१ पत्रुस 2:8 - बान्‍तावा राई

⁸ खोन्‍कि, “मोक्‍को अ़क्‍ताक लुङ्‌ताक्‌आङा म़नाचि धुङ्‌म़मेत्‍तुचि, खोन्‍कि मोक्‍को लुङ्‌छ़ङ्‌आङा म़नाचि काधाम म़मुचि।” देकिनालो मोचि निनाम्‍हाङ्‌ओ अ़चुय़ङ ऩङाअ़छित, मोचिओ निकि ओवात्‍नि लिमाङा निनाम्‍हाङ्‌ओ अ़चुमिन्‍मा याआङा।

१ पत्रुस 2:8 ပူးပေါင်းရင်းမြစ်များ

लुका 2:34

खोन्‍कि सिमियोन्‌आ खोचि आसिखा प़चिकि नुनुओ अ़मा मरियम लो, “एनु, ओक्‍को नुनुआ इस्राएल्‌दाओ ब़द्‍धे म़नाचि सिम्‍धाइसि खोन्‍कि झोन्‍लोइसि निनाम्‍हाङ्‌आ अ़छेन्‍तायुङ्‌सा। खोक्‍कोसाआ म़नाचि चाप्‍म़चेत्‍तुचि, मेन म़नाचि खोक्‍कोसोओ अ़चुय़ङ लोक्‍मा म़छुन।

रोमि 9:22

निनाम्‍हाङ्‌आ अ़चुच़ऱपा खोन्‍कि अ़चुसावा खाङ्‌मुमा म़स़नालो खोक्‍कोसाआ खाङ्‌मुमा अ़ऱ। मेन खाक्‍कोचि दन्‍दा प़मा खान्‍तुचिओ म़मुयाङ, दि खोक्‍को मो म़नाचिओ निम्‍पाङ अ़न्‍नुनु काहुङ ऩमुनिनिन?

१ कोरिन्‍थि 1:23

मेन आन्‍कान्‍काआ ना क्रुस्‌दा ख़न्‍माय़ङ्‌ओ ख्रिस्‍त खालुसुम्‍का। यहुदिचिओ निम्‍पाङ अ़चुधुङ्‌खा खोन्‍कि ग्रिक्‌चिओ निकिना खामान्‍सिन लिसा।

२ कोरिन्‍थि 2:16

देकिनालो साङ्‌चि म़लुक्‍खात्‌याङ, आन्‍कान ओ अ़क्‌तात क़माकात्‍तुओ नाम्‍छ़ओ सुङ ओ, मोसाआ सेरुचि, मेन साङ्‌चि म़लेत्‌याङ, मोचिओ निम्‍पाङ आन्‍कान ओ अ़क्‌तात नाम्‍नुओ सुङ ओ, मोसाआ ह़ङ्‌सुचि। ओवाको काचिचि मुमा काऱ साङ युङ्‌याङ?

गलाति 5:11

ब़ब़, नाना खोन्‍कि निछाचि ओ, अ़ङ्‌का सिप्‍मायाम्‍बुन मुमादोत निकिना हान्‍छाङ खालुङाङाओ खाङ्‌देना अ़ङ्‌का यहुदिचिआ दुखा मान्‍प़ऩदाङ्‌ओ। मोवात्‍नि क्रुस्‌ओ अ़तुक्‌वादा खाअ़लुऩङ्‌ओ खाङ्‌दे ना अ़ङ्‌का फित्‍चि ऩमुऩङ्‍ओ।

१ थेसलोनिकि 5:9

देकिनालो निनाम्‍हाङ्‌आ आन्‍कान दन्‍दा प़मा निम्‍पाङ माआङ, मेन आन्‍हाङ्‌पा येसु ख्रिस्‍तलाम्‍पा लेन्‍मा तोक्‍तुम्‍ने निम्‍पाङ बुयाङा म़छेन्‍ता।

१ पत्रुस 2:6

देकिनालो साम्‍कालिन्‌दा याक्‌याङ: “खानुम, सियोन्‌दा अ़क्‌तात छेन्‍माय़ङ्‌ओ खोन्‍कि अ़लुङ्‌छ़ओ खुचुरोङ्‌दाओ लुङ अ़ङ्‌का युङ्‌सुङ, खोन्‍कि साङ खोक्‍कोएदा साकोङ्‌छ़ङ मु, खो देम्‍खाछाङ लेजोदा अ़छुक्‍निन।”

१ पत्रुस 2:7

खोन्‌ओसा खानानिन साकोङ्‌छ़ङ कामुचिओ निकिना खोक्‍को अ़लुङ्‌छ़ओ म़मुयाङ, मेन साकोङ्‌छ़ङ मान्‍मुकादाचिओ निकिना, “खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक मो खुचुरोङ्‌दाओ मुलो लुङ्‌ताक म़लिसायुङ्‌सा।”

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।

यहुदा 1:4

मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा। खा-खाक्‍को म़नाचि मान्‍सिन्‍मान्‍तोक आम्‍नुओ रादा म़ताचिआयुङ्‌सा। मोचि निनाम्‍हाङ मान्‍ब़क्‍कादा म़नाचि ओ, मोचिआ आन्‍निनाम्‍हाङ्‌ओ अ़चुसोमातुक्‍मा ताङ्‌लान्‌दा अ़फान्‍तायुङ्‌सा। आन्‍को अ़क्‍छा ओन्‍ङा ओ आन्‍हाङ्‌काचि कामु खोन्‍कि हाङ्‌पा येसु ख्रिस्‍त ऩङाअ़छित। मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा।