१ पत्रुस 1:8 - बान्‍तावा राई

⁸ खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

१ पत्रुस 1:8 ပူးပေါင်းရင်းမြစ်များ

मत्‍ति 10:37

साङ्‌आ अ़ङ्‌कादाङ्‌का च़लोक अ़पा माङ्‌लो अ़मा सोमातुक्‍तु, मो अ़ङ्‌काखेङ लिमा अ़खान्‍तुन। साङ्‌आ अ़ङ्‌काएदाङ्‌का च़लोक अ़दुवाछा छा माङ्‌लो अ़मेत्‍छाछा छा सोमातुक्‍तु, मो अ़ङ्‌काखेङ लिमा अ़खान्‍तुन।

युहन्‍ना 14:15

खानानिन्‌आ अ़ङ्‌का सोमात़तुक्‍ङाऩङ्‌नालो अ़ङ्‌लोमाय़ङ्‌चि त़मुम्‍च़म।

युहन्‍ना 14:21

अ़ङ्‌का सोमाकातुक मोङा ओ, साङ्‌एदा अ़ङ्‌लोमाय़ङ्‌चि म़युङ्‌याङ खोन्‍कि मोचि मुचि। अ़ङ्‌का सोमाकातुक अ़ङ्‌पापाआछाङ सोमाअ़तुक। अ़ङ्‌काछाङ मो सोमातुक्‍तुङ, खोन्‍कि अ़ङ्‌का आप्‍पि मोएदा खाङ्‌मुङान्‍च़ङ।”

युहन्‍ना 14:24

अ़ङ्‌का सोमामान्‍तुक्‍कादाआ अ़ङ्‌चिन्‍माय़ङ्‌चि अ़मुन्‍चिन। खानानिन्‌आ त़एनुम्‌योम्‌ओ य़ङ्‌चि अ़ङ्‌को आप्‍पिओ माआङ, मेन अ़ङ्‌का काछुत अ़ङ्‌पापादाङ्‌का ओ।

युहन्‍ना 16:22

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन।

युहन्‍ना 20:29

येसुआ मो अ़लोवा, “खाना अ़ङ्‌का खोन्‍ताङ्‌लोन्‍ताङ्‍ओ त़खाङ्‌युङ्‌साङ्‍ओसा साकोङ्‌छ़ङ अ़ङ्‌का त़मुवाङ्‌युङ्‌साङ्‌ओ। मोचि आसिखा कातोक्‌चि ओ, मोचिआ अ़ङ्‌का मान्‍खाङ्‌ऩयुक्‍ङा, खोन्‍नुछाङ साकोङ्‌छ़ङ ऩमुङा।”

युहन्‍ना 8:42

येसुआ मोचि म़लोचि, “निनाम्‍हाङ आम्‍नुओ पाओनालो ना खानानिन्‌आ अ़ङ्‌का सोमात़तुक्‍ताङ्‌ऩङ्‌ओ। देकिनालो अ़ङ्‌का निनाम्‍हाङ्‌एदाङ्‌का ताङ्‌ओ। अ़ङ्‌का अ़ङ्‌मिन्‍माआ ताङ्‌ओ माआङ, मेन खोक्‍कोसाआ अ़ङ्‌का ऩछुत्‍ताङ्‍ओ।

छाम्‍माय़ङ 16:34

खोन्‍किना छेक्‍खाखिम काखाङ्‌आ पावल खोन्‍कि सिलास अ़खिम्‌दा खात्‍तुचिकि चामायु खोचिओ अ़चुबुदा युक्‍तुचि। निनाम्‍हाङ्‌एदा साकोङ्‌छ़ङ मुवाओसा खो खोन्‍कि झारा अ़खिम्‌दाओचिओ अ़न्‍नुनु अ़चुऩङानुवा।

रोमि 14:17

देकिनालो निनाम्‍हाङ्‌ओ अ़चुहाङ्‌होन चामा खोन्‍कि दुङ्‌माओ अ़तुक्‌वा माआङ, मेन सेङ्‌लावादा, साम्‌योक्‍मि तोक्‍मायु, सेवाङ्‌नि खोन्‍कि ऩङानुमान्‍चिन्‌ओ।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

१ कोरिन्‍थि 16:22

साङ्‌आ हाङ्‌पा सोमाअ़तुक्‍तुन्‌नालो मो माङ्‌हिम्‍ने! आन्‍काओ हाङ्‌पो, तानिन!

२ कोरिन्‍थि 1:22

खोक्‍कोसाआ आन्‍कान्‌एदा अ़चुसेप्‍मा म़पाक्‍तायुङ्‌सा, खोन्‍कि आन्‍साकोङ्‌वादा चिनोयाङ्‌वात्‍नि खोक्‍कोसोओ अ़चुलावा म़पुवायुङ्‌सा।

२ कोरिन्‍थि 12:4

मेन मो म़ना निनाम्‍मादुतारि थेन्‍ताखात्‍ता। खोसाआ खालुमा अ़ऱन्‍मिन्‌ओ य़ङ्‌चि एनुचि। म़नाआ मो य़ङ्‌चि य़ङ्‌माङा अ़नुनिन।

२ कोरिन्‍थि 4:18

खोन्‌ओसा, आन्‍कान्‍का दात्‌याङ्‍ओ सामाचि अ़खान्‍मिन्‍चिन्‍का, मेन ऩदात्‍निनिन्‌ओ सामाचि आन्‍कान्‍का खाम्‍च़म्‍का। देकिनालो दात्‌ओ सामा अ़क्‍दुओ ओन्‍ङा मु, मेन अ़दात्‍निन्‌ओ अ़धुन युङ्‌युङ।

२ कोरिन्‍थि 5:7

देकिनालो आन्‍कान्‍का सोम्‍कुवालाम्‍पा कोलिन्‍का, दात्‌याङ्‍ओलाम्‍पा माआङ।

२ कोरिन्‍थि 9:15

अ़लुङ छाम्‍मा अ़ऱन्‍मिन्‌ओ छुक्‍तुप्‍मा निम्‍पाङ निनाम्‍हाङ आलाङ्‌ने!

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

एफिसि 3:19

खोन्‍कि म़नाओ अ़तायाआ अ़तुप्‍तुन्‌ओ ख्रिस्‍तओ अ़चुसोम्‍तुक्‍मा सिन्‍मा रुवानुम, खोन्‌ओसा निनाम्‍हाङ्‌ओ झारा अ़चुच़माथाङ्‌माआ खानानिन भेप्‍तानिन।

एफिसि 6:24

आन्‍हाङ्‌पा येसु ख्रिस्‍त अ़धुन अ़लुक्‍निन्‍लो सोमाकातुक्‌चि झाराएदा सोमातुक्‍मा युङ्‌ने।

फिलिप्‍पि 1:25

अ़ङ्‌का ओ य़ङ अ़नुछ्‍या सिन्‍तुङ्‌योङ। साकोङ्‌छ़ङ्‌दा आम्‍नुओ पोन्‍मा खोन्‍कि सेवाङ्‌निओ निम्‍पाङ अ़ङ्‌का ह़ङ्‌ङायुङ्‌ङा, खोन्‍कि खानानिन झाराएनान युङ्‌ङा।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

फिलिप्‍पि 4:4

हाङ्‌पाएदा अ़धुन आम्‍नुओ ऩङानुसानिन्‍चिन। अ़ङ्‌का लाङाय़ङ्‌ङा आम्‍नुओ ऩङानुसानिन्‍चिन!

हिब्रु 11:1

हान साकोङ्‌छ़ङ मुमानिओ निनाम्‍हाङ्‌आ म़हिप्‍ताओ अ़नुछ्‍या आन्‍कान तोक्‍तुम निकिना अ़छ़ङ मुमा, खोन्‍कि आन्‍कान अ़खान्‍मिन्‌ओ य़ङ्‌ओ अ़नुछ्‍याओ सोम्‍कुवा मुमा ओ।

हिब्रु 11:27

हाङ्‌ओ अ़माइसुङ्‌दा मान्‍क़माङ साकोङ्‌छ़ङ्‌लाम्‍पा खोसाआ मिस्र हेन्‍कोप छिरुदो। देकिनालो खोसाआ अ़दात्‍निन्‌ओ निनाम्‍हाङ खान्‌वात्‍नि खो लामान्‍चिन छुन्‍ता।

१ पत्रुस 1:6

ओन्‍ग़रि थुत्‍मेत्‍लोतारि खानानिन्‌आ अ़खाला-अ़खालाओ चिन्‍माखाङ्‌माचि त़आङ्‌तुम्‍च़म्‌नुछाङ ओ य़ङ्‌चिदा अ़न्‍नुनु ऩङानुसानिन्‍चिन।

१ पत्रुस 2:7

खोन्‌ओसा खानानिन साकोङ्‌छ़ङ कामुचिओ निकिना खोक्‍को अ़लुङ्‌छ़ओ म़मुयाङ, मेन साकोङ्‌छ़ङ मान्‍मुकादाचिओ निकिना, “खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक मो खुचुरोङ्‌दाओ मुलो लुङ्‌ताक म़लिसायुङ्‌सा।”

१ पत्रुस 5:4

खोन्‍कि मुलो काखाङ्‌पा खाङ्‌म़मुनान्‍चिन्‌हिदा देम्‍खाछाङ अ़युन्‍निन्‍खात्‍निन्‌ओ ऩङ्‌लोङ्‌माओ सिरिफा त़तोक्‍तुम।