१ पत्रुस 3:10 - बान्‍तावा राई

¹⁰ देकिनालो साम्‍कालिन य़ङ्‌याङ, “साङ्‌आ अ़ह़ङ्‌म़ङ सोमातुक्‍तु खोन्‍कि अ़नुवाक लेन्‌चि खाङ्‌मानि मिन, मोसाआ अ़लेम अ़त्‍लो चेप्‍मा खोन्‍कि अ़दोसिवा म़प्‍माय़ङ्‌दाङ्‌का अ़थाया युङ्‌सुने।

१ पत्रुस 3:10 ပူးပေါင်းရင်းမြစ်များ

मत्‍ति 19:17

खोक्‍कोसाआ मो अ़लासालोवा, “अ़नुवाक दि ओ, मोसोओ अ़तुक्‌वादा खाना अ़ङ्‌का देकि त़सेन्‍ङाङा? अ़नुवाक ना निनाम्‍हाङ ओन्‍ङा म़मुयाङ। मेन खाना अ़लुक्‍निन्‌ओ ह़ङ्‌म़ङ्‌दा वाङ्‌मानि त़मिन्‌याङ्‌नालो मोसाओ अ़य़ङ्‌हुप्‌वात्‍नि चुवा।”

मर्कुस 8:35

देकिनालो साङ्‌आ अ़ह़ङ्‌म़ङ लेन्‍मा लाप्‍तु, मोसाआ मो मासु, मेन साङ्‌आ अ़ङ्‌को खोन्‍कि नुय़ङ्‌खान्‌ओ निम्‍पाङ अ़ह़ङ्‌म़ङ मासु, मोसाआ अ़नुछ्‍याओ ह़ङ्‌म़ङ तोक्‍तु।

युहन्‍ना 1:47

येसुआ नथानेल खोएदात्‍नि बानाङाओ अ़खाकि मोसोओ अ़तुक्‌वादा म़य़ङा, “अ़क्‍छा अ़नुछ्‍याओ इस्राएलि खानुम, मोएदा दित्‍छाङ म़प्‍मा मात्‍द़ङ।”

युहन्‍ना 12:25

आप्‍पि अ़ह़ङ्‌म़ङ सोमाकातुक्‌आ मो मासु, मेन आप्‍पि अ़ह़ङ्‌म़ङ ओ हेन्‍खामादा ऩङाकाछित्‌आ अ़धुन्‌तारिओ अ़नुछ्‍याओ ह़ङ्‌म़ङ रात्‍तु।

याकुब 1:26

साङ साम्‌योक्‍मिनि मित्‍नान्‍चिन्‌कि अ़लेम अ़क़म्‍तुन्‌नालो खोङा धान्‍नान्‍चिन, खोन्‍कि खोसोओ अ़साम्‌योक सोज्‍जेओ लि।

१ पत्रुस 2:1

खोन्‌ओसा झारा अ़त्‍लो च़मा, झारा म़प्‍मा कोङ्‌क़त्‌वा, ऩङ्‌च़ मुमा खोन्‍कि झारा सुङ्‌मा य़ङ्‌चि छिरानुम्‍च़म।

१ पत्रुस 2:22

“खोक्‍को ना हेवाङा म़मुवा, ना खोक्‍कोसोओ अ़चुदोदाङ्‌का म़प्‍मा य़ङ्‌ङा लोन्‍ता।”

खाङ्‌मुमा 14:5

ओ म़नाचिओ अ़चुदोदाङ्‌का देम्‍खाछाङ सोज्‍जेओ य़ङ मान्‍धित, मोचि थुपि मात्‍द़ङ्‌ओचि म़मुवाङा।