिओ निम्‍पाङ माआङ, मेन अ़अ़त्‍पा काचि कामुचिआ हाङ्‌काचि कामुचि कित्‍तुम्‍च़म। दि खाना हाङ्‌काचि कामुचिओ कित्‍मादा युङ्‌मा त़स़नानान? खोन्‍नालो अ़नुवाक काचि मुवा खोन्‍कि खाना खोसाआ त़चोन।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

१ कोरिन्‍थि 14:1

सोम्‍तुक्‍मा आम्‍नुओ मित्‍चिऩङ मुवानुम। मेन लावामि सावाचिदाछाङ आम्‍नुओ मिन्‍मा पाक्‍तानुम। मोचिदाङ्‌का च़लोक अ़काचि याक्‌ओ लावामि सावा निनाम्‍हाङ्‌य़ङ खालुमाओ।

एफिसि 5:1

खानानिन सोम्‍तुक्‍माय़ङ निनाम्‍हाङ्‌ओ अ़चुछाचि त़लिसिन्‌ओसा निनाम्‍हाङ म़च़याङ्‌वा चुवानिन।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

३ युहन्‍ना 1:11

सोमातुक्‍नाङ्‌नाओ यावा, अ़अ़त्‍पा य़ङ मान्‍खेङ्‌दो, मेन अ़नुवाक य़ङ ओन्‍ङा खेङ्‌सु। साङ नुलोक च़, मो निनाम्‍हाङ्‌दाङ्‌का ओ, साङ अ़त्‍लो च़, मोसाआ निनाम्‍हाङ मान्‍सिन्‌युक्‍तु।