१ पत्रुस 2:21 - बान्‍तावा राई

²¹ देकिनालो ओसोओ निकिना निनाम्‍हाङ्‌आ खानानिन ऩबुत्‍तिन्‌ओ। ख्रिस्‍तआछाङ आम्‍नुओ निम्‍पाङ दुखा अ़आङ्‌ताकि अ़क्‌तात अ़मात्‍ऩङ ऩछित्‍तिन्‍दान, खोन्‍कि खोक्‍कोसोओ अ़चुलाम्‌दा खानानिन्‌छाङ कोन्‍मादोत।

१ पत्रुस 2:21 ပူးပေါင်းရင်းမြစ်များ

मत्‍ति 10:38

खोन्‍कि साङ्‌आ अ़क्रुस खुयुकि अ़ङ्‌का अ़त़ङ्‌ऩङ, मो अ़ङ्‌काखेङ लिमा अ़खान्‍तुन।

मत्‍ति 11:29

अ़ङ्‌कोम खुयानुम, खोन्‍कि अ़ङ्‌काएदाङ्‌का चिन्‍तानिन्‍चिन, देकिनालो अ़ङ्‌मिन्‍मा नोत्‌याङ्‌ओ खोन्‍कि कासिम्‍नान्‍चिन मुङाङा। खोन्‍किना खानानिन्‌आ आम्‍नुओ ह़ङ्‌म़ङ्‌चिदा सावातोम्‍मा त़तोक्‍तुम।

मत्‍ति 16:24

खोन्‍किना येसुआ अ़चुकाखेङ्‌पाचि म़लोचि, “साङ अ़ङ्‌का त़ङ्‌मा स़याङ्‌नालो खो आप्‍पि अ़मित्‍चिऩङ छित्‍मादोत, खोन्‍कि अ़क्रुस खुन्‍माकि अ़ङ्‌का त़ङ्‌मादोत।

लुका 24:26

दि निनाम्‍मादु ख्रिस्‍तओ अ़चुऩङ तोक्‍पो लिमा बुया ओ दुखाचि आङ्‌मा मान्‍दोत्‌याङ्‌चि कि?”

युहन्‍ना 13:15

अ़ङ्‌का खानानिन अ़क्‌तात अ़मात्‍ऩङ खाङ्‌मेत्‍नायुङ्‌नानिन, खोन्‍कि अ़ङ्‌का देत्‍नि आम्‍नुओ निम्‍पाङ चुवाङ, खानानिन्‌छाङ मोवात्‍निङा चुवानिन।

युहन्‍ना 16:33

अ़ङ्‌तुक्‌वाआ खानानिन सेवाङ्‌नि त़लिसिन्‍ने निकिना अ़ङ्‌का खानानिन ओ य़ङ्‌चि लोनायुङ्‌नानिन। खोन्‌ओसा हेन्‍खामादा खानानिन दुखा त़तोक्‍तिन, मेन राक मुवानिन! अ़ङ्‌का हेन्‍खामाएदा छोसाङ।”

छाम्‍माय़ङ 14:22

खोचिआ येसु काखेङ्‌चि “लावामि ह़ङ्‌म़ङ्‌दा सावा खोन्‍कि साकोङ्‌छ़ङ मुवायुङ्‌सानिन” निकिना राक अ़पुवाचुचिन। “निनाम्‍हाङ्‌ओ अ़चुहाङ्‌होन्‌दा वाङ्‌मा आन्‍कान ब़द्‍धे दुखाचि आङ्‌माङादोत”नि खोचिआ अ़लोवाचुचिन।

छाम्‍माय़ङ 17:3

खोसाआ साम्‍कालिन्‌दाङ्‌का खाएत्‌याङ्‌सा खोन्‍कि सालुम्‍स़ङ प़याङ्‌सा मोचि लोचि, “ख्रिस्‍तआ दुखा आङ्‌मा खोन्‍कि म़सुवादाओदाङ्‌का खोन्‍मालोन्‍मादोरा। ओक्‍को येसुओ अ़चुतुक्‌वादा अ़ङ्‌का खानानिन खाएत्‍नाङ्‌नानिन, खोक्‍कोङा ख्रिस्‍त ओ।”

छाम्‍माय़ङ 9:16

देकिनालो अ़ङ्‌ऩङ्‌ओ निम्‍पाङ खोसाआ देम दुखा आङ्‌मादोत, अ़ङ्‌का खो खाङ्‌मेत्‍तुङ।”

रोमि 8:29

साङ-साङ खोक्‍कोसाआ बुयाङा म़सिन्‍तुयुङ्‌सुचि, निनाम्‍हाङ्‌आ मोचि आप्‍पिओ अ़चुछा ख्रिस्‍तवात्‍नि मुमा निम्‍पाङ म़छेन्‍तुचि। खोक्‍कोसाआ ओ अ़मुवा, खोन्‌ओसा ब़द्‍धे ब़ब़, नाना खोन्‍कि निछाचिएदा ख्रिस्‍त झारादाङ्‌का ब़ब़ म़लिने।

१ कोरिन्‍थि 11:1

अ़ङ्‌का ख्रिस्‍त त़ङ्‌तुङ्‌वा खानानिन्‌छाङ अ़ङ्‌का कात़ङ लिसानिन।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

फिलिप्‍पि 2:5

झारा आम्‍नुओ रादा येसु ख्रिस्‍तदा याआङावाको मिन्‍मा याक्‍ने।

१ थेसलोनिकि 3:3

खोन्‌ओसा दुखाचिआ आम्‍नुओ साङ्‌कोछाङ राक अ़स़निन्‍ने। खानानिन्‌ङा त़सिन्‍तुम्‌योम, ओवाको दुखाचि ना आन्‍कान आङ्‌माङादोत।

१ थेसलोनिकि 4:2

देकिनालो आन्‍कान्‍का हाङ्‌पा येसुओ अ़चुपाङ्‌लाम्‍पा दि-दि चिन्‍नियुङ्‌नि मो खानानिन त़सिन्‍तुम्‌योम्‍च़म।

२ तिमोथि 3:12

अ़नुछ्‍याङा ख्रिस्‍त येसुएदा साम्‌योक्‍मि ह़ङ्‌म़ङ ह़ङ्‌मा कालाम्‌चि झारा दुखादा म़छुक।

हिब्रु 2:10

झारा सामाचि निनाम्‍हाङ्‌आ अ़मुया ओ, खोन्‍कि मोचि निनाम्‍हाङ्‌ओङा ओ। ब़द्‍धे म़नाचि साम्‌दा तात्‍मा निम्‍पाङ निनाम्‍हाङ्‌आ येसु स़मा आङ्‍अ़मेत्‍ताकि अ़च़क़ल़क अ़मुवाओ तोङा। देकिनालो म़नाचि लेन्‍मादा कातित येसुङा ओ।

१ पत्रुस 1:20

खोक्‍को हेन्‍खामा मुन्‍मादाङ्‌का बुयाङा निनाम्‍हाङ्‌आ अ़छेन्‍तायुङ्‌सा, मेन आम्‍नुओ निकिना आदेङ्‌माङ खोक्‍को खाङ्‌अ़मुसा।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

१ पत्रुस 3:9

अ़त्‍लोओ अ़फान्‌दा अ़त्‍लो मान्‍च़दानिन, माङ्‌लो रुफोक्‍माओ अ़फान्‌दा रुमान्‍फोक्‍दानिन, मेन मोसोओ अ़फान्‌दा आसिखा पुवानुम्‍च़म। देकिनालो ओसोओ निम्‍पाङ निनाम्‍हाङ्‌आ खानानिन ऩबुत्‍तिन्‌ओ, खोन्‌ओसा आसिखा तोक्‍तानुम।

१ पत्रुस 4:1

ख्रिस्‍तआ अ़चुपोक्‌दा दुखा अ़आङ्‌ताओसा खानानिन्‌छाङ येसुआवात्‍नि मिनानिन। देकिनालो साङ्‌आ अ़पोक्‌दा दुखा आङ्‌तुयुङ्‌सु, मोसाआ हेवा मुमा छिरुयुङ्‌सु।

१ पत्रुस 4:13

मेन ख्रिस्‍तओ अ़चुदुखा आङ्‌मादा खानानिन त़वाङिन्‌येन्‌हिदा ऩङानुसानिन्‍चिन। खोन्‍नालो खोक्‍कोसोओ अ़चुसाम दात्‌हिदा खानानिन्‌छाङ अ़न्‍नुनु आम्‍नुओ ऩङानुने खोन्‍कि छेमाकात्‍ने।

१ युहन्‍ना 2:6

साङ निनाम्‍हाङ्‌एदा युङ्‌ङानि य़ङ, खो ख्रिस्‍तओ अ़चुच़माथाङ्‌मावात्‍नि कोन्‍मादोत।

१ युहन्‍ना 3:16

ओदाङ्‌काङा सोम्‍तुक्‍मा दि ओ निकिना आन्‍कान सिन्‍तुम, देकिनालो ख्रिस्‍तआ आन्‍को निकिना अ़चुह़ङ्‌म़ङ म़पुवा। खोन्‌ओसा आन्‍कान्‌छाङ ख्रिस्‍तियान आन्‌यावाचिओ निम्‍पाङ आन्‍ह़ङ्‌म़ङ प़मादोत।

खाङ्‌मुमा 12:11

ब़ब़, नाना खोन्‍कि निछाचिआ थुबाछाओ अ़चुह़ खोन्‍कि अ़चुओ सालुम्‍स़ङ य़ङ्‌ओ अ़तुक्‌वाआ मोएदा म़छोसायुङ्‌सा। मोचिआ अ़चुस़मातारिछाङ अ़चुह़ङ्‌म़ङ सोमामान्‍तुक्‌अ़दा।