१ पत्रुस 2:11 - बान्‍तावा राई

¹¹ ओ हेन्‍खामादा निहेन्‍कोप्‌दाओचि खोन्‍कि तावाङ्‌चिवात्‍नि त़मुन्‌येन्‌ओ सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का खानानिन यायोक प़नाङ्‌नानिन, आम्‍नुओ लावाओ अ़देङ्‌सालाप्‍पादा ङेन कामु पोक मित्‍माचिदाङ्‌का अ़थाया युङानिन।

१ पत्रुस 2:11 ပူးပေါင်းရင်းမြစ်များ

लुका 21:34

खानानिन चाप्‍चेत्‍तानिन्‍चिन, माङ्‌नालोना आम्‍नुओ ताकावा च़मा, खाबात्‌आ सेत्‍मा, खोन्‍कि ‘देत्‍नि ह़ङ्‌मा’नि मिन्‍मा योक्‍माआ आम्‍नुओ मिन्‍मा तिमुखात्‍तु, खोन्‍किना वाय़वात्‍निङा अ़क्‍धुवा मो लेन तालाप।

छाम्‍माय़ङ 15:20

मेन मोचि ‘सेम्‍पोक हेन्‍खोक्‌वा दात्‍माय़ङ चामायु चामा, ताङ्‌लान मुमादाङ्‌का खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि अ़ह़ चामादाङ्‌का अ़थाया युङानिन’निकिना आन्‍कान छाप्‍तुम हान्‍तुम्‍च़म्‍ने।

छाम्‍माय़ङ 15:29

खानानिन सेम्‍पोक हेन्‍खोक्‌वा दात्‍माय़ङ चामायु चामा खोन्‍कि अ़ह़ चामा खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङानिन। ओ य़ङ्‌हुप्‌चि त़मुम्‍च़म्‌नालो नुलोक खानानिन त़लिसिन। हासिन्‍चिन्‍ने।”

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

रोमि 7:23

मेन अ़ङ्‌पोक्‍फुत्‌चिदा नितात य़ङ्‌हुप्‌आ अ़ङ्‌मिन्‍मादा याक्‌याङ्‍ओ निनाम्‍हाङ्‌ओ अ़चुय़ङ्‌हुप्‌ओ अ़देङ्‌सालाप्‍पादा ङेङ मु। खोन्‍कि अ़ङ्‌पोक्‍फुत्‌चिदा याक्‌याङ्‍ओ हेवाओ अ़य़ङ्‌हुप्‌आ अ़ङ्‌का अ़छुम्‍ङा।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

२ कोरिन्‍थि 5:20

खोन्‌ओसा आन्‍कान्‍का ख्रिस्‍तओ अ़चुओ हाङ्‌कोङ्‌पिचि ओ, खोन्‍कि निनाम्‍हाङ आन्‍कान्‍कालाम्‍पा म़य़ङ्‌याङ। आन्‍कान्‍का ख्रिस्‍तओ अ़चुलिप्‍पालाम्‍पा खानानिन लोनिङ्‌नि, निनाम्‍हाङ्‌एनान लासातोङानिन।

२ कोरिन्‍थि 6:1

निनाम्‍हाङ्‌एनान अ़क्‍नि काचि कामुओसा आन्‍कान्‍का खानानिन लोनिङ्‌नि, निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम, हान निनाम्‍हाङ काचि मुमा खानानिन्‌एदा पुवानुम।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

एफिसि 2:19

खोन्‌ओसा खानानिन हान्‌दाङ्‌का तावाङ्‌चि खोन्‍कि प़न्‍थादाओचि माआङ, मेन निनाम्‍हाङ्‌ओ अ़चुम़नाचिएनान खानानिन यावा-ताङ्‌युङ्‌चि खोन्‍कि निनाम्‍हाङ्‌ओ अ़चुखिम्‍लुम्‍पादाओ पाङ्‌यिचि त़लिसिन्‌युङ्‌सिन।

एफिसि 4:1

खोन्‌ओसा अ़ङ्‌का हाङ्‌पाओ निम्‍पाङ अ़क्‍छा छेक्‍माय़ङ्‍आ, खानानिन राक प़नाङ्‌नानिन, खानानिन त़तोक्‍तुम्‌ओ बुत्‍माय़ङ खान्‍तुओ ह़ङ्‌म़ङ ह़ङानिन।

२ तिमोथि 2:22

खोन्‌ओसा सावाछादाओ अ़अ़त्‍पा मिन्‍माचि छिरुचि, खोन्‍कि सेङ्‌याङ्‌ओ साकोङ्‌वाआ हाङ्‌पाओ अ़चुऩङ काब़क्‌चिएनान अ़क्‍नि साम्‌योक्‍मि, साकोङ्‌छ़ङ, सोमातुक्‍मा खोन्‍कि सेवाङ्‌निओ मित्‍चिऩङ्‌दा वाङा।

हिब्रु 11:13

ओ झारा म़नाचि निनाम्‍हाङ्‌आ प़नानिन निकिना म़हिप्‍तुचिओ य़ङ मान्‍तोक्‍माङ निनाम्‍हाङ साकोङ्‌छ़ङ मुयाङ्‌सा म़सुवादा। खोन्‍नुछाङ निनाम्‍हाङ्‌आ म़हिप्‍तुचिओ य़ङ मोचिआ अ़थायाङ्‌काङा अ़खाकि अ़चुऩङानुवा। मोवात्‍नि मोचिआ खोचि ओ हेन्‍खामादा तावाङ्‌चि खोन्‍कि काहुलुक्‌चि म़मित्‍तान्‍चिन।

हिब्रु 6:9

सोमातुक्‍निङ्‌निओ यावाचि ओ, आन्‍कान्‍का ओवात्‍नि आम्‍नुओ तुक्‌वादा य़ङिन्‍कानुछाङ आम्‍नुओ लेन्‍माएनान च़लोक अ़नुवाक य़ङ्‌चि खानानिन्‌एदा म़तानि आन्‍कान्‍का सोम्‍कुवा मुन्‍का।

याकुब 4:1

आम्‍नुओ रादा खिमा खोन्‍कि म्‍हुमा खादाङ्‌का ता? दि मो झारा आम्‍नुओ पोक्‍फुत्‍चिहुत्‌दा काम्‌युङ पोक मित्‍माचिदाङ्‌का ता ओ माआङ कि?

१ पत्रुस 1:1

येसु ख्रिस्‍तओ अ़चुछाम्‍माय़ङ पत्रुस्‌दाङ्‌का, पोन्‍तस, गलातिया, कापादोकिया, एसिया खोन्‍कि बिथिनियादा कायुङ लोन्‍माखान्‍माय़ङ फात्‍ताफेला म़लिसाओचि निनाम्‍हाङ्‌आ म़छेन्‍तुचिओचिओ निम्‍पाङ ओ छाप्‍लावा छाप्‍तुङ्‌योङ।

१ पत्रुस 1:17

साङ्‌लिप्‍पाछाङ मान्‌वाङ्‌माङ झारासोओ काचिदा छ़ङ्‌काछेन निनाम्‍हाङ खानानिन्‌आ “आपो”नि य़ङ्‌सा त़ब़क्‍तुम्‌नालो ओ हेन्‍खामादा निहेन्‍कोप्‌दाओवा त़युङिन्‌येन्‌हिदा आम्‍नुओ च़माथाङ्‌मादा खोक्‍को साया मेत्‍तानुम।

१ पत्रुस 4:12

सोमातुक्‍निङ्‌निओ यावाचि ओ, अ़न्‍नुनु अ़चाअ़त्‍मा चिन्‍माखाङ्‌मा खानानिन्‌एदा ताहिदा मान्‍सिन्‍त़युक्‍तुम्‌ओ य़ङ लियाङ्‌वात्‍नि खानानिन त़दोम्‍तिन्‍दान्‍मिन्‍ने।

१ पत्रुस 4:2

खोवात्‍निओसा खो अ़पोक्‌दा ह़ङ्‌याङ्‌तारि हान्‌दाङ्‌का म़नाओ अ़अ़त्‍पा मिन्‍मावा माआङ, मेन निनाम्‍हाङ्‌ओ अ़चुमिन्‍मावा ह़ङ।

२ पत्रुस 3:1

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का आम्‍नुओ निम्‍पाङ ओ ह्‍वातात्‌ओतात छाप्‍लावा छाप्‍तुङ्‌युङ्‌सुङ। ओ ह्‍वातात्‍माङ छाप्‍लावादा अ़ङ्‌का मो य़ङ्‌चि मित्‍मेत्‌याङ्‌सा खानानिन नुलोक मिन्‍मा राक प़नायुङ्‌नानिन।